సముద్రంలోకి వెళ్లడానికి ప్రయత్నించిన యువకులు.. వింత శిక్ష విధించిన పోలీసులు.. వైరల్‌గా మారిన వీడియో..

POlice Funny Punishment: ఇటీవలి కాలంలో పోలీసుల తీరులోనూ మార్పు కనిపిస్తోంది. ఒకప్పుడు ఎక్కువగా లాఠీలకు పనిచెప్పే రక్షకభటులు ఇప్పుడు ఫ్రెండ్లీ పోలీసింగ్‌లో భాగంగా వేసే శిక్షల్లోనూ కొత్తదనం..

Mumbai Police Funny Punishm

Updated on: Apr 01, 2021 | 9:09 PM

POlice Funny Punishment: ఇటీవలి కాలంలో పోలీసుల తీరులోనూ మార్పు కనిపిస్తోంది. ఒకప్పుడు ఎక్కువగా లాఠీలకు పనిచెప్పే రక్షకభటులు ఇప్పుడు ఫ్రెండ్లీ పోలీసింగ్‌లో భాగంగా వేసే శిక్షల్లోనూ కొత్తదనం చూపిస్తున్నారు. ఈ క్రమంలోనే ముంబయిలో జరిగిన ఓ సంఘటన ప్రస్తుతం సోషల్ మీడియాలో నవ్వులు పూయిస్తోంది. వివరాల్లోకి వెళితే.. దక్షిణ ముంబైలో కొందరు యువకులు సముద్రంలోకి దూకడానికి ప్రయత్నించారు. సముంద్రంలోకి దూకి సరదగా ఈత కొడుదామని భావించారు ఆ కుర్రాళ్లు. అయితే అది నిషేధిత ప్రాంతం అక్కడ సముద్రంలోకి వెళ్లడానికి అనుమతులు లేవు. దీంతో అటుగా వెళ్తోన్న పోలీస్ ఆఫీసర్లు ఆ విషయాన్ని గుర్తించి. యువకులను బెదిరించిన సముద్రంలోకి దూకాలని చేస్తోన్న ప్రయత్నాన్ని అడ్డుకున్నారు. అనంతరం నిబంధనలను ఉల్లంఘించిన ఆ యువకులకు విచిత్ర శిక్షను విధించారు. ఆ యువకులను కోడిలాగా (కింద కాళ్లపై కూర్చొని) నడవమని ఆదేశించారు. దీంతో యువకులంతా తప్పక పోలీసుల ఆదేశాలను పాటించారు. స్థానికంగా ఉన్న కొందరు ఈ తతంగాన్ని మొత్తం తమ సెల్ ఫోన్లలో వీడియో తీసి నెట్టింట్లో పోస్ట్ చేశారు. దీంతో ప్రస్తుతం ఈ వీడియో నెట్టింట్లో వైరల్‌గా మారింది. ఆ యువకులు కేవలం సముద్రంలోకి వెళ్లడానికి ప్రయత్నించడమే కాకుండా మాస్కులు కూడా ధరించలేదన్న కారణంతో ఈ పనిష్మెంట్ ఇచ్చారు. ఈ వీడియో చూసిన నెటిజన్లు రకరకాల కామెంట్లు చేస్తున్నారు.