Sparrow Cat Video: పిల్లిపై పిచ్చుక ప్రాంక్.. ప్రాణం కాపాడుకోవడం కోసం భలే నాటకమాడిందే.. పక్షి ఐడియాకు ఫిదా..

Sparrow Cat Viral Video: ప్రాణం ఎవరికైనా గొప్పదే.. అది మనుషులకైనా, జంతువులకైనా. ప్రాణం మీదికొస్తే ప్రపచంలో ఏ జీవైనా సరే చాకచక్యంగా స్పందిస్తుంది. ఆ ప్రమాదం నుంచి..

Sparrow Cat Viral Video

Narender Vaitla |

Updated on: Apr 01, 2021 | 8:42 PM

Sparrow Cat Viral Video: ప్రాణం ఎవరికైనా గొప్పదే.. అది మనుషులకైనా, జంతువులకైనా. ప్రాణం మీదికొస్తే ప్రపచంలో ఏ జీవైనా సరే చాకచక్యంగా స్పందిస్తుంది. ఆ ప్రమాదం నుంచి తప్పించుకొని ప్రాణాలను నిలబెట్టుకోవడానికి ప్రయత్నిస్తుంది. తాజాగా నెట్టింట వైరల్‌గా మారిన ఓ వీడియోను చూస్తే ఇది అక్షరాల నిజం అనిపించడంలో ఎలాంటి సందేహం లేదు. వివరాల్లోకి వెళితే.. ఎక్కడ దొరకించుందో.? ఎలా దొరికించుకుందో.? తెలియదు కానీ.. ఓ పిల్లి చిన్న పిచ్చుకను పట్టుకొని వచ్చింది. దానిని నేలపై పెట్టి ఇక గుటుక్కుమందాం అని ఆలోచిస్తోంది. ఆ సమయంలో ఆ పిచ్చుక ఎంతకీ కదలకుండా చనిపోయిన దానిలా నటించడం ప్రారంభించింది. దీంతో ఆ పిట్ట చనిపోయిందని భావించిన పిల్లి కాస్త రిలాక్స్ అయ్యింది. ఇక దొరికిందే ఛాన్స్ అన్నట్లు ఆ బుజ్జి పిట్ట తుర్రుమని పారిపోయింది. దీంతో పిట్ట ప్రతిచర్యను ఊహించని పిల్లి దానిని పట్టుకోవడానికి మళ్లీ రంకలేసింది. కానీ ఈసారి మాత్రం అది పిల్లికి దొరికినట్లు లేదు. ఇలా తన అద్భుత నటనతో ప్రాణాలను నిలబెట్టుకుంది పిచ్చుక. దీంతో ఈ వీడియో ప్రస్తుతం నెట్టింట్లో వైరల్‌గా మారింది. సుశాంత నంద అనే ఐఎఫ్ఎస్ అధికారి ఈ వీడియోను ట్విట్టర్‌లో పోస్ట్ చేస్తూ.. ‘ఏప్రిల్ ఫూల్’ అంటూ క్యాప్షన్ జోడించాడు. దీంతో పిల్లిని పిచ్చుక భళే బురిడి కొట్టించిందని నెటిజన్లు నవ్వుకుంటున్నారు.