Ocean In Himalayas: హిమాలయాల్లో అద్భుతం.. 600 ఏళ్ల నాటి సముద్రాన్ని కనుగొన్న పరిశోధకులు.. వివరాలివే..!

భారతీయులకు హిమాలయాలతో ఓ అవినాభావ సంబంధం ఉంది. ముఖ్యంగా ఉత్తర భారతీయులకు హిమాలయాలకు ఓ విడదీయరాని బంధం ఉంటుంది. అయితే ప్రస్తుతం హిమాలయాల్లో బెంగళూరులోని ఇండియన్ ఇన్‌స్టిట్యూట్ ఆఫ్ సైన్స్, జపాన్‌లోని నీగాటా యూనివర్సిటీ శాస్త్రవేత్తలు పురాతన సముద్రపు అవశేషాలను కనుగొన్నారు. హిమాలయాల్లో సుమారు 600 మిలియన్ సంవత్సరాల నాటి ఖనిజ నిక్షేపాలలో చిక్కుకున్న నీటి బిందువులను ఈ బృందం కనుగొంది. అలాగే ఈ ఆవిష్కరణ భూమిపై గతంలో జరిగిన ముఖ్యమైన ఆక్సిజనేషన్ సంఘటనపై కీలకమైన అంతర్దృష్టులను అందిస్తుంది. కాల్షియం, మెగ్నీషియం కార్బోనేట్‌లతో సమృద్ధిగా ఉన్న ఈ ఖనిజ నిక్షేపాలు పాలియో మహాసముద్రాలకు టైమ్ క్యాప్సూల్ లాగా ఉన్నాయని పరిశోధకులు చెబుతున్నారు. ఈ తాజా పరిశోధనలపై మరికొన్ని వివరాలను ఓ సారి తెలుసుకుందాం.

దాదాపు 700-500 మిలియన్ సంవత్సరాల క్రితం భూమి స్నోబాల్ ఎర్త్ గ్లేసియేషన్ అని పిలువబడే సుదీర్ఘమైన హిమానీనదానికి గురైందని శాస్త్రవేత్తలు చెబుతూ ఉంటారు. దీని తరువాత రెండవ గ్రేట్ ఆక్సిజనేషన్ ఈవెంట్ జరిగింది, ఇది వాతావరణ ఆక్సిజన్ స్థాయిలలో పెరుగుదలకు, సంక్లిష్ట జీవన రూపాల పరిణామానికి దారితీసింది. అయినప్పటికీ కొన్ని శిలాజాల కొరతతో పాటు పురాతన మహాసముద్రాల అదృశ్యం కారణంగా ఈ సంఘటనల మధ్య సంబంధం అస్పష్టంగానే ఉంది. అయితే వీటికి హిమాలయాల్లో కొత్తగా కనుగొనబడిన సముద్ర శిలలు కొన్ని సమాధానాలను అందించగలవు. స్నోబాల్ ఎర్త్ గ్లేసియేషన్ సమయంలో అవక్షేపణ బేసిన్‌లు సుదీర్ఘమైన కాల్షియం లోపాన్ని అనుభవించాయని ఈ బృందంలోని పరిశోధకులు చెబుతున్నారు. ముఖ్యంగా ఇది నది ఇన్‌పుట్ తగ్గడం వల్ల ఈ పరిస్థితి ఏర్పడి ఉంటుందని అంచనా వేస్తున్నారు. ఈ కాల్షియం లేకపోవడం వల్ల మెగ్నీషియం స్థాయిలు పెరగడానికి దారితీసింది. ఫలితంగా మెగ్నీషియం నిక్షేపాలు పురాతన సముద్రపు నీటిని స్ఫటికీకరించినప్పుడు చిక్కుకున్నాయని చెబుతున్నారు. ఈ శిలాజాలు కాల్షియం లేమి కారణంగా పోషకాల లోపం కూడా ఏర్పడి ఉండవచ్చు, ఇది నెమ్మదిగా పెరుగుతున్న కిరణజన్య సంయోగక్రియ సైనోబాక్టీరియాకు అనుకూలమైన పరిస్థితులను సృష్టిస్తుంది. ఈ జీవులు వాతావరణంలోకి మరింత ఆక్సిజన్‌ను విడుదల చేయడం ప్రారంభించి, రెండవ గ్రేట్ ఆక్సిజనేషన్ ఈవెంట్‌కు దోహదం చేస్తాయని పేర్కొంటున్నారు. 

అమృత్‌పూర్ నుంచి మిలాం హిమానీనదం వరకు, అలాగే డెహ్రాడూన్ నుంచి గంగోత్రి హిమానీనదం ప్రాంతం వరకు పశ్చిమ కుమావోన్ హిమాలయాల విస్తారమైన విస్తీర్ణంలో పరిశోధకులు ఈ తాజా అధ్యయనాన్ని నిర్వహించారు. జలాంతర్గామి అగ్నిపర్వత కార్యకలాపాలు వంటి ఇతర వనరుల నుంచి కాకుండా పురాతన సముద్రపు నీటి నుండి అవపాతం నుంచి నిక్షేపాలు ఉద్భవించాయని పరిశోధన తేల్చిఇంది. ఈ పరిశోధనలు పురాతన మహాసముద్రాల రసాయన, ఐసోటోపిక్ కూర్పుపై వెలుగునిస్తాయి. అలాగే క్లైమేట్ మోడలింగ్ కోసం విలువైన సమాచారాన్ని అందిస్తాయి, మహాసముద్రాలు, భూమిపై జీవిత పరిణామంపై అంతర్దృష్టులను అందిస్తాయి.

ఇవి కూడా చదవండి

Nepal Tour: హాలీడే టూర్ ప్లాన్ చేస్తున్నారా..? ‘హిమాలయ దేశం’లోని ఈ ప్రదేశాలకు వెళ్లండి.. మైమరపించే అందాలను చూడోచ్చు..

Solo Travelling: ఒంటరిగా ప్రకృతి ఒడిలో గడపాలనుకుంటే.. ఈ ప్రదేశాలకు తప్పక వెళ్లండి.. అద్దిరిపోయే అనుభూతి పక్కా..!

Summer Tour: వేసవిని ప్రకృతి ఒడిలో గడపాలని ప్లాన్ చేస్తున్నారా..? ఈ ప్రదేశాలకు వెళ్లండి.. అక్కడే ఉండిపోవాలనించే కొండలోయల అందాలు..

త్వరలో హిమాలయన్ ప్రాంతానికి పొంచి ఉన్న భూకంపం ముప్పు..జీయోలాజీ శాస్త్రవేత్త కీలక వ్యాఖ్యలు

మరిన్ని హ్యూమన్ ఇంట్రస్ట్ వార్తల గురించి ఇక్కడ క్లిక్ చేయండి