Eyes: కళ్లని చూసి మీ ఆరోగ్య పరిస్థితి తెలుసుకోవచ్చు.. ఈ లక్షణాలను తేలికగా తీసుకోకండి..?

Eyes: మీ కళ్లని చూస్తే చాలు మీ ఆరోగ్య పరిస్థితిని అంచనా వేయవచ్చు. అందుకే ఏ జబ్బు వచ్చినా డాక్టర్లు ముందుగా కళ్లని చెక్‌ చేస్తారు. కళ్లలో ఏదైనా మార్పు కనిపిస్తే వెంటనే

Eye

uppula Raju |

Updated on: Feb 20, 2022 | 10:28 PM

Eyes: మీ కళ్లని చూస్తే చాలు మీ ఆరోగ్య పరిస్థితిని అంచనా వేయవచ్చు. అందుకే ఏ జబ్బు వచ్చినా డాక్టర్లు ముందుగా కళ్లని చెక్‌ చేస్తారు. కళ్లలో ఏదైనా మార్పు కనిపిస్తే వెంటనే టెస్ట్‌లు చేస్తారు. చూపు సరిగ్గా లేకపోవడం, మంటలు, నొప్పులు కళ్లకి సంబంధించిన వ్యాధులకు సంకేతం కావొచ్చు. ఇలాంటి సమయంలో వైద్యుడిని సంప్రదించడం మంచిది. కళ్లకి సంబంధించిన మరికొన్ని విషయాలను తెలుసుకుందాం.

1. కళ్లలో నీళ్లు

కళ్ల నుంచి ఎక్కువ నీరు కారుతున్నప్పుడు లేదా కళ్లలో నలుపు లేదా గోధుమ రంగు మచ్చలు కనిపిస్తే వెంటనే వైద్యుడిని సంప్రదించాలి. ఎందుకంటే ఇవి కళ్ల వ్యాధులకి సంబందించిన లక్షణాలుగా చెప్పవచ్చు. వీటిని ఎట్టి పరిస్థితుల్లోనూ తేలిగ్గా తీసుకోకూడదు.

2. చూపు కనిపించకపోతే

మీకు చూపు సరిగ్గా లేకపోతే వెంటనే వైద్యుడి వద్దకు వెళ్లి టెస్ట్‌లు చేయించుకోవాలి. లేదంటే పూర్తిగా బ్లైండ్‌గా మారే అవకాశాలున్నాయి. కళ్లు కనిపించకపోవడానికి అనేక కారణాలు ఉంటాయి. మీరు వెలుతురులో లేదా చీకటిలో చూడలేకపోతే చాలా ప్రమాదమని గుర్తుంచుకోండి.

3. పొడి కళ్ళు

కళ్లు పొడిబారినట్లు అనిపించినా తేలిగ్గా తీసుకోకండి. ఎందుకంటే కళ్లు పొడిబారడానికి చాలా కారణాలు ఉండవచ్చు. కంప్యూటర్ స్క్రీన్‌ని ఎక్కువగా చూడటం, ఫోన్‌ని ఎక్కువగా వాడటం వల్ల ఇలా జరుగుతుంది. ఇలాంటి సమస్య వస్తే వెంటనే వైద్యుడిని సంప్రదించాలి.

4. కళ్ళు వాపు

కళ్లలో వాపు, నల్లటి వలయాలు ఏర్పడితే తేలిగ్గా తీసుకోకండి. దీనికి చాలా కారణాలు ఉండవచ్చు. వీటివల్ల కళ్లు పాడయ్యే అవకాశాలు ఎక్కువగా ఉంటాయి. వీలైనంత త్వరగా డాక్టర్‌ని సంప్రదిస్తే మంచిది. లేదంటే చాలా నష్టపోతారు.