Cough: పొడి దగ్గు మహా మొండిది.. అది తగ్గాలంటే.. ఈ మెడిసిన్ పడాల్సిందే..
గతంలో జలుబు వచ్చి వారంలో తగ్గేది.. ప్రస్తుతం తగ్గాలంటే మెడిసిన్ తీసుకున్నా10 రోజుల్లో పడుతుంది. కానీ ఆ తర్వాత వచ్చే పొడి దగ్గు తెగ సతాయిస్తుంది. ముఖ్యంగా రాత్రుళ్లు అయితే నరకయాతనే.
Updated on: Mar 04, 2023 | 8:38 PM
తిన్న తర్వాత కొంతమందికి పొడి దగ్గు వస్తుంది. ఏం చేసినా అది ఆగదు. చాలామందికి ఈ సమస్య ఉంటుంది. అలర్జీ ఉన్నవారికి.. జలుబు, గొంతునొప్పి వచ్చి తగ్గిపోయిన తర్వాత… నెల, 2 నెలలు లేదా 3 నెలలు వరకు ఈ పొడి దగ్గు ఉంటుంది. తిన్న తర్వాత మాత్రమే కొందర్నీ ఈ దగ్గు ఇబ్బంది పెడుతుంది. కొందర్నీ నైట్ అంతా సతాయిస్తుంది. దీనికి బెస్ట్ నివారణ మార్గం ఒక 15 రోజుల పాటు MONTELUKAST-LEVOCETIRIZINE అనే అలర్జీ ట్యాబ్లెట్ కాంబినేషన్ వేసుకుంటే మాగ్జిమమ్ తగ్గిపోతుందని.. డాక్టర్ రవికాంత్ కొంగర తెలిపారు. ఈ ట్యాబ్లెట్ వల్ల కాస్త మగత ఉంటుందని పేర్కొన్నారు.
ఒక వేళ ఈ ట్యాబ్లెట్ వేసుకున్నా తగ్గుకుంటే.. నెక్ట్స్ లెవల్ కింద కాప్ సిరప్స్.. COREX లేదా AMROX వంటివి ట్రై చేయొచ్చని సూచించారు. ఇన్ని చేసినా తగ్గనివాళ్లకు.. ఒకటి లేదా 2 రోజులు తక్కువ డోస్ ఉన్న స్టెరాయిడ్స్ ఇస్తే ఫలితం ఉంటుందని వివరించారు. కాకపోతే స్టెరాయిడ్ అనేది పేషెంట్స్ సొంతంగా వాడకూడదని.. డాక్టర్ల పర్యవేక్షణలో వైద్య సిబ్బంది మాత్రమే ఈ స్టెరాయిడ్స్ ఇస్తారని తెలిపారు.
మరిన్ని హెల్త్ వార్తల కోసం ఈ లింక్ క్లిక్ చేయండి..
(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా సందేహాలుంటే నిపుణులను సంప్రదించండి.)
