వేసవిలో శరీరాన్ని చల్లగా ఉంచే పెసలు..! షుగర్, బీపీ నియంత్రణకు వీటిని ఎలా తినాలో తెలుసా..?

వేసవిలో పెసరపప్పు, పెసరపప్పు చారు, పెసరెట్టు వంటి వంటకాలు ఆరోగ్యానికి ఎంతో మంచివి. ఇవి శరీరాన్ని చల్లగా ఉంచడమే కాకుండా శక్తినీ అందిస్తాయి. ముఖ్యంగా పెసలను ఉడికించి తినడం వల్ల మరింత ఆరోగ్య ప్రయోజనం ఉంటుంది. పెసలు శరీరానికి అవసరమైన ప్రోటీన్‌ను అందించే అద్భుతమైన ఆహారం. వీటిలో ఉండే విటమిన్లు, మినరల్స్ శరీరానికి చాలా మేలు చేస్తాయి.

బీపీ సమస్య ఉన్నవారు పెసలను తమ ఆహారంలో చేర్చుకోవడం మంచిది. వీటిలో ఉండే పోషకాలు హార్మోన్ల సమతుల్యతను కాపాడుతాయి. తద్వారా రక్తపోటును నియంత్రించడంలో సహాయపడతాయి. పెసలను తరచుగా తినడం వల్ల గుండె ఆరోగ్యాన్ని మెరుగుపరచుకోవచ్చు.

పెసలను క్రమం తప్పకుండా తీసుకుంటే చర్మం కాంతివంతంగా మారుతుంది. ఇందులో ఉండే యాంటీఆక్సిడెంట్లు చర్మాన్ని ఫ్రీ రాడికల్స్ నష్టం నుంచి కాపాడుతాయి. కొల్లాజెన్ ఉత్పత్తిని పెంచి చర్మాన్ని యవ్వనంగా ఉంచడంలో సహాయపడతాయి.

పెసల్లో అధికంగా ఐరన్ ఉంటుంది. దీనివల్ల రక్త హీమోగ్లోబిన్ పెరుగుతుంది. శరీరంలోని అవయవాలకు ఆక్సిజన్ సరఫరా మెరుగుపడుతుంది. దీంతో రక్తహీనత సమస్యను తగ్గించుకోవచ్చు.

పెసల్లో తక్కువ గ్లైసెమిక్ ఇండెక్స్ ఉంటుంది. ఇది రక్తంలో చక్కెర స్థాయులను అదుపులో ఉంచడంలో సహాయపడుతుంది. ఇన్సులిన్ నియంత్రణ కోసం పెసలను తరచుగా తినడం మంచిది.

పెసల్లో ఎక్కువగా ఫైబర్ ఉంటుంది. ఇది జీర్ణ సమస్యలను తగ్గించడంలో సహాయపడుతుంది. మలబద్ధకం, అజీర్ణం, బ్లోటింగ్ వంటి సమస్యల నుంచి ఉపశమనం పొందవచ్చు. పెసలను తినడం వల్ల నెమ్మదిగా జీర్ణమయ్యే కార్బోహైడ్రేట్లు శరీరానికి శక్తినీ అందిస్తాయి.

జిమ్ చేసేవారు శక్తిని పెంచుకోవాలనుకునేవారు పెసలను ఆహారంలో చేర్చుకోవడం మంచిది. పెసల్లో ఉన్న ప్రోటీన్ మజిల్స్ పెరగడంలో సహాయపడుతుంది.

ఉదయాన్నే పెసలను మొలకలుగా లేదా ఉడికించి తింటే శరీరానికి అవసరమైన ప్రోటీన్, ఫైబర్ అందుతుంది. దీంతో రోజంతా శక్తివంతంగా ఉండొచ్చు. అలాగే హై ప్రోటీన్ డైట్‌లో పెసలను చేర్చుకోవడం వల్ల శరీరానికి పూర్తి పోషకాలు అందుతాయి.

పెసలు ఆరోగ్యానికి చాలా మేలు చేసే ఆహారం. వేసవి కాలంలో వీటిని తినడం వల్ల వేడి నుంచి ఉపశమనం కలుగుతుంది. పైగా బీపీ, షుగర్ లాంటి సమస్యలను అదుపులో ఉంచడంలో సహాయపడతాయి. కాబట్టి పెసలను డైట్‌లో చేర్చుకుని ఆరోగ్యాన్ని కాపాడుకోండి.