Spices Effects In Summer: ఎండకాలంలో వీటిని తిన్నారంటే.. మరింత హిటెక్కిపోతారు జాగ్రత్త..!

భారతీయ కూరలో వివిధ మసాలా దినుసులు(Spices) ఉపయోగిస్తారు. అవి ఆహారాన్ని మరింత రుచిగా మారుస్తాయి. ఈ మసాలా దినుసులు ఆరోగ్యానికి కూడా చాలా మేలు చేస్తాయి. వాటిలో పోషకాలు పుష్కలంగా ఉంటాయి. కానీ వీటిలో చాలా మసాలాలు వేసవి(Summer)లో ఉపయోగించకూడదు. ఈ మసాలాలు చాలా వేడిగా ఉంటాయి. అవి శరీరంలో వేడిని పెంచుతాయి. వేసవిలో వీటిని ఎక్కువగా వాడటం వల్ల శరీరాని(Body)కి హాని కలుగుతుంది. వాటిని మితంగా తీసుకోవాలి లేదా అస్సలు తీసుకోకూడదు. ఆ మసాలా దినుసులు ఏంటో తెలుసుకుందాం .

అల్లం

అల్లం టీ అంటే ఎవరికి ఇష్టం ఉండదు? కానీ వేసవిలో దీని అధిక వినియోగం హానికరం. దీని రుచి చాలా ఘాటుగా ఉంటుంది. దీన్ని తీసుకోవడం వల్ల విపరీతమైన చెమట వస్తుంది. మధుమేహం, రక్తస్రావం సమస్యలు ఉన్నవారు దీనిని తినకూడదు. వేసవిలో దీనిని అధికంగా తీసుకోవడం వల్ల గుండెల్లో మంట, విరేచనాలు ఇతర సమస్యలు కూడా వస్తాయి.

వెల్లుల్లి

వేసవిలో వెల్లుల్లి వినియోగం తగ్గించాలి. ఇది శరీరంలో వేడిని ఉత్పత్తి చేస్తుంది. దీన్ని ఎక్కువగా తీసుకోవడం వల్ల నోటి దుర్వాసన, యాసిడ్ రిఫ్లక్స్, రక్తస్రావం వంటి ప్రమాదాలు కూడా పెరుగుతాయి. చలికాలంలో వెల్లుల్లి వల్ల చాలా ప్రయోజనాలు ఉన్నాయి కానీ వేసవిలో దీనికి దూరంగా ఉండాలి.

నల్ల మిరియాలు

నల్ల మిరియాలు శరీరానికి వేడి చేస్తాయి. వీటిని అధికంగా తీసుకోవడం వల్ల శరీరంలో వేడి పెరుగుతుంది. ఇది కొన్ని ఔషధాల ప్రభావాన్ని కూడా తగ్గిస్తుంది. ఇది అలెర్జీలకు కారణం కావచ్చు.

వేసవి కాలంలో తీసుకోవాల్సిన పదార్థాలు

పుదీనా

పుదీనా శరీరానికి చల్లదానాన్ని కలిగిస్తుంది. ఇది మౌత్ ఫ్రెషనర్‌గా కూడా ఉపయోగించబడుతుంది. ఇది శరీరాన్ని చల్లబరుస్తుంది.

కొత్తిమీర

కొత్తిమీర ఆకుల్లో శీతలీకరణ గుణాలు ఉన్నాయి. ఇది వాపును తగ్గించడంలో కూడా సహాయపడుతుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

Read Also..  PM Modi: ప్రతి జిల్లాలో మెడికల్ కాలేజ్.. రానున్న పదేళ్లలో రికార్డ్ స్థాయిలో కొత్త వైద్యులు .. ప్రధాని మోడీ