Sleeping time: నిద్ర అవసరానికంటే ఎక్కువైనా.. తక్కువైనా ఆ వ్యాధి ఖాయం! సరైన నిద్ర కోసం ఇలా చేయండి!

Sleeping time: అవసరానికి మించి నిద్రపోవడం, దానికంటే తక్కువ నిద్రపోవడం రెండూ ఆరోగ్యానికి మంచిది కాదు. అలాంటి వారిలో ఆలోచించే శక్తి, అర్థం చేసుకునే శక్తి తగ్గిపోతుంది. వాషింగ్టన్ యూనివర్సిటీకి చెందిన పరిశోధకులు తమ పరిశోధనలో ఈ విషయాన్ని వెల్లడించారు. పరిశోధకుడు.. న్యూరాలజిస్ట్ డాక్టర్ బ్రెండన్ లూసీ మాట్లాడుతూ, అసంపూర్ణమైన నిద్ర లేదా సరిగ్గా నిద్రపోకపోవడం వల్ల మెదడుపై ప్రత్యక్ష ప్రభావం ఉంటుంది. మెదడుపై ఈ ప్రభావం మన ఆలోచించే.. అర్థం చేసుకునే సామర్థ్యంపై కనిపిస్తుంది. ఒక వ్యక్తి సగటున ఎన్ని గంటలు నిద్రపోవాలి? అతను నిద్రపోకపోతే ఏమి చేయాలి వంటి సందేహాలకు పరిశోధకులు ఏమి చెబుతున్నారో తెలుసుకుందాం..

7.30 గంటల నిద్ర ఉత్తమం..

మనిషికి రోజుకు 7:30 గంటల నిద్ర మంచిదని పరిశోధకులు అంటున్నారు. మీరు 8 గంటల నిద్రను పొంది, 30 నిమిషాల ముందు అలారం సెట్ చేస్తే, ఏడున్నర గంటల నిద్ర మెదడుపై సానుకూల ప్రభావం చూపుతుంది. ఇది అల్జీమర్స్ వ్యాధి ప్రమాదాన్ని తగ్గిస్తుంది.

సగటు వయస్సు 75 ఏళ్లు ఉన్న 100 మంది వృద్ధులపై జరిపిన పరిశోధనలో కూడా ఇది నిర్ధారణ అయింది. పరిశోధన కోసం ఈ పెద్దల నుదిటిపై చిన్న మానిటర్ కట్టారు. నిద్రలో మెదడులోని కార్యాచరణ రకాన్ని మానిటర్‌తో తనిఖీ చేశారు. సగటున నాలుగున్నరేళ్లపాటు సాగిన ఈ పరిశోధనలో మెదడు కార్యకలాపాలపై నిద్ర తీవ్ర ప్రభావం చూపుతుందని వెల్లడైంది.

రోగులలో అల్జీమర్స్ వ్యాధికి ఒక ప్రత్యేక రకం ప్రోటీన్ బాధ్యత వహిస్తుంది. పరిశోధనలో నిమగ్నమైన వృద్ధుల మెదడులోని సెరెబ్రోస్పానియల్ ఫ్లూయిడ్‌లో ఆ ప్రొటీన్ ఏ స్థాయిలో ఉంటుందనే దానిపై విచారణ జరిపారు.

ప్రతి రాత్రి సుమారు 7.5 గంటలు నిద్రపోయే రోగులు మెరుగైన స్కోర్ కనబరిచారు. అదే సమయంలో, రోజూ 5 లేదా ఐదున్నర గంటలు నిద్రపోయే వ్యక్తులలో ఈ స్కోరు తక్కువగా ఉండడం గమించారు.

అల్జీమర్స్‌తో నిద్రకు ప్రత్యక్ష సంబంధం ఉంది.అల్జీమర్స్ వ్యాధికి సగం నిద్రతో సంబంధం ఉందని ఇంతకుముందు పరిశోధనలో వెల్లడైంది. జ్ఞాపకశక్తి కోల్పోవడం, గందరగోళం, కొత్త విషయాలను అర్థం చేసుకోవడంలో ఆలస్యం చేయడం అల్జీమర్స్ ప్రధాన లక్షణాలు. వాటిని నివారించాలనుకుంటే, మీరు కనీసం ఏడున్నర గంటలు నిద్రపోవాలి.

4-7-8 టెక్నిక్ కూడా నిద్రలేమిని తొలగిస్తుంది

మీరు రాత్రి నిద్రపోకపోతే, మీరు 4-7-8 శ్వాస పద్ధతిని అనుసరించవచ్చు. యూనివర్శిటీ ఆఫ్ అరిజోనా, అమెరికాలోని శాస్త్రవేత్త డాక్టర్ ఆండ్రూ వెయిల్ దీనిని తయారు చేశారు. ఈ టెక్నిక్ ప్రాణాయామం మీద ఆధారపడి ఉంటుంది. మీరు ఈ టెక్నిక్‌ని ఎక్కువ కాలం పాటిస్తే, మీరు త్వరగా నిద్రపోవడం ప్రారంభిస్తారు. ఇది చేయడం కోసం, నిశ్శబ్ద ప్రదేశంలో సౌకర్యవంతమైన స్థితిలో కూర్చోండి లేదా పడుకోండి. భంగిమ సరైనదిగా ఉండేట్టు చూసుకోండి. మీరు నిద్ర కోసం ఈ పద్ధతిని ఉపయోగిస్తుంటే పడుకుని దీనిని చేయడం మంచిది. ఇప్పుడు నాలుక ముందు భాగాన్ని అంగిలితో దంతాల వెనుక ఉంచండి. అభ్యాసం అంతటా ఇలాగే ఉంచండి.

నిద్రలేకపోతే గోరువెచ్చని పాలు తాగండి..

గోరువెచ్చని పాలు తాగితే మంచి నిద్ర వస్తుందని చైనా శాస్త్రవేత్తల తాజా పరిశోధనలో తేలింది. చైనాకు చెందిన నేషనల్ నేచురల్ సైన్స్ ఫౌండేషన్ చేసిన పరిశోధనలో ట్రిప్టోఫాన్ అనే అమినో యాసిడ్ పాలలో ఉన్నట్లు వెల్లడైంది. ఇది కాకుండా, మిల్క్ పెప్టైడ్ కేసైన్ హైడ్రోలైజేట్ కూడా ఇందులో ఉందని, ఇది ఒత్తిడిని తగ్గించి నిద్రను మెరుగుపరుస్తుందని పరిశోధనలో వెల్లడైంది. ఈ రెండు విషయాలు కలిసి నిద్రలేమి సమస్యను దూరం చేస్తాయి.

ఇవి కూడా చదవండి: Diwali 2021: దీపావళి పండగకి ఈ రోగులు దూరంగా ఉండాలి.. లేదంటే పరిస్థితి మరీ దారుణంగా మారుతుంది..

Kilo Class Submarine: నేవీలో కలకలం రేపుతోన్న సబ్-మెరైన్ డేటా లీక్.. తాజా ఛార్జిషీట్‌ దాఖలుతో అధికారుల్లో గుబులు

Airtel: టెలికాం రంగంలో ఎయిర్‌టెల్‌కు లాభాల పంట.. రెండో త్రైమాసికంలో రూ.1,134 కోట్లు ఆదాయం