మీకు అర్థమవుతుందా.. షుగర్‌తోపాటు ఈ నాలుగు పదార్థాలు గుండెకు విషంతో సమానమట..

ప్రస్తుత కాలంలో గుండె పోటు కేసులు పెరుగుతున్నాయి.. గుండె జబ్బులు, గుండెపోటు ప్రమాదం ఆహారపు అలవాట్లతో ముడిపడి ఉంటుంది. గుండె ఆరోగ్యానికి సరైన ఆహారం అవసరం.. అలాగే.. ఆరోగ్యకరమైన గుండె.. దీర్ఘాయువు కోసం ఆరోగ్యకరమైన జీవనశైలిని అవలంబించడం చాలా ముఖ్యమని వైద్య నిపుణులు చెబుతున్నారు. కానీ నేటి బిజీ జీవితంలో, ఒత్తిడి, చెడు ఆహారపు అలవాట్లు, శారీరక శ్రమ లేకపోవడం వల్ల ప్రజలు గుండె జబ్బుల బారిన పడుతున్నారు. అటువంటి పరిస్థితిలో.. కార్డియాలజిస్ట్, వైద్యనిపుణుల సలహాలు సూచనలు పాటించడం మేలు.. ఆరోగ్యకరమైన గుండె కోసం కొన్ని చిట్కాలను పాటించడం ద్వారా.. ఇవి ప్రాణాంతక వ్యాధులను నివారించే అవకాశాలను పెంచుతాయని వైద్య నిపుణులు చెబుతున్నారు.

మద్యం కంటే ఒత్తిడి ప్రమాదకరం..

పరిమిత పరిమాణంలో మద్యం సేవిస్తే, అది గుండెకు హానికరం కాదని వైద్య నిపుణులు చెబుతున్నారు. అయితే, సంతోషంగా ఉండటం, ఒత్తిడి లేని జీవితాన్ని గడపడం గుండె ఆరోగ్యానికి చాలా ముఖ్యమని చెబుతున్నారు. మానసిక ప్రశాంతత, ఆనందం హృదయాన్ని ఆరోగ్యంగా ఉంచుతాయని.. దీర్ఘాయుష్షులో ఇవి ముఖ్యమైన భాగమని చెబుతున్నారు.

వ్యాయామం ముఖ్యం!

ఆరోగ్యకరమైన గుండెకు వ్యాయామం చాలా ముఖ్యం. వారానికి 4-5 రోజులు క్రమం తప్పకుండా వ్యాయామ కార్యకలాపాలు చేయాలని వైద్య నిపుణులు సిఫార్సు చేస్తున్నారు. వ్యాయామం శరీరాన్ని ఫిట్‌గా ఉంచడమే కాకుండా, గుండెను కూడా ఆరోగ్యంగా ఉంచుతుంది. దీనితో పాటు, ప్రజలు తమ ఆరోగ్యంపై శ్రద్ధ పెట్టడంతోపాటు.. బరువును అదుపులో ఉంచుకోవాలని.. అలాగే.. రెగ్యులర్ గా పరీక్షలు చేయించుకోవాలని సూచిస్తున్నారు.

ఈ నాలుగు తెల్లటి వస్తువులను నివారించండి..

వీటితోపాటు.. మీ ఆహారంలో నాలుగు తెల్లటి పదార్థాలను నివారించడం చాలా ముఖ్యం.. చక్కెర, తెల్ల బియ్యం, పిండి, బంగాళాదుంపలు… అయితే, ఈ వస్తువుల వినియోగాన్ని పూర్తిగా ఆపకూడదని, పరిమిత పరిమాణంలో వాటిని తీసుకోవడం ముఖ్యమని వైద్య నిపుణులు చెబుతున్నారు.

ఒక టీస్పూన్ చక్కెర సరిపోతుంది

చక్కెర తీసుకోవడం కేవలం ఒక చెంచాకే పరిమితం చేసుకోవాలని వైద్యులు సలహా ఇస్తున్నారు. అధిక చక్కెర తినడం వల్ల బరువు పెరుగుతుందని, గుండె ఆరోగ్యానికి హాని కలుగుతుందని వైద్య నిపుణులు చెబుతున్నారు.

అదేవిధంగా, బంగాళాదుంపలను అధికంగా తీసుకోవడం వల్ల కూడా బరువు పెరుగుతారు. బంగాళాదుంపలో అధిక గ్లైసెమిక్ సూచిక ఉంటుంది, ఇది రక్తంలో చక్కెరను వేగంగా పెంచుతుంది.. ఇంకా గుండె జబ్బుల ప్రమాదాన్ని పెంచుతుంది.

హృదయానికి ప్రధాన శత్రువు కృత్రిమ తీపి పదార్థాలు..

కృత్రిమ తీపి పదార్థాల వినియోగాన్ని నివారించాలని వైద్యులు సూచిస్తున్నారు.. కృత్రిమ తీపి పదార్థాలను నివారించడం… చక్కెరను పూర్తిగా మానేయడం అంటే హృదయానికి కొత్త ఉత్సాహాన్ని ఇచ్చినట్లేనని చెబుతున్నారు.

మరిన్ని హెల్త్ వార్తల కోసం ఇక్కడ క్లిక్ చేయండి..