Rice Balls Recipe: అన్నం మిగిలిపోయిందా.. అయితే ఇలా రైస్ బాల్స్ చేసుకోండి!!
అప్పుడప్పుడు వండిన అన్నం మిగిలిపోతూ ఉంటుంది. అలా మిగిలిపోయిన అన్నాన్ని తినడానికి చాలా మంది ఇష్టపడరు. ఇంట్లలో అమ్మలు, అమ్మమ్మలు ఉంటే వాటిని తింటారు. మరికొంత మంది పారేస్తూ ఉంటారు. ఇలా మిగిలిపోయిన అన్నాన్ని పారేయకుండా ఆ అన్నంతో స్నాక్స్ చేసుకోవచ్చు. మిగిలిపోయిన అన్నంతో రైస్ రసగుల్లా ఎలా తయారు చేస్తారో తెలుసుకున్నాం.. ఇప్పుడు ఆ అన్నంతో రైస్ బాల్స్ ఎలా తయారు చేసుకోవాలతో తెలుసుకుందాం. ఇవి కూడా చాలా రుచిగా..
Updated on: Sep 09, 2023 | 8:00 PM
అప్పుడప్పుడు వండిన అన్నం మిగిలిపోతూ ఉంటుంది. అలా మిగిలిపోయిన అన్నాన్ని తినడానికి చాలా మంది ఇష్టపడరు. ఇంట్లలో అమ్మలు, అమ్మమ్మలు ఉంటే వాటిని తింటారు. మరికొంత మంది పారేస్తూ ఉంటారు. ఇలా మిగిలిపోయిన అన్నాన్ని పారేయకుండా ఆ అన్నంతో స్నాక్స్ చేసుకోవచ్చు. మిగిలిపోయిన అన్నంతో రైస్ రసగుల్లా ఎలా తయారు చేస్తారో తెలుసుకున్నాం.. ఇప్పుడు ఆ అన్నంతో రైస్ బాల్స్ ఎలా తయారు చేసుకోవాలతో తెలుసుకుందాం. ఇవి కూడా చాలా రుచిగా ఉంటాయి. వీటితో రైస్ బాల్స్ చేసుకోవడం చాలా ఈజీ. మరి అది ఎలా చేయాలో.. కావాల్సిన పదార్థాలేంటో చూసేయండి.
రైస్ బాల్స్ కి కావాల్సిన పదార్థాలు:
అన్నం – ఒక కప్పు, కొబ్బరి తురుము – అర కప్పు, బియ్యం పిండి – అరకప్పు, ఉల్లిపాయ – ఒకటి, పాలకూర – ఒక కట్ట, పచ్చిమిర్చి – ఒకటి, అల్లంపేస్ట్ – తగినంత, ఉప్పు – రుచికి సరిపడినంత, నూనె – డీప్ ఫ్రైకు సరిపడగా
తయారీ విధానం:
ఒక గిన్నెలో అన్నం వేసి, అందులో బియ్యం పిండి, కొబ్బరి తురుము వేసి బాగా మెత్తగా కలుపుకోవాలి. వాటిలో ఉప్పు, అల్లం పేస్ట్ వేసి ఒకసారి కలుపుకున్నాక.. తరిగి పెట్టుకున్న పాలకూర, ఉల్లిపాయలు, పచ్చిమిర్చి, నీళ్లు కూడా పోసి బాగా కలుపుకోవాలి. ఈ మిశ్రమం జారుగా కాకుండా గట్టిగా ఉండేలా చూసుకోవాలి. ఆ తర్వాత వాటిని చిన్న బాల్స్ లా చుట్టుకుని పక్కన పెట్టుకోవాలి. ఇప్పుడు స్టవ్ మీద కళాయి పెట్టి నూనె బాగా వేడి చేసుకోవాలి. నూనె బాగా వేడెక్కాక.. ఈ బాల్స్ ను అందులో వేసి.. గోల్డెన్ కలర్ వచ్చేంత వరకూ వేయించుకుని తీసుకోవాలి. అంతే వేడి వేడి రైస్ బాల్స్ రెడీ. వీటిని కెచప్ తో కానీ, అల్లం చెట్నీతో తింటే సూపర్ టేస్టీగా ఉంటాయి. ఇలా అన్నం మిగిలిపోయినప్పుడగా పారేయకుండా ఇలా స్నాక్స్ చేసుకోవచ్చు. అలాగే కొత్త స్నాక్ తిన్నట్టు ఉంటాయి. మిగిలిపోయిన అన్నంతో ఇవే కాదు.. ఇంకా ఎన్నో వంటకాలు ఉన్నాయి. వాటిని కూడా తెలుసుకుందాం.
మరిన్ని హెల్త్ వార్తల కోసం ఇక్కడ క్లిక్ చేయండి
