Amla:రోజుకు ఒక్క ఉసిరికాయ చాలు.. సూపర్ ఆరోగ్యం మీ సొంతం.. కానీ.. ఎలా తీసుకోవాలంటే..

ఉసిరి కాయ(Amla)తో అద్భుత ఆరోగ్య ప్రయోజనాలు ఉన్నాయని తరతరాలుగా అందరూ నమ్ముతూ వస్తున్నారు. చాలా పరిశోధనల్లో ఇది నిరూపితం అయింది కూడా. అయితే, ఉసిరిని సరైన పద్ధతిలో వాడడం ద్వారా దాని నుంచి అద్భుత మైన ప్రయోజనాలను పూర్తిగా పొందే అవకాశం ఉంటుదని నిపుణులు అంటున్నారు. దానిని వాడాల్సిన విధంగా వాడకపోతే ఉసిరికి చెందిన అన్ని ఆరోగ్య ఫలాలు(Health Benefits) అందుకోలేరని వారంటున్నారు. ఉసిరిని ఎలా వాడాలని నిపుణులు సూచిస్తున్నారో తెలుసుకుందాం.

ఒక్క ఉసిరికాయ చాలు..

చాలా మంది ఉసిరికాయ పచ్చడి, మురబ్బా, మిఠాయిలు తింటారు. దాని నుంచి విటమిన్ సి పొందవచ్చు, కానీ ఈ పద్ధతి సరైనది కాదని నిపుణులు అంటున్నారు.. ఉసిరి పూర్తి ప్రయోజనాన్ని పొందడానికి, దీనిని పచ్చిగానే తినాలి. ఇనుప కత్తితో ఉసిరికాయను కోయడం వల్ల దాని పోషక విలువలు కూడా తగ్గుతాయి, కాబట్టి దానిని స్టీల్ కత్తితో కట్ చేయాలి. లేదా అలానే పంటితో కొరికి తినడం ఇంకా మంచిది. ఉసిరికాయను ఎక్కువ ముక్కలుగా కోయకూడదని చెబుతున్నారు. ఎందుకంటే ఇది విటమిన్ సి పూర్తి ప్రయోజనాన్ని పొందదు. అదేవిధంగా ఉసిరికాయను కోసిన వెంటనే తినాలి. రుచి పెరగాలంటే ఉసిరికాయలో కొద్దిగా ఉప్పు వేసుకుని తినవచ్చు కానీ గుండె, మధుమేహ వ్యాధిగ్రస్తులు ఇలా చేయకూడదు. ఉప్పు ఎక్కువైతే హానికరం. మీ ఆహారంలో విటమిన్ సి చేర్చడానికి ఎక్కువ డబ్బు ఖర్చు చేయవలసిన అవసరం లేదు లేదా మాత్రలు తీసుకోవలసిన అవసరం లేదు. ప్రతిరోజూ ఒక ఉసిరికాయ తినడం వల్ల శరీరంలో విటమిన్ సి పుష్కలంగా చేరుతుందని నిపుణులు చెబుతున్నారు.

ఆరోగ్యం .. అందం కోసం ఉసిరి తినండి

• ఉసిరి పూర్తి ప్రయోజనాన్ని పొందడానికి, ఉదయాన్నే తినండి. ఇది శరీరం నుంచి విషాన్ని తొలగిస్తుంది .. శరీరాన్ని శుభ్రపరుస్తుంది.
• ఉసిరిలో ఉండే యాంటీఆక్సిడెంట్లు .. విటమిన్ సి శరీరం రోగనిరోధక శక్తిని .. జీవక్రియను పెంచుతుంది. ఇది వ్యాధులతో పోరాడే సామర్థ్యాన్ని పెంచుతుంది. జలుబు .. దగ్గు నివారించడానికి, చలి కాలంలో ఉసిరికాయ తినండి.
• ఉసిరికాయను రోజూ తింటే కంటి చూపు పెరుగుతుంది కాబట్టి కళ్ల ఇబ్బందులు ఉన్నవారు తప్పకుండా తినాలి.
• ముఖ మచ్చలు .. మొటిమలను తొలగించడానికి, గోరువెచ్చని నీటిలో ఉసిరి పొడిని కలిపి ముఖానికి అప్లై చేయాలి. అది ఆరిపోయాక కడిగేయాలి. ఇది ముఖం ఛాయను కాంతివంతం చేస్తుంది .. మచ్చలను తొలగిస్తుంది.
• జుట్టు ఆరోగ్యంగా .. అందంగా ఉండాలంటే ఎండు ఉసిరి కాయను ఇనుప పాత్రలో వేయించి మెత్తగా రుబ్బుకోవాలి. ఈ పొడిని హెన్నా పేస్ట్‌తో కలిపి జుట్టుకు పట్టించాలి. జుట్టుకు ఆరోగ్యం, అందం పెరుగుతాయి.

గమనిక: ఇక్కడ పేర్కొన్న విషయాలు వివిధ సందర్భాల్లో నిపుణులు పేర్కొన్న అంశాల నుంచి సేకరించినవి. వీటిని పాటించే ముందు మీ వైద్యుడిని సంప్రదించి ఉపయోగించడం మంచిది.

ఇవి కూడా చదవండి: Worlds Powerful Passports: ప్రపంచ వ్యాప్తంగా పవర్‌ఫుల్‌ పాస్‌పోర్ట్‌ ర్యాంకులో భారత్‌.. ఎన్నో ర్యాంకు అంటే..!

Pakistan: భూకంపంతో వణికిపోయిన పాకిస్తాన్.. రిక్టర్‌ స్కేల్‌పై 5.6 తీవ్రత..