మీ శరీరంలో ఇది తక్కువైతే మెదడు పనిచేయదు.. కోమాలోకి పోతారట జాగ్రత్త..!

ఆరోగ్యంగా ఉండాలంటే విటమిన్లు, మినరల్స్, పీచుతో సహా అన్ని పోషకాలు మన శరీరానికి అవసరం. ఇది కాకుండా, మన శరీరంలో కాల్షియం, పొటాషియం, సోడియం వంటి సూక్ష్మపోషకాలు తగ్గితే.. శరీరం తీవ్రమైన సమస్యలను ఎదుర్కొంటుంది. మన శరీరంలో సోడియం తగ్గితే దాని ప్రభావం ఎక్కువగా మెదడుపై పడుతుందని నిపుణులు హెచ్చరిస్తున్నారు.

ఉప్పులో అత్యధిక మొత్తంలో సోడియం లభిస్తుంది. కానీ కొన్నిసార్లు మనం సోడియం లోపం లక్షణాలను సకాలంలో గుర్తించలేము. అందుకే.. సోడియం లోపం వల్ల కలిగే ఆ లక్షణాల గురించి తెలుసుకోవాల్సిన అవసరం ఎంతైనా ఉంది.. లేకపోతే.. సోడియం లోపం గురించి, మన ఆరోగ్యం గురించి అజాగ్రత్తగా ఉంటాం.. అందుకే.. ఆరోగ్యానికి సంబంధించిన అన్ని విషయాలపై అవగాహన కలిగిఉండటం మంచిది.

మెదడు ఆరోగ్యం.. సోడియం లోపం..

క్లీవ్‌ల్యాండ్ క్లినిక్ ప్రకారం , హైపోనాట్రేమియా అనేది ఒక వైద్య పరిస్థితి. దీనిలో మన రక్తంలో సోడియం స్థాయి సాధారణం కంటే చాలా తక్కువగా ఉంటుంది. అనేక సందర్భాల్లో, సోడియం శరీరంలో పెద్ద మొత్తంలో నీటిలో కరిగిపోతుంది. దీని వల్ల శరీరంలో సోడియం స్థాయి కూడా తగ్గుతుంది. ఇది కోమా లాంటి స్థితికి కూడా దారి తీస్తుంది.

సోడియం లోపం లక్షణాలను తెలుసుకోండి..

• కారణం లేకుండా వాంతులు
• నిరంతర తలనొప్పి
• ఎప్పుడూ అలసట ఉండటం
• నీరసం, చిరాకు
• కండరాల ఒత్తిడి -తిమ్మిరి

సోడియం లోపాన్ని భర్తీ చేసే ఆహారాలు

కూరగాయలు – పండ్ల రసం: మీరు సోడియం తీసుకోవడాన్ని సహజంగా పూర్తి చేయాలనుకుంటే, ప్రతిరోజూ తాజా కూరగాయల రసం తాగాలి. ప్యాక్ చేసిన జ్యూస్ తాగకూడదన్న విషయం గుర్తుంచుకోండి. మీరు తాజా రసం మాత్రమే ఉపయోగించాలి.

చీజ్: కాటేజ్ చీజ్ కూడా సోడియానికి అద్భుతమైన మూలం. 100 గ్రాముల చీజ్‌లో దాదాపు 300mg సోడియం ఉంటుంది. ఇది మన రోజువారీ అవసరాల్లో 12 శాతం ఉంటుంది.

తెల్ల ఉప్పు: మన ఇళ్లలో లభించే తెల్ల ఉప్పులో కూడా సోడియం పుష్కలంగా ఉంటుంది. అయితే దీన్ని ఎక్కువగా తినడం వల్ల రక్తపోటు సమస్యలు కూడా వస్తాయి.

రోజూ ఎంత సోడియం అవసరం?

ప్రపంచ ఆరోగ్య సంస్థ (WHO) ప్రకారం.. ప్రతిరోజూ 5 గ్రాముల కంటే తక్కువ సోడియం తినడం ఆరోగ్యానికి మేలు చేస్తుంది. దీని కంటే ఎక్కువ సోడియం తీసుకోవడం హాని కలిగిస్తుంది.

మరిన్ని హెల్త్ వార్తల కోసం ఇక్కడ క్లిక్ చేయండి..