Milk: వేడి పాలు Vs చల్లని పాలు.. ఆరోగ్యానికి ఏది మంచిదో తెలుసా..?

పాలు.. ఆరోగ్యానికి ఎంతో మంచివి. వయసుతో సంబంధం లేకుండా అందరూ దీన్ని తాగొచ్చు. అందుకే వైద్యులు కూడా ఒక గ్లాసు పాలు తాగమని సిఫార్సు చేస్తారు. పాలలో విటమిన్లు, ప్రోటీన్లు, కాల్షియం వంటి పోషకాలు పుష్కలంగా ఉన్నందున.. పెరుగుతున్న పిల్లలు పాలు తాగాలని చెబుతారు. పాలు పిల్లల ఎముకలను ఆరోగ్యంగా ఉంచడంలో సహాయపడతాయి. పాలలో విటమిన్ డి ఉంటుంది. ఇది శరీరానికి చాలా అవసరం. కానీ పాలు చల్లగా ఉన్నప్పుడు తాగాలా లేక వేడిగా ఉన్నప్పుడు తాగాలా అనే దానిపై చాలా మందికి సందేహాలు ఉంటాయి. పాలు వేడిగా లేదా చల్లగా తాగడం.. వేర్వేరు ప్రయోజనాలను కలిగి ఉంటుందని నిపుణులు అంటున్నారు. కాబట్టి మన శరీరానికి ఏది మంచిది? పాలను ఎలా తాగాలి..? అనేది ఇప్పుడు తెలుసుకుందాం..

చల్లని పాలు ఎవరికి మంచిది?

వేడిగా లేదా చల్లగా పాలు తాగడం వల్ల వేర్వేరు ప్రయోజనాలు లభిస్తాయని ఆరోగ్య నిపుణులు అంటున్నారు. మనకు అనుకూలమైన విధంగా మనం దానిని తీసుకోవచ్చు. కొంతమందికి కొన్ని సమస్యలు ఉంటాయి.. అలాంటి సమయాల్లో వారు శరీరానికి ఏది మంచిది అయితే ఆ విధంగా పాలు తాగాలి. గుండె సమస్యలు ఉన్నవారు చల్లని పాలు తాగాలని నిపుణులు అంటున్నారు. చల్లని పాలు శరీరంలో జీవక్రియను పెంచుతుంది. ఇది బరువు తగ్గడానికి సహాయపడుతుంది. అంతే కాదు ఇది మన కండరాలకు చాలా ప్రయోజనకరంగా ఉంటుందని కూడా చెబుతారు. అందుకే వ్యాయామం తర్వాత చల్లని పాలు తాగమని వైద్యులు సలహా ఇస్తున్నారు. పాలకు ఎముకలను బలోపేతం చేసే శక్తి ఉన్నందున ఎముకల ఆరోగ్యాన్ని మెరుగుపరచడానికి చల్లని పాలు తాగాలని నిపుణులు కూడా సిఫార్సు చేస్తున్నారు.

వేడి పాలు ఎవరికి మంచిది?

పడుకునే ముందు వెచ్చని పాలు తాగడం చాలా మంచిది. ఎందుకంటే ఇది మంచిగా నిద్ర పోయేందుకు సహాయపడుతుందని వైద్యులు అంటున్నారు. అంతే కాదు.. వెచ్చని పాలు చల్లని పాల కంటే వేగంగా జీర్ణమవుతాయి. కాబట్టి జీర్ణ సమస్యలు ఉన్నవారు వెచ్చని పాలు తాగమని సలహా ఇస్తున్నారు. అలాగే, వేడి పాలు శరీరాన్ని ఫ్రెష్‌గా ఉంచుతాయి. అందుకే వైద్యులు ప్రతిరోజూ పాలు తాగమని సిఫార్సు చేస్తారు. వెచ్చని పాలు గుండె ఆరోగ్యానికి కూడా మంచిది.

మరిన్ని హెల్త్ వార్తల కోసం ఇక్కడ క్లిక్ చేయండి..