Health Tips: తేనెతో అద్భుతమైన ఉపయోగాలు.. ఇలా తీసుకుంటే కొలెస్ట్రాల్, మధుమేహం అదుపులో..
ఔషధ గుణాలు పుష్కలంగా ఉన్న తేనె ఆరోగ్యానికి ఎంతో మేలు చేస్తుంది. తేనె తింటే చాలా రోగాలు నయమవుతాయి. తేనెలో ఉండే పోషకాలు మధుమేహం, కొలెస్ట్రాల్ వంటి తీవ్రమైన..
Updated on: Nov 30, 2022 | 8:44 PM
ఔషధ గుణాలు పుష్కలంగా ఉన్న తేనె ఆరోగ్యానికి ఎంతో మేలు చేస్తుంది. తేనె తింటే చాలా రోగాలు నయమవుతాయి. తేనెలో ఉండే పోషకాలు మధుమేహం, కొలెస్ట్రాల్ వంటి తీవ్రమైన వ్యాధులను అదుపులో ఉంచుతాయి. ఇందులో ప్రోటీన్, యాంటీ బాక్టీరియల్, యాంటీ-కార్సినోజెనిక్, యాంటీఆక్సిడెంట్ లక్షణాలు ఉన్నాయి. ఇవి గుండె, మధుమేహం వంటి వ్యాధుల ప్రమాదాన్ని తొలగిస్తాయి. మరి ఇలాంటి వారు తేనెను ఎలా తీసుకోవాలో తెలుసుకుందాం. టొరంటో యూనివర్శిటీ పరిశోధన వివరాల ప్రకారం.. తేనె కార్డియోమెటబాలిక్ ఆరోగ్యానికి మేలు చేస్తుంది. తేనె ఫాస్టింగ్ బ్లడ్ షుగర్‌ని నియంత్రిస్తుంది. మంచి కొలెస్ట్రాల్‌ను పెంచడంలో సహాయపడుతుంది.
మధుమేహం నియంత్రణ:
తేనె వాడటం వల్ల మధుమేహం అదుపులో ఉంటుంది. షుగర్ వ్యాధికి తేనె తీపిగా ఎలా ఉపయోగపడుతుందనే విషయంపై అందరూ అయోమయం చెందుతారు. నిజానికి తేనెలో ఉండే పోషకాలు గ్లూకోజ్‌ని నియంత్రించడానికి పని చేస్తాయి. ఇది తీపి కోరికలను తీరుస్తుంది. ఈ విధంగా తేనె తీసుకోవడం ద్వారా మధుమేహం నియంత్రణలో ఉంటుంది.
కొలెస్ట్రాల్ నియంత్రణ
కొలెస్ట్రాల్‌ను నియంత్రించడంలో తేనె సహాయపడుతుంది. ఇందులో ఉండే యాంటీ ఆక్సిడెంట్లు కొలెస్ట్రాల్‌ను తగ్గిస్తాయి. మీకు కొలెస్ట్రాల్ పెరుగుతుందనే భయం ఉంటే, పచ్చి వెల్లుల్లిని ఒక చెంచా తేనెతో కలిపి తింటే చాలా ప్రయోజనం ఉంటుంది. ఈ రెండూ కొలెస్ట్రాల్‌ను నియంత్రించడంలో పని చేస్తాయి. గుండెకు మేలు చేస్తాయి.
ఎలా సేవించాలి?
రోజూ ఒక టీస్పూన్ (35-40) గ్రాముల తేనె తీసుకోవడం ప్రయోజనకరం. టీలో చక్కెరకు బదులు తేనెను వాడితే ఎంతో మేలు జరుగుతుంది. మీరు తేనెను ఆరోగ్యకరమైన డికాక్షన్‌లో కలపడం ద్వారా కూడా తీసుకోవచ్చు.
మరిన్ని ప్రయోజనాలు:
మధుమేహం, కొలెస్ట్రాల్ కాకుండా అనేక ఇతర వ్యాధులను నయం చేయడంలో తేనె ప్రయోజనకరంగా ఉంటుంది. జీర్ణక్రియ, జలుబు, గొంతు సమస్యలు, ఊబకాయం వంటి సమస్యలను తొలగించడానికి తేనె పనిచేస్తుంది. తేనె తినడం వల్ల రోగనిరోధక శక్తి పెరుగుతుంది. ఇది జుట్టు, చర్మానికి కూడా ఉపయోగకరంగా ఉంటుంది.
మరిన్ని హెల్త్ వార్తల కోసం ఇక్కడ క్లిక్ చేయండి
