Health Tips: సంపూర్ణ ఆరోగ్యం కావాలా? అయితే, ప్రతీ రోజూ ఈ పప్పు దినుసులను తినాల్సిందే..!
Health Tips: పప్పు దినుసుల్లో చాలా రకాలు మార్కెట్‌లో అందుబాటులో ఉన్నాయి. ప్రతిరోజూ కొత్త పప్పులను మీ ఫుడ్‌లో చేర్చుకోవచ్చు. పప్పులో ప్రోటీన్లు, విటమిన్లు, మినరల్స్ పుష్కలంగా
Updated on: Dec 19, 2021 | 9:03 PM
Health Tips: పప్పు దినుసుల్లో చాలా రకాలు మార్కెట్‌లో అందుబాటులో ఉన్నాయి. ప్రతిరోజూ కొత్త పప్పులను మీ ఫుడ్‌లో చేర్చుకోవచ్చు. పప్పులో ప్రోటీన్లు, విటమిన్లు, మినరల్స్ పుష్కలంగా ఉంటాయి. ముఖ్యంగా బరువు తగ్గాలనుకునే వారికి పప్పుదినుసులు చాలా మేలు చేస్తాయి. పప్పు దినుసులను భారతీయులు తమ వంటకాల్లో ప్రధానంగా వినియోగిస్తుంటారు. అన్నం, రోటీ, సాంబార్‌లో పప్పును విరివిగా వినియోగిస్తారు. అయితే పప్పులో చాలా రకాలు అందుబాటులో ఉన్నాయి. ప్రతీ రోజూ కొత్త కొత్త పప్పు దినుసులతో వంటకాలు చేసుకుని ఆరగించవచ్చు. పప్పులో ప్రోటీన్లు, విటమిన్లు, మినరల్స్ పుష్కలంగా ఉంటాయి.
ప్రొటీన్లు పుష్కలంగా ఉండటం వల్ల చాలా కాలం పాటు నిండుగా ఉంచుతాయి. ప్రోటీన్ అధికంగా ఉండే ఆహారాలు కండరాలను నిర్మించడంలో కూడా సహాయపడతాయి. ప్రొటీన్లు పుష్కలంగా ఉండే పప్పులు ఏవో తెలుసుకుందాం.
మినప్పప్పు.. సాధారణంగా ఈ పప్పును.. పప్పులకు తల్లిగా పేర్కొంటారు. ఇందులో ప్రోటీన్స్, బి విటమిన్లు పుష్కలంగా ఉంటాయి. తక్కువ కొవ్వు పదార్థాలు, కేలరీలు ఉంటాయి. ముఖ్యంగా ఇందులో ఐరన్, ఫోలిక్ యాసిడ్, కాల్షియం, మెగ్నీషియం, పొటాషియం కూడా పుష్కలంగా ఉన్నాయి. ఈ పప్పును క్రమం తప్పకుండా తినడం వల్ల జీర్ణక్రియను మెరుగుపడుతుంది. గుండె ఆరోగ్యంగా ఉండేలా చేస్తుంది. శక్తిని పెంచుతుంది. ఎముకలను ఆరోగ్యంగా ఉంచుతుంది. నాడీ వ్యవస్థను బలోపేతం చేస్తుంది. అరకప్పు మినప్పప్పులో 12 గ్రాముల ప్రొటీన్ ఉంటుంది.
శనగపప్పు.. ప్రొటీన్, పీచుతో కూడిన శనగలు.. మీ ఆరోగ్యాన్ని పెంపొందించడంలో అద్భుతంగా పని చేస్తుంది. ఒక కప్పు శనగ పప్పులో శరీరానికి తగినంత ప్రోటీన్, ఐరన్, కాల్షియం, పొటాషియం ఉంటుంది. శనగ పప్పు గుండె సంబంధిత ఆరోగ్యాన్ని పెంపొందిస్తుంది. మధుమేహం నియంత్రణలో ఉండేందుకు సహకరిస్తుంది. ఇది మీ రక్తపోటును నియంత్రించణలో ఉంచుతుంది. ఎర్ర రక్త కణాలు పెరిగేందుకు దోహదపడుతుంది. అర కప్పు శనగల్లో 9 గ్రాముల వరకు ప్రొటీన్స్ ఉంటాయి.
మసూర్ పప్పు(ఎర్ర పప్పు).. మన తెలుగు రాష్ట్రాల్లో ఎర్ర పప్పు, మైసూర్ పప్పు అని పిలుస్తారు. ఈ పప్పును ప్రధానంగా ఉత్తర భారత రాష్ట్రాల్లో ఎక్కువగా తింటారు. ఈ పప్పులో ఐరన్, ప్రొటీన్, ఫైబర్, విటమిన్ సి, బి6, బి2, ఫోలిక్ యాసిడ్, కాల్షియం, జింక్, మెగ్నీషియం పుష్కలంగా ఉన్నాయి. అర కప్పు మసూర్ పప్పు 9 గ్రాముల ప్రొటీన్స్ ఉంటాయి.
కంది పప్పు.. ఖిచ్డీ తయారీకి ఉపయోగించే మరొక ప్రధాన పప్పు కంది పప్పు. తెలుగు రాష్ట్రాల్లోని ప్రజలు కంది పప్పులో ఎక్కువగా వంటకాలు చేస్తుంటారు. సాంబార్, ఇతర పప్పు వంటకాలు చేస్తుంటారు. ఈ పప్పులో ప్రోటీన్స్ అధికంగా ఉంటాయి. ఇందులో ఫైబర్, ఫోలిక్ యాసిడ్, ఐరన్, క్యాల్షియం పుష్కలంగా ఉంటాయి. షుగర్ వ్యాధిగ్రస్తులకు, గుండె జబ్బులకు ఈ పప్పు చాలా మేలు చేస్తుంది. 100 గ్రాముల పప్పులో 22 గ్రాముల ప్రోటీన్ ఉంటుంది.
Also read:
