Eye Care Tips: మీ కళ్లు మసకబారుతున్నాయా..? ఈ చిట్కాలు పాటించండి.. అద్భుతమైన ఫలితాలు
మన శరీర భాగాలలో కళ్లు ముఖ్యమైనవి. వీటిని ఎంతో జాగ్రత్తగా కాపాడుకోవాలి. కంటి సమస్యలు వస్తే మొదటికే మోసమొస్తుంది. ఇప్పుడున్న డిజిటల్‌ ప్రపంచంలో ఫోన్‌ల వాడకం, ల్యాప్‌టాప్‌, డెస్క్‌టప్‌ల..
Updated on: Feb 16, 2023 | 6:00 AM
మన శరీర భాగాలలో కళ్లు ముఖ్యమైనవి. వీటిని ఎంతో జాగ్రత్తగా కాపాడుకోవాలి. కంటి సమస్యలు వస్తే మొదటికే మోసమొస్తుంది. ఇప్పుడున్న డిజిటల్‌ ప్రపంచంలో ఫోన్‌ల వాడకం, ల్యాప్‌టాప్‌, డెస్క్‌టప్‌ల ముందు గంటల తరబడి కూర్చోవడంతో కంటి సమస్యలు ఎక్కువ తలెత్తుతున్నాయి. ఈ రోజుల్లో చిన్నారుల నుంచి పెద్దల వరకు ప్రతి ఒక్కరికి కళ్ల అద్దాలు వస్తున్నాయి. ముఖ్యంగా కళ్ల ఆరోగ్యానికి ఈ గాడ్జెట్లు చాలా ప్రమాదకరమని రుజువవుతోంది. వాటి స్క్రీన్ లైట్ మన కళ్లకు హాని కలిగిస్తుంది. దీని వల్ల అన్ని రకాల సమస్యలు వస్తాయి. ఇలాంటి చెడు జీవనశైలి కారణంగా మన కళ్లు బలహీనంగా మారడం వల్ల ప్రతిరోజూ కళ్లలో మంట, దురద వంటి సమస్యలు మొదలై కంటిచూపు మందగించే అవకాశాలు కూడా ఎక్కువయ్యాయి. ఇలాంటి పరిస్థితుల్లో కళ్లను ఆరోగ్యంగా ఉంచే ఆహారాలను ఎక్కువగా తీసుకోవాలని కంటి వైద్య నిపుణులు సూచిస్తున్నారు.
కంటి చూపు మెరుగు పడాలంటే..
- ఉసిరి- ఉసిరి: కళ్లకు ఇవి ఎంతో ప్రయోజనం కలిగిస్తాయి. ఉసిరిలో విటమిన్ సి పుష్కలంగా లభిస్తుంది. దీంతో కంటిచూపు పెరుగుతుంది. జామకాయ పొడి, మర్మాలాడ్, ఊరగాయ, ఉసిరి మిఠాయి వంటి జామకాయతో చేసిన వస్తువులు కళ్ళకు చాలా ఉపయోగకరంగా ఉంటాయి. ఉసిరికాయను రోజూ తీసుకోవడం ఎంతో మంచిది.
- ఆకు కూరగాయలు: కంటి చూపు మెరుగుపడాలంటే ఆకుకూరలు ఎక్కువగా తినాలి. పచ్చి కూరగాయలు కంటికి చాలా మేలు చేస్తాయి. వీటిలో విటమిన్ ఎ (కెరోటిన్), విటమిన్ “సి” విటమిన్ “బి” పుష్కలంగా లభిస్తాయి. పచ్చి కూరగాయల్లో ఉండే యాంటీ ఆక్సిడెంట్లు, ఐరన్, లుటిన్ వంటి అంశాలు కంటి చూపును పెంచుతాయి.
- అవకాడో: అవకాడోలో విటమిన్-ఇ పుష్కలంగా ఉంటుంది. దీన్ని తీసుకోవడం వల్ల కంటి రెటీనా బలపడుతుంది. మీ కళ్ళు వృద్ధాప్యం వరకు ఆరోగ్యంగా ఉంటాయి.
- క్యారెట్: క్యారెట్‌లో బీటా కెరోటిన్ ఉంటుంది. ఇది కంటి చూపును పెంచుతుంది. క్యారెట్‌లో ఉండే విటమిన్ ఏ కళ్లకు కూడా చాలా మేలు చేస్తుంది.
- సీఫుడ్: సీఫుడ్ వల్ల కళ్లు ఆరోగ్యంగా ఉంటాయి. ట్యూనా, సాల్మన్, ట్రౌట్ వంటి సముద్ర ఆహారాలు రెటీనాను బలోపేతం చేస్తాయి. ఈ చేపలలో DHA అనే కొవ్వు ఆమ్లం ఉంటుంది. ఇది రెటీనా బలాన్ని పెంచుతుంది. కంటి చూపును మెరుగుపరుస్తుంది.
- సిట్రస్ ఫ్రూట్: విటమిన్ సి, సిట్రిక్ యాసిడ్ నారింజ, నిమ్మ, ద్రాక్షపండు, జామపండులో పుష్కలంగా లభిస్తాయి. విటమిన్ సి కళ్లకు మేలు చేస్తుంది.
- డ్రైఫ్రూట్స్: బాదం, వాల్ నట్స్ వంటి డ్రైఫ్రూట్స్ కంటి చూపును మెరుగుపరుస్తాయి. డ్రైఫ్రూట్స్ రోజూ తీసుకోవాలి. దీంతో కళ్లు ఆరోగ్యంగా ఉంటాయి.
(నోట్‌: ఇందులోని అంశాలన్ని కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా సందేహాలు ఉంటే నిపుణులను సంప్రదించండి.)
మరిన్ని హెల్త్ వార్తల కోసం ఇక్కడ క్లిక్ చేయండి
