Exercise Effect: జిమ్‌లో అతిగా వ్యాయామం చేస్తున్నారా ? అయితే మీరు ప్రమాదంలో ఉన్నట్లే.. ఎంత సమయంలో జిమ్ చేయాలో తెలుసా..

శరీరం ఫిట్‌గా ఉండాలంటే వ్యాయామం చేయడం చాలా ముఖ్యం. బిజీ లైఫ్‌లో మిమ్మల్ని మీరు ఫిట్‌గా, ఆరోగ్యంగా ఉంచుకోవడానికి, శరీరాన్ని చురుకుగా ఉంచుకోవడం చాలా ముఖ్యం. ఆఫీసులో గంటల తరబడి డెస్క్ వర్క్ చేస్తాం. ఎక్కువ సేపు సీట్లో కూర్చుంటాం.. దాని వల్ల మన శరీరం ఫిట్ గా ఉండదు. శరీరాన్ని ఫిట్‌గా ఉంచుకోవడానికి, హెల్తీ డైట్‌తో పాటు రోజువారీ వర్కవుట్‌లు చేయడం అవసరం. అయితే అధిక వ్యాయామం కూడా ఆరోగ్యానికి హాని కలిగిస్తుందంటున్నారు ఆరోగ్య నిపుణులు. ఇటీవల, ‘భాబీ జీ ఘర్ పర్ హైన్’ దీపేష్ 41 సంవత్సరాల వయస్సులో మరణించాడు. అతను 2015 నుంచి ‘భాబీ జీ ఘర్ పర్ హై’లో మల్ఖాన్ ఖాన్ పాత్రను పోషిస్తున్నాడు. అతని కామెడీ అందరికీ నచ్చింది. క్రికెట్ ఆడుతూ దీపేష్ కిందపడి మృతి చెందాడు. దీపేష్ క్రికెట్ ఆడే ముందు జిమ్‌లో వర్కౌట్ చేసి వచ్చాడు. జిమ్‌లో వర్కవుట్ చేయడం వల్ల బ్రెయిన్ హెమరేజ్‌తో దీపేష్ చనిపోయాడని భావిస్తున్నారు. దీపేష్ క్రికెట్ ఆడుతున్నప్పుడు.. అతని రక్తపోటు చాలా ఎక్కువగా ఉంది. దాని కారణంగా అతను మెదడు రక్తస్రావంతో మరణించాడు.

ఎక్కువసేపు వర్కవుట్ చేయడం వల్ల బీపీ ఎక్కువ కావడం తరచుగా కనిపిస్తుంది. శరీరానికి వ్యాయామం అవసరం, కానీ అధిక వ్యాయామం కూడా మీ మరణానికి కారణం కావచ్చు. WHO చెప్పినట్లుగా.. మీరు వారానికి 150 నిమిషాల వ్యాయామం లేదా ప్రతి వారం కేవలం 75 నిమిషాల వ్యాయామం చేస్తే.. మీ శరీరం ఖచ్చితంగా ఫిట్‌గా ఉంటుంది. శరీరాన్ని ఫిట్‌గా, ఆరోగ్యంగా ఉంచుకోవడానికి పరిమిత సమయం వరకు వ్యాయామం చేస్తే సరిపోతుంది. మీరు కూడా జిమ్ చేస్తే, కొన్ని విషయాలను గుర్తుంచుకోండి. తద్వారా వ్యాయామం మీ శరీరంపై సానుకూల ప్రభావాన్ని చూపుతుంది.

బలవంతంగా వ్యాయామం చేయవద్దు:

కొంతమంది తమ కండరాలు లేదా అబ్స్‌ను తయారు చేసుకునేందుకు లేదా బరువు తగ్గించుకోవడానికి ఎక్కువ సమయం వర్కౌట్స్ చేస్తుంటారు. ఇలా చేయడం వల్ల కొవ్వు త్వరగా కరిగిపోతుందని వారు భావిస్తున్నారు. వ్యాయామంతో శీఘ్ర ప్రయోజనాలను పొందడానికి గంటల తరబడి వర్కౌట్స్ చేయడం  ప్రాణాంతకం అని రుజువైంది. ఎక్కువ వ్యాయామం చేయడం వల్ల బీపీ అధికం కావడం, కండరాలు పట్టేయడం, ఎముకలు బలహీనపడడం వంటివి జరుగుతాయి. మీ వ్యాయామం ఉపయోగకరంగా ఉండాలని మీరు కోరుకుంటే.. 30 నుంచి 45 నిమిషాల పాటు మితమైన వేగంతో వ్యాయామం చేయండి.

ఎక్కువ వ్యాయామం చేయడం వల్ల అలసట..

అతిగా వ్యాయామం చేయడం వల్ల శరీరంలోని చురుకుదనం తొలగిపోయి శరీరంలో ఎప్పుడూ అలసట ఉంటుంది. ఎక్కువ సేపు వర్కవుట్ చేయడం వల్ల శరీరంలో బలహీనత పెరిగి ఎప్పుడూ అలసటగా అనిపిస్తుంది. తొందరపడి వ్యాయామం చేయకూడదని గుర్తుంచుకోండి. శరీరం ఫిట్‌గా ఉండాలంటే 40-45 నిమిషాల పాటు వ్యాయామం చేస్తే సరిపోతుంది.

చాలా తరచుగా జబ్బు పడవచ్చు..

ఎక్కువ వ్యాయామం చేయడం వల్ల మీ రోగనిరోధక శక్తి తగ్గుతుంది. మీరు తరచుగా అనారోగ్యానికి గురవుతారు. ఎక్కువసేపు వ్యాయామం చేయడం వల్ల మీ రక్తపోటు పెరుగుతుంది, మీరు కీళ్ల నొప్పుల గురించి ఫిర్యాదు చేయవచ్చు. ఎక్కువ వ్యాయామం చేయడం వల్ల మెదడులో హార్మోన్ల అసమతుల్యత ఏర్పడుతుంది, ఇది మీ నిద్రకు భంగం కలిగిస్తుంది. పురుషులలో అధిక వ్యాయామం కూడా స్పెర్మ్ నాణ్యతను ప్రభావితం చేస్తుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ వార్తల కోసం