ప్రతిరోజూ కూల్ డ్రింక్స్ తాగుతున్నారా? ఈ 4 వ్యాధులు గ్యారెంటీ అంట.. ఇక మీ ఇష్టం..

వేసవి కాలంలో శీతల పానీయాలకు భారీగా డిమాండ్ ఉంటుంది.. దీంతోపాటు సాధారణ సమయాల్లోనూ కూల్ డ్రింక్స్ ను బాగానే తాగుతుంటారు.. అయితే.. శీతల పానీయాలు, ప్యాక్ చేసిన జ్యూస్‌లు లేదా ఫ్లేవర్డ్ మిల్క్‌లు.. లాంటివి ఎక్కువగా వేసవికాలంలో తాగుతారు.. ఈ పానీయాలు హీట్‌స్ట్రోక్ నుంచి ఉపశమనం కలిగిస్తాయని విశ్వసిస్తారు.. అయితే.. వాటివల్ల ఎలాంటి లాభం ఉండదని.. పైగా ఆరోగ్యానికి హాని కలిగిస్తాయని వైద్య నిపుణులు పేర్కొంటున్నారు.. జస్ట్ రిఫ్రెష్ కోసం తాగడం తప్పితే.. ఎలాంటి ప్రయోజనం ఉండదంటున్నారు.. అయితే కొందరు కూల్ డ్రింక్స్ ను రోజూ తాగుతుంటారు.. అలాంటివారి ఆరోగ్యానికి తీవ్రమైన హాని కలుగుతుందని.. మున్ముందు చాలా దుష్ఫ్రభావాలను ఎదుర్కొవలసి ఉంటుందని వైద్య నిపుణులు హెచ్చరిస్తున్నారు.

రోజూ శీతల పానీయాలు తాగడం వల్ల అనేక అనారోగ్య సమస్యలు తలెత్తుతాయని అధ్యయనాలు చెబుతున్నాయి. శీతల పానీయాలు తాగడం వల్ల వచ్చే నాలుగు ప్రధాన సమస్యల గురించి ఇప్పుడు తెలుసుకుందాం..

ఊబకాయం – మధుమేహం ప్రమాదం: సాధారణంగా శీతల పానీయాలలో పెద్ద మొత్తంలో చక్కెర, కృత్రిమ చక్కెరను ఉపయోగిస్తారు. వీటిని రోజూ తీసుకోవడం వల్ల శరీరంలో చక్కెర స్థాయి పెరుగుతుంది. ఇది ఊబకాయం, టైప్ 2 డయాబెటిస్ ప్రమాదాన్ని పెంచుతుంది.

గుండె జబ్బులు వచ్చే ప్రమాదం: శీతల పానీయాలలో అధిక ఫ్రక్టోజ్ కార్న్ సిరప్ అనే పదార్థం ఉంటుంది. ఇది శరీరంలో ట్రైగ్లిజరైడ్స్ స్థాయిని పెంచుతుంది. ట్రైగ్లిజరైడ్స్ ఒక రకమైన కొవ్వు, వీటిలో అధిక స్థాయి కొలెస్ట్రాల్ సిరల్లో పేరుకుపోయేలా చేస్తుంది. ఇది గుండె జబ్బుల ప్రమాదాన్ని పెంచుతుంది.

దంతాలకు నష్టం: శీతల పానీయాలలో ఉండే ఆమ్లాలు పంటి ఎనామిల్‌ను బలహీనపరుస్తాయి. ఇది పంటి నొప్పి, సున్నితత్వం, కావిటీస్ ప్రమాదాన్ని పెంచుతుంది. అదనంగా, ఈ పానీయాలలో ఉండే రంగులు కూడా దంతాలపై మరకలు పడేలా చేస్తాయి.

పోషకాహార లోపం: శీతల పానీయాలలో పోషకాహారం చాలా తక్కువగా ఉంటుంది. నీళ్లు, పంచదార, కృత్రిమ రుచులు తప్ప వాటిలో ప్రత్యేకత ఏమీ లేదు. వీటిని రోజూ తీసుకోవడం వల్ల శరీరంలో అవసరమైన విటమిన్లు, మినరల్స్ లోపించడం వల్ల బలహీనత, అలసట వంటి సమస్యలు వస్తాయి.

శీతల పానీయాలు తీసుకోకుండా ఉండటం ఎలా?

నీటిని మీ ప్రధాన పానీయంగా చేసుకోండి. శరీరాన్ని హైడ్రేట్ గా ఉంచడానికి నీరు ఉత్తమమైన, ఆరోగ్యకరమైన మార్గం.

పండ్ల వినియోగాన్ని పెంచండి. పండ్లు శరీరాన్ని హైడ్రేట్‌గా ఉంచడమే కాకుండా విటమిన్లు, మినరల్స్‌కు మంచి మూలం.

మీరు నిమ్మరసం, మజ్జిగ, లేదా కొబ్బరి నీరు వంటి వాటిని ఇంట్లోనే సిద్ధం చేసుకుని తాగవచ్చు. ఇవి రుచికరమైన, ఆరోగ్యకరమైన ఎంపికలు.

మార్కెట్ నుండి ప్యాక్ చేసిన జ్యూస్ లాంటివి కొనడం మానుకోండి. వీటిలో కూడా అధిక మొత్తంలో చక్కెర, కృత్రిమ పదార్థాలు ఉంటాయి.

వేసవి కాలంలో శీతల పానీయాలు తాగాలనుకోవడం సహజమే, అయితే ఆరోగ్యం విషయంలో కూడా జాగ్రత్తలు తీసుకోవడం చాలా ముఖ్యం. శీతల పానీయాల వినియోగాన్ని తగ్గించండి, ఆరోగ్యకరమైన ప్రత్యామ్నాయాలను అనుసరించండి. ఆరోగ్యకరమైన సంతోషకరమైన జీవితం కోసం నీటిని మీ ప్రధాన పానీయంగా చేసుకోవాలని వైద్య నిపుణులు సూచిస్తున్నారు.

మరిన్ని హెల్త్ వార్తల కోసం ఇక్కడ క్లిక్ చేయండి..