Curry Leaves: పరగడుపున నాలుగు కరివేపాకులు తింటే.. ఆ ఐదు సమస్యలు హాంఫట్.. ఇంకా ఎన్నో..
కరివేపాకుతో ఏదైనా ఆహారపు రుచి, సువాసన మెరుగుపడుతుంది. అందుకే చాలా మంది కరివేపాకును కొనుగోలు చేసి మరి వంటలల్లో వేస్తారు.
Updated on: Jul 30, 2022 | 5:55 AM
Curry Leaves Benefits: భారతీయ వంటశాలలలో కరివేపాకులను ఎక్కువగా ఉపయోగిస్తారు. ముఖ్యంగా సౌత్ ఇండియన్ వంటకాలు చాలా వరకు ఈ ఆకులతోనే రుచిగా మారుతాయి. కరివేపాకుతో ఏదైనా ఆహారపు రుచి, సువాసన మెరుగుపడుతుంది. అందుకే చాలా మంది కరివేపాకును కొనుగోలు చేసి మరి వంటలల్లో వేస్తారు. అంతేకాకుండా ఇళ్లలో కరివేపాకు మొక్కలను సైతం పెంచుకుంటుంటారు. ఈ కరివేపాకులతో పలు రకాల వంటకాలతోపాటు.. చట్నీ కూడా చేసుకోని తింటారు.
కరివేపాకులో ఎన్నో పోషకాలు..
కరివేపాకులో భాస్వరం, కాల్షియం, ఇనుము, రాగి, విటమిన్లు, మెగ్నీషియం వంటి పోషకాలు ఉన్నాయి. ఇవి శరీరానికి అనేక విధాలుగా ప్రయోజనం చేకూరుస్తాయి. ప్రతిరోజూ ఉదయం 3 నుంచి 4 పచ్చి ఆకులను నమిలి తింటే.. అది ఆరోగ్యానికి ఎలా ఉపయోగపడుతుందో ఇప్పుడు తెలుసుకుందాం..
కరివేపాకు తినడం వల్ల కలిగే అద్భుతమైన ప్రయోజనాలు
కళ్లకు మంచిది: కరివేపాకు ఆకులను తినడం ద్వారా కంటి చూపు మెరుగుపడుతుంది. కరివేపాకులో చూపును మెరుగుపరిచే ముఖ్యమైన పోషకం విటమిన్ ఎ ఇందులో ఉంది. ఇది రేచీకటీ లేదా కంటికి సంబంధించిన అనేక ఇతర వ్యాధుల ప్రమాదాన్ని నివారిస్తుంది.
డయాబెటిస్‌ బాధితులకు మేలు: కరివేపాకులో రక్తంలో చక్కెర స్థాయిలను నియంత్రించే హైపోగ్లైసీమిక్ లక్షణాలు పుష్కలంగా ఉన్నాయి. మధుమేహం రోగులు రోజూ తింటే చాలా మంచిది.
జీర్ణక్రియ మెరుగుపడుతుంది: కరివేపాకును ప్రతిరోజూ ఉదయం ఖాళీ కడుపుతో నమిలి తింటే చాలామంచిది. ఎందుకంటే ఇది జీర్ణక్రియను మెరుగుపరుస్తుంది. మలబద్ధకం, ఎసిడిటీ, ఉబ్బరం వంటి అన్ని కడుపు సమస్యల నుంచి ఉపశమనం కల్పిస్తుంది.
ఇన్ఫెక్షన్లను నివారిస్తుంది: కరివేపాకులో యాంటీ ఫంగల్, యాంటీబయాటిక్ లక్షణాలు ఉన్నాయి. ఇది అనేక రకాల ఇన్ఫెక్షన్లను నివారిస్తుంది. వ్యాధుల ప్రమాదాన్ని నివారిస్తుంది.
బరువు తగ్గుతుంది: కరివేపాకును నమిలి తినడం వల్ల బరువు, పొట్ట కొవ్వు తగ్గుతుంది. ఎందుకంటే ఇందులో ఇథైల్ అసిటేట్, మహానింబైన్, డైక్లోరోమీథేన్ వంటి పోషకాలు ఉంటాయి.
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
మరిన్ని హెల్త్ వార్తల కోసం ఇక్కడ క్లిక్ చేయండి
