Cancer: క్యాన్సర్‌ దరి చేరొద్దంటే.. వీటికి దూరంగా ఉండాలి.

ప్రపంచవ్యాప్తంగా ప్రతీ ఏటా ఎంతో మంది మరణిస్తున్నారు. మారుతోన్న జీవనశైలి, తీసుకునే ఆహారంలో మార్పుల కారణంగా క్యాన్సర్‌ మహమ్మారి బారిన పడుతోన్న వారి సంఖ్య పెరుగుతోంది. ఒక్కసారి క్యాన్సర్‌ సోకితే పూర్తిగా తగ్గడం అంత సులభమైన విషయం కాదు. అయితే తీసుకునే ఆహారం విషయంలో మొదటి నుంచి జాగ్రత్తలు తీసుకుంటే క్యాన్సర్‌ బారిన పడకుండా చూసుకోవచ్చని నిపుణులు చెబుతున్నారు. ఇంతకీ ఎలాంటి ఆహార పదార్థాలకు దూరంగా ఉంటే క్యాన్సర్‌ దరిచేరదో ఇప్పుడు తెలుసుకుందాం..

* ప్రాసెసర్ చేసిన మాంసానికి దూరంగా ఉండాలి. ప్రాసెస్‌ ఫుడ్‌ తీసుకుంటే కడుపు క్యాన్సర్‌ ప్రమాదం పెరిగే అవకాశం ఉంటుందని నిపుణులు చెబుతున్నారు. ప్రాసెస్‌ ఫుడ్‌లో నైట్రేట్ ఎక్కువగా ఉంటుంది. ఈ ఫుడ్‌ తీసుకుంటే కడుపులో జీర్ణక్రియ సమయంలో నైట్రోసమైన్‌ను ఉత్పత్తి చేస్తాయి. కాబట్టి ఇలాంటి ఆహారాన్ని తక్కువగా తీసుకోవాలని చెబుతున్నారు.

* దీర్ఘకాలంగా చక్కెర ఎక్కువగా ఉండే ఆహార పదార్థాలకు, శీతల పానీయాలకు దూరంగా ఉండాలని నిపుణులు చెబుతున్నారు. ఇలాంటివి ఎక్కువగా తీసుకున్న వారిలో రొమ్ము, కడుపు క్యాన్సర్‌ బారిన పడే అవకాశం ఉంటుందని నిపుణులు హెచ్చరిస్తున్నారు. చక్కెర అధికంగా ఉండే ఆహార పదార్థాలను తినడం వల్ల ఊబకాయం పెరుగుతుంది, ఇన్సులిన్ స్థాయిలు తగ్గుతాయి. ఇవి కొన్ని క్యాన్సర్‌లకు ప్రమాద కారకాలుగా చెబుతున్నారు.

* వేయించిన కూరగాయలను ఎక్కువగా తీసుకోవడం కూడా ఆరోగ్యానికి హానికరమని నిపుణులు చెబుతున్నారు. అధిక ఉష్ణోగ్రత వద్ద వండిన ఆహారం, అదనపు నూనె వాడకం ఆరోగ్యానికి మంచిది కాదు. అలాగే ఇది క్యాన్సర్ రిస్క్ తో ముడిపడి ఉంటుంది. ఇలాంటి ఆహార పదార్థాలతో స్టార్చ్, ఆక్సిడైజ్డ్ పాలీ అన్‌శాచురేటెడ్ ఫ్యాట్స్‌ ఉంటాయి. ఇది క్యాన్సర్ ప్రమాదాన్ని పెంచుతుంది.

* అతిగా మద్యం సేవించడం కూడా క్యాన్సర్‌కు దారి తీస్తుందని నిపుణులు హెచ్చరిస్తున్నారు. ముఖ్యంగా రొమ్ము, అన్నవాహిక, ప్యాంక్రియాటిక్‌, కాలేయ క్యాన్సర్‌ వంటివి వచ్చే ప్రమాదం ఉంటుందని నిపుణులు చెబుతున్నారు. ఆల్కహాల్ మెటబాలిజం సమయంలో ఎసిటాల్డిహైడ్ అనే క్యాన్సర్ కారకం ఉత్పత్తి అవుతుంది.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని హెల్త్ ఆర్టికల్స్ కోసం క్లిక్ చేయండి..