కలెక్షన్ల మోత మోగిస్తున్న ‘ఎఫ్‌2’

ఈ ఏడాది సంక్రాంతి బరిలోకి దిగి.. తిరుగులేని విజయాన్ని సొంతం చేసుకుంది ఎఫ్2  చిత్రం. ఈ మూవీతో పాటు పోటీగా వచ్చిన వినయ విధేయ రామ, కథానాయకుడు సినిమాలు అంతగా ఆకట్టుకోకపోవడంతో …ఫుల్ లెంగ్త్‌ కామెడీతో తెరకెక్కిన ఎఫ్2 కి ఆడియెన్స్ పట్టం కట్టారు. వింటేజ్ వెంకీని మళ్లీ తెరపై చూపించడం, మెగా హీరో వరుణ్‌తో తెలంగాణ స్లాంగ్‌లో పంచ్ వేయించడం చేసి దర్శకుడు అనిల్ రావిపూడి  తన విజయాల విజయయాత్రలో మరో మూవీని నిలబెట్టారు.

ప్రస్తుతం  ఈ చిత్రం కలెక్షన్లతో  రికార్డులు క్రియేట్‌ చేస్తోంది. అమెజాన్‌ ప్రైమ్‌లో అందుబాటులోకి వచ్చినా కూడా  కొన్ని థియేటర్స్‌లో మూవీ ఇంకా బాగానే ఆడుతోంది. ఇప్పటివరకు ఈ సినిమా 140కోట్ల గ్రాస్‌ను వసూళ్లు చేసినట్టు చిత్రయూనిట్‌ ప్రకటించింది.  ఈ మూవీని శ్రీ వెంకటేశ్వర క్రియేషన్స్ బ్యానర్‌పై దిల్‌ రాజు నిర్మించారు.