బాలీవుడ్ మూవీ రీమేక్ లో త్రిష..!

’96’ సినిమా హిట్ తో కోలీవుడ్ లో వరస ఆఫర్స్ అందుకుంటోంది హీరోయిన్ త్రిష. ప్రస్తుతం రెండు లేడి ఓరియెంటెడ్ సినిమాల్లో నటిస్తున్న త్రిష.. లేటెస్ట్ గా ఆమెకు బాలీవుడ్ లో హిట్ అయిన చిత్రం తమిళ రీమేక్ లో నటించడానికి అవకాశం వచ్చిందట. గత వారం విడుదలై మంచి రెస్పాన్స్ తో అదిరిపోయే వసూళ్లు అందుకుంటోంది బాలీవుడ్ చిత్రం ‘బద్లా’. ఈ చిత్రాన్ని తమిళ, తెలుగు భాషల్లో రీమేక్ చేసేందుకు సన్నాహాలు జరుగుతున్నాయట. తమిళ నిర్మాత ధనుంజయ్ ఈ చిత్రం హక్కులను పొందాలని చూస్తున్నాడట.

ఇక ఇందులో హీరోయిన్ గా త్రిష ను ఎంపిక చేయడానికి ఇప్పటికే చర్చలు జరుపుతున్నారట. సీనియర్ హీరోయిన్ గా తెలుగు, తమిళ భాషల్లో త్రిష కు మంచి మార్కెట్ ఉంది. అది ఈ సినిమాకి ప్లస్ అవుతుందని అనుకుంటున్నారట నిర్మాత ధనుంజయ్. ఈ ప్రాజెక్ట్ గురించి పూర్తి వివరాలు త్వరలోనే వెల్లడించనున్నారు చిత్ర యూనిట్.