Kondapolam: వైష్ణవ్ తేజ్ సినిమా రిలీజ్ డేట్ మారిందా ? కొండపొలం ప్రేక్షకుల ముందుకు వచ్చేది ఎప్పడంటే..
మెగా యంగ్ హీరో వైష్ణవ్ తేజ్ మొదటి సినిమాతోనే సూపర్ హిట్ అందుకున్నాడు. ఉప్పెన సినిమా తర్వాత వైష్ణవ్ తేజ్ క్రేజ్ ఒక్కసారిగా మారిపోయింది.
మెగా యంగ్ హీరో వైష్ణవ్ తేజ్ మొదటి సినిమాతోనే సూపర్ హిట్ అందుకున్నాడు. ఉప్పెన సినిమా తర్వాత వైష్ణవ్ తేజ్ క్రేజ్ ఒక్కసారిగా మారిపోయింది. ఈ యంగ్ హీరోకు వరుస ఆఫర్లు క్యూ కట్టాయి. ప్రస్తుతం ఈ యంగ్ హీరో క్రియేటివ్ డైరెక్టర్ క్రిష్ దర్శకత్వంలో కొండపొలం అనే సినిమా చేస్తున్నాడు. కొండపొలం అనే నవల ఆధారంగా తెరకెక్కుతున్న ఈ సినిమాలో రకుల్ ప్రీత్ సింగ్ హీరోయిన్గా నటిస్తోంది. ఈ మూవీని ఫస్ట్ ఫ్రేమ్ ఎంటర్టైన్మెంట్ బ్యానర్ పై సాయి బాబు జాగర్లమూడి, రాజీవ్ రెడ్డిలు సంయక్తంగా నిర్మిస్తున్నారు. పూర్తి అడవి నేపథ్యంలో తెరకెక్కుతున్న ఈ సినిమాలో రకుల్, వైష్ణవ్ తేజ్ ఇద్దరూ గ్రామీణ ప్రాంతానికి చెందిన జంటగా కనిపించనున్నారు. ఇప్పటికే ఈ మూవీ నుంచి విడుదలైన పోస్టర్స్ ఆసక్తిని కలిగించాయి. అలాగే…. ఈ సినిమా నుంచి విడుదలైన ఓ ఒబులమ్మ సాంగ్ ప్రేక్షకులను తెగ ఆకట్టుకుంటుంది. ఈ చిత్రాన్ని అక్టోబర్ 8వ తేదీని ప్రేక్షకుల ముందుకు రానుంది.
అయితే గత కొద్ది రోజులు ఈ సినిమా గురించి వరుస కథనాలు సోషల్ మీడియాలో చక్కర్లు కొడుతున్నాయి. అనూహ్యంగా ఈ మూవీ రిలీజ్ డేట్ వాయిదా పడిందని.. త్వరలోనే అధికారిక ప్రకటన రానున్నట్లుగా వార్తలు వినిపిస్తున్నాయి. అయితే తాజా సమాచారం ప్రకారం ఈ సినిమా విడుదల తేదీ వాయిదా పడలేదని.. ముందుగా అనుకున్న టైం ప్రకారమే సినిమా విడుదల కాబోతుందని ఫిల్మ్ సర్కిల్లో టాక్ వినిపిస్తోంది. వచ్చే వారం నుంచి ఈ మూవీ ప్రమోషన్స్ ప్రారంభం కానున్నట్లుగా తెలుస్తోంది. లవ్ అండ్ ఎమోషన్స్ నేపథ్యంలో రూపొందుతున్న ఈ సినిమాపై ప్రేక్షకుల అంచనాలు భారీగానే ఉన్నాయి. ప్రముఖ రచయిత సన్నపురెడ్డి వెంకటరామిరెడ్డి రాసిన కొండపొలం నవల ఆధారంగా ఈ మూవీ తెరకెక్కుతుండడంతో ఈ మూవీ కోసం ఆసక్తిగా ఎదురుచూస్తున్నారు.
Also Read: love story: నాగచైతన్య, సాయి పల్లవిల అందమైన ప్రేమకథ.. ప్రేక్షకుల ముందుకు లవ్ స్టోరీ వచ్చేది రేపే..
