Liger : ‘వాట్ లగా దేంగే’.. లైగర్ నుంచి మరో సాంగ్.. క్రేజీగా పాడిన రౌడీ బాయ్
డైనమిక్ డైరెక్టర్ పూరిజగన్నాథ్ దర్శకత్వంలో వస్తోన్న లేటెస్ట్ మూవీ లైగర్. క్రేజీ హీరో విజయ్ దేవర కొండా నటిస్తున్న ఈ సినిమాలో బాలీవుడ్ బ్యూటీ అనన్య పాండే హీరోయిన్ గా నటిస్తుంది.
డైనమిక్ డైరెక్టర్ పూరిజగన్నాథ్(Puri Jagannadh) దర్శకత్వంలో వస్తోన్న లేటెస్ట్ మూవీ లైగర్. క్రేజీ హీరో విజయ్ దేవరకొండ(Vijay Deverakonda) నటిస్తున్న ఈ సినిమాలో బాలీవుడ్ బ్యూటీ అనన్య పాండే హీరోయిన్ గా నటిస్తుంది. సీనియర్ హీరోయిన్ రమ్యకృష్ణ ఈ సినిమాలో కీలక పాత్రలో నటిస్తున్నారు. ఈ సినిమాలో విజయ్ కు తల్లిగా రమ్యకృష్ణ కనిపించనున్నారు. ఇక ఇప్పటికే విడుదలైన లైగర్ పోస్టర్లు, గ్లిమ్ప్స్ , టీజర్, ట్రైలర్ సినిమా పై అంచనాలను భారీగా పెంచేశాయి. అలాగే లైగర్ నుంచి వచ్చిన ”అక్కడి పక్కడి” అనే సాంగ్ సోషల్ మీడియాను షేక్ చేసిన విషయం తెలిసిందే.. యూట్యూబ్ లో ఈ పాట ట్రెండింగ్ లో దూసుకుపోతోంది.
తాజాగా ఈ సినిమా నుంచి ‘వాట్ లగా దేంగే’అనే పాటను రిలీజ్ చేశారు. ఈ పాటను విజయ్ దేవరకొండ పాడటం విశేషం. పూరిజగన్నాథ్ ఈ పాటకు సాహిత్యం అందించగా విజయ్ తన క్రేజీ వాయిస్ తో ఉత్సాహంగా పాడారు. ఈ సినిమాపై కేవలం టాలీవుడ్‌లో మాత్రమే కాకుండా, బాలీవుడ్‌లోనూ మంచి బజ్‌ ఉంది. దీనికి కారణం కరణ్‌ జోహర్‌ వంటి అగ్ర నిర్మాత ఈ సినిమా నిర్మాణంలో భాగం కావడమే. ఈ చిత్రంలో మైక్‌ టైసన్‌ అతిథి పాత్రలో కనిపిస్తున్నాడు. పాన్ ఇండియా మూవీగా లైగర్ సినిమా ఆగస్టు 25న ప్రపంచవ్యాప్తంగా ప్రేక్షకుల ముందుకు రానుంది.
