Krithi Shetty: బెబమ్మకు ఆగస్టు నెలలో అగ్నిపరీక్ష.. కృతిశెట్టిని ఆ హీరో గట్టెక్కిస్తాడా.?
ఉప్పెన సినిమాతో ఒక్కసారిగా ఎగిసిపడిన అందం కృతి శెట్టి(Krithi Shetty).కలువలాంటి కళ్లు, తొలి సినిమాతోనే కుర్రకారు గుండెల్లో బాణాలు గుచ్చింది ఈ అమ్మడు.
ఉప్పెన సినిమాతో ఒక్కసారిగా ఎగిసిపడిన అందం కృతి శెట్టి(Krithi Shetty).కలువలాంటి కళ్లు, తొలి సినిమాతోనే కుర్రకారు గుండెల్లో బాణాలు గుచ్చింది ఈ అమ్మడు. అందం, అమాయకత్వం కలగలిపిన కృతి నటనతోనూ ఆకట్టుకుంది. ఇక ఈ అమ్మడికి వరుస సినిమాలు క్యూ కడుతున్నాయి. యంగ్ హీరోలంతా ఈ అమ్మడినే మొదటి ఛాయిస్ గా ఎంచుకుంటున్నారు. ప్రస్తుతం ఈ అమ్మడి చేతిలో మూడు నాలుగు సినిమాలున్నాయి. అయితే తాజాగా ఈ అమ్మడికి ఫస్ట్ ఫ్లాప్ ఎదురైంది. ఇటీవల ఈ చిన్నది ఎనర్జిటిక్ హీరో రామ్ సరసన ది వారియర్ అనే సినిమాలో నటించింది. లింగు స్వామి దర్శకత్వం వహించిన ఈ సినిమా తెలుగు , తమిళ్ భాషల్లో రిలీజ్ అయ్యింది. భారీ అంచనాల మధ్య విడుదలైన ఈ సినిమా బాక్సాఫీస్ దగ్గర బోల్తా కొట్టింది. రెండు భాషల్లో సినిమా నిరాశపరచడంతో ఇప్పుడు తన నెక్స్ట్ సినిమా పై ఫోకస్ పెట్టింది కృతి.
అయితే ఈ అమ్మడుకు ఆగస్టులో అగ్నిపరీక్ష అనే చెప్పాలి. తొలి ఫ్లాప్‌తో నిరాశలో ఉన్నకృతి నెక్స్ట్ యంగ్ హీరో నితిన్ తో మాచర్ల నియోజక వర్గం సినిమాలో నటిస్తుంది. ఇప్పటివరకు విడుదలైన ఈ సినిమా పోస్టర్లు,ట్రైలర్, టీజర్ ప్రేక్షకులను బాగానే ఆకట్టుకున్నాయి. అటు నితిన్ కూడా ఈ సినిమా పై ధీమాగా ఉన్నాడు. ఈ సినిమా తప్పకుండా విజయం సాధిస్తుందని చిత్రయూనిట్ చెప్తుంది. అలాగే కృతి నటిస్తున్న మరో సినిమా ఆ అమ్మాయి గురించి మీకు చెప్పాలి కూడా ఆగస్టు నెలలోనే విడుదలయ్యే అవకాశాలు కనిపిస్తున్నాయి. దాంతో ఈ అమ్మడు ఈ రెండు సినిమాలు ఎలాగైనా హిట్ అవ్వాలని కోరుకుంటుంది. ఒకవేళ సినిమాల రిజల్ట్ తారుమారు అయ్యిందంటే.. కృతి కెరీర్ డల్ అయ్యే ఛాన్స్ ఉందని అంటున్నారు సినీ విశ్లేషకులు. అటు తమిళ్ లోనూ ఈ అమ్మడు అదృష్టాన్ని పరీక్షించుకోనుంది. దర్శకుడు బాల, సూర్య కాంబినేషన్ లో వస్తున్న ‘అచలుడు’లో కృతిశెట్టి హీరోయిన్ గా ఎంపిక అయ్యింది. మరి ఆగస్టు నెల ఈ అమ్మడిని గట్టెక్కిస్తుందేమో చూడాలి.
View this post on Instagram
