Vijay Sethupathi : ‘సుక్కు సార్ ఒక్క ఛాన్స్’ .. క్రియేటివ్ డైరెక్టర్ కు మక్కల్ సెల్వన్ రిక్వెస్ట్….

మక్కల్ సెల్వన్ విజయ్ సేతుపతి ఈ పేరు ఇప్పుడు టాలీవుడ్ లో బాగా వినిపిస్తోంది. మెగాస్టార్ నటించిన సైరా సరసింహ రెడ్డి సినిమాలో విజయ్ సేతుపతి కీలక పాత్రలో నటించిన విషయం తెలిసిందే. తాజాగా ఆయన ‘ఉప్పెన’ సినిమాతో తెలుగు ప్రేక్షకులకు మరింత దగ్గర అవుతున్నారు. ఈ సినిమాలో సేతుపతి విలన్ గా కనిపించన్నారు. వైష్ణవ్ తేజ్ హీరో పరిచయం అవుతున్న ఉప్పెన సినిమాకు సుకుమార్ శిష్యుడు బుచ్చిబాబు సాన దర్శకత్వం వహిస్తున్నాడు. ఈ సినిమాలో కృతిశెట్టి హీరోయిన్ గా పరిచయం అవుతుంది.

తాజాగా ఈ సినిమా ప్రీ రిలీజ్ ఈవెంట్ హైదరాబాద్ లో జరిగింది. ఈ కార్యక్రమానికి మెగాస్టార్ చిరంజీవి ముఖ్య అతిధిగా హాజరయ్యారు. ఈ కార్యక్రమంలో విజయ్ సేతుపతి తెలుగులో మాట్లాడి ఆకట్టుకున్నారు. స్టోరీ కూడా తెలుగులోనే విన్నానని కథ డైలాగులు తనని ఆకట్టుకున్నాయని చెప్పాడు సేతుపతి. ఇక ఈవేదిక సందర్భంగా విజయ్ సేతుపతి సుకుమార్ డైరెక్షన్ లో ఒక ఛాన్స్ ఇవ్వమని అడిగారు. సుకుమార్ సినిమాలంటే చాలా ఇష్టమని, ఆయనకు చాలా పెద్ద అభిమానినని చెప్పారు విజయ్ సేతుపతి. మరి త్వరలోనే విజయ్ సేతుపతి సుకుమార్ సినిమాలో నటిస్తారేమో చూడాలి. ఇదిలా ఉంటే అల్లు అర్జున్ సుకుమార్ కాంబినేషన్ తెరకెక్కుతున్న పుష్ప సినిమా మొదటిగా విజయ్ సేతుపతి నటించాల్సి ఉంది. కానీ  అనుకోకుండా ఆ సినిమా నుంచి విజయ్ సేతుపతి తప్పుకున్నారని వార్తలు వచ్చాయి.