‘బిచ్చగాడు’ సీక్వెల్​కు కథను కూడా అందిస్తోన్న విజయ్​ ఆంటోని..!

చాలా నార్మల్ గా తమిళంతో పాటు తెలుగులోనూ రిలీజైన ‘బిచ్చగాడు’ సినిమా సంచ‌ల‌న విజ‌యం సాధించింది. నటుడు విజయ్ ఆంటోనికి ఈ సినిమాతో అమాంతం ఇమేజ్ పెరిగింది. 2016లో ప్రేక్షకుల ముందుకొచ్చిన ఊహికంద‌ని వ‌సూళ్ల‌ను కూడా సాధించింది. అమ్మ సెంటిమెంట్ సినిమా రేంజ్ ను ప‌తాక స్థాయికి తీసుకెళ్లింది. ఇప్పుడు ఇదే సినిమాకు త్వరలో సీక్వెల్ రాబోతుంది. అందుకోసం నటుడు విజయ్‌నే స్టోరీ రైట‌ర్ గా మారారు. ఈ విషయాన్ని తాజాగా జరిగిన ఓ ఇంటర్వ్యూలో ఆయ‌నే వెల్లడించారు.

“నాలుగు నెలల నుంచి సీక్వెల్‌ కోసం స్క్రిప్ట్​ రెడీ చేసే ప‌నిలో ఉన్నాను. ప్ర‌జంట్ స్క్రిప్ట్ ఫైన‌ల్ స్టేజీలో ఉంది​. త్వరలోనే న‌టీన‌టుల‌తో పాటు సాంకేతివర్గాన్ని వెల్లడిస్తా” అని విజయ్​ ఆంటోని తెలిపారు.

‘బిచ్చగాడు’ సినిమాకు దర్శకత్వం వహించిన శశి.. ప్రస్తుతం వేరే మూవీస్ తో బిజీగా ఉన్నారు. మ‌రి ఎవ‌రు ద‌ర్మ‌క‌త్వం వ‌హిస్తార‌నే విష‌యంపై క్లారిటీ రాలేదు. కాగా సీక్వెల్​కు కూడా విజయ్ ఆంటోనినే మ్యూజిక్ డైరెక్ట‌ర్ గా వ్యవహరించనున్నారు. ఇతడు ప్రస్తుతం ‘తమీజరాసన్‌’, ‘అగ్ని సిరగుగాల్‌’, ‘ఖాకీ’ చిత్రాలతో పాటు మరో మూడు సినిమాలలోనూ నటిస్తున్నాడు.