Megastar Chiranjeevi: మనవరాళ్లతో ‘పద్మ విభూషణ్’ చిరంజీవి.. క్యూట్ క్లింకారను చూశారా ?..

మెగాస్టార్ చిరంజీవికి అరుదైన గౌరవం దక్కిన సంగతి తెలిసిందే. 2024 పద్మ పురస్కారాల్లో భాగంగా చిరుకు కేంద్ర ప్రభుత్వం దేశంలోనే రెండో అత్యున్నత అవార్డు వరించింది. సినీ రంగంలో చేసిన సేవలకుగానూ ఆయనను పద్మ విభూషణ్ పురస్కారంతో సత్కరించింది. దీంతో చిరంజీవికి సోషల్ మీడియా వేదికగా అభినందనులు తెలియజేస్తున్నారు సినీ, రాజకీయ ప్రముఖులు. ఇప్పటికే తెలంగాణ మంత్రి కోమటిరెడ్డి వెంకట్ రెడ్డి స్వయంగా చిరును కలిసి అభినందనలు తెలిపారు. పునాదిరాళ్ల నుంచి ప్రారంభమైన ఆయన సినీ ప్రస్థానం రేపటి విశ్వంభర దాకా విజయవంతంగా సాగుతోందని పేర్కొన్నారు. రక్తదానం, నేత్రదానం ద్వారా కోట్లాది గుండెల్లో చిరస్థాయిగా నిలిచిపోయారని అన్నారు. అలాగే ఇప్పటికే స్టైలీష్ స్టార్ అల్లు అర్జున్, మెగా హీరో వరుణ్ తేజ్ జూబ్లీహిల్స్ లోని చిరు నివాసానికి చేరుకుని ఆయనకు శుభాకాంక్షలు తెలిపారు. అలాగే మెగా పవర్ స్టార్ రామ్ చరణ్, ఆయన సతీమణి ఉపాసన కొణిదెల చిరంజీవికి శుభాకాంక్షలు తెలిపారు.

ఈ క్రమంలో ఉపాసన కొణిదెల చిరంజీవికి అభినందనలు తెలుపుతూ అందమైన ఫోటో షేర్ చేసింది. “ఐదు బలమైన వేళ్లు కలిస్తేనే బలమైన పిడికిలి అవుతుంది. మా అందరికి ఆయన సినిమాల్లోనే కాదు దాతృత్వంలో కూడా. జీవితంలో నాన్నగా.. మామయ్యగా.. తాతయ్యగా ఉంటారు.. చిరుతని పద్మ విభూషణ్ తో సత్కరించారు” అంటూ ఐదుగురు మనవరాళ్లతో చిరు ఉన్న ఫోటోను షేర్ చేసింది.

View this post on Instagram

A post shared by Upasana Kamineni Konidela (@upasanakaminenikonidela)

అందులో సుష్మిత కొణిదెల, శ్రీజ కొణిదెల పిల్లలతోపాటు రామ్ చరణ్ కూతురు క్లింకార కూడా కనిపిస్తుంది. అయితే ఎప్పటిలాగే క్లింకార ముఖం కనిపించకుండా బ్లర్ చేశారు ఉపాసన. ప్రస్తుతం ఈ ఫోటో వైరలవుతుండగా.. అందరి చూపు క్లింకార పైనే ఉంది. మెగా ప్రిన్సెస్ ముఖాన్ని చూపించాలంటూ కామెంట్స్ చేస్తున్నారు ఫ్యాన్స్.

What you see are five fingers that form a powerful fist 👊 ❤️ Congrats to our inspiration, not just in cinema & philanthropy but in life – as a dad, father-in-law & granddad. Chirutha, honored with #PadmaVibhushan 🙏🙌 Love you 🥰 @KChiruTweets pic.twitter.com/3QHpuyPcxK

— Upasana Konidela (@upasanakonidela) January 26, 2024

మరిన్ని సినిమా వార్తల కోసం ఇక్కడ క్లిక్ చేయండి.