F3 Movie : మే 27న థియేటర్ లో నవ్వులే నవ్వులు.. సెన్సార్ కార్యక్రమాలు పూర్తి చేసుకున్న ఎఫ్3

విక్టరీ వెంకటేష్, మెగా ప్రిన్ వరుణ్ తేజ కలిసి నటిస్తున్న సినిమా ఎఫ్ 3. బ్లాక్ బస్టర్ దర్శకుడు అనిల్ రావిపూడి దర్శకత్వం వహించిన ఈ సినిమా త్వరలో ప్రేక్షకుల ముందుకు రానుంది.

Updated on: May 21, 2022 | 8:00 AM

విక్టరీ వెంకటేష్( venkatesh), మెగా ప్రిన్ వరుణ్ తేజ(varun tej) కలిసి నటిస్తున్న సినిమా ఎఫ్ 3(F3). బ్లాక్ బస్టర్ దర్శకుడు అనిల్ రావిపూడి దర్శకత్వం వహించిన ఈ సినిమా త్వరలో ప్రేక్షకుల ముందుకు రానుంది. గతంలో ప్రేక్షకులను కడుపుబ్బా నవ్వించిన ఎఫ్ 2 చిత్రానికి సిక్వెల్‏గా తెరకెక్కుతున్న ఈ మూవీ కోసం ప్రేక్షకులు ఆసక్తిగా ఎదురుచూస్తున్నారు. మిల్కీ బ్యూటీ తమన్నా, మెహ్రీన్ ఫిర్జాదా హీరోయిన్లుగా నటిస్తున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై నిర్మాత దిల్ రాజు సమర్పణలో శిరీష్ నిర్మిస్తున్నారు. ఎఫ్ 3 సినిమా ప్రపంచ వ్యాప్తంగా మే 27న ప్రేక్షకుల ముందుకు రానుంది. ఈ క్రమంలో ప్రమోషన్స్ స్పీడ్ పెంచారు చిత్రయూనిట్. ఇప్పటికే వరుసగా ఇంట్రవ్యూలు ఇస్తూ హీరోలు దర్శకుడు ఫుల్ బిజీగా ఉన్నారు.

తాజాగా ఈ సినిమా సెన్సార్ కార్యక్రమాలను పూర్తి చేసుకుంది. ఈ సినిమాకు సెన్సార్ బోర్డు క్లీన్ ‘U’ సర్టిఫికెట్ ఇచ్చింది. 2 గంటల 28 నిమిషాల నిడివితో ఈ చిత్రానికి క్లీన్ యూ ఇచ్చినట్టు సెన్సార్ బోర్డు సభ్యులు తెలిపారు. ఇటీవల రిలీజ్ చేయబడిన థియేట్రికల్ ట్రైలర్ అన్ని వర్గాల ప్రేక్షకులను ఆకట్టుకొని.. సినిమాపై అంచనాలను పెంచేసింది. అలాగే ఈ సినిమాలోని పాటలు కూడా ప్రేక్షకులను అలరించాయి. ఎఫ్ 3 సినిమాలో వెంకీకి నైట్ బ్లైండ్ నెస్ సమస్య ఉండగా.. వరుణ్ నత్తితో బాధపడుతుంటాడు. హీరోయిన్లు తమన్నా భాటియా – మెహ్రీన్ పాత్రలు కూడా వినోదభరితంగా ఉండనున్నాయని ట్రైలర్ చూస్తుంటే అర్ధమవుతుంది. ఇక ఈ సినిమా తప్పకుండ ప్రేక్షకులను ఆకట్టుకుంటుందని ధీమా వ్యక్తం చేస్తున్నారు చిత్రయూనిట్.

మరిన్ని ఇక్కడ చదవండి :

ఇవి కూడా చదవండి