నెటిజ‌న్ల హెల్ప్ కోరిన సింగ‌ర్ చిన్మయి..

ప్రముఖ గాయని, డైరెక్ట‌ర్ క‌మ్ యాక్ట‌ర్ రాహుల్ రవీంద్ర‌న్ భార్య చిన్న‌యి నెటిజన్లను ఓ సాయం కోరారు. తనపై అసభ్యకరంగా మీమ్స్‌ క్రియేట్‌ చేస్తోన్న పేజీల ఇన్ప‌ర్మేష‌న్ ఇవ్వాలని అడిగారు. “మీ అందరి నుంచి ఓ సాయం కోరుతున్నా. మీరు మీమ్‌ పేజీల ఫాలో అవుతున్న‌ట్లైతే నా గురించి త‌ప్పుగా ఏమైనా మీమ్స్‌, కామెంట్స్ చూసి ఉంటే ఆ స్క్రీన్‌షార్ట్స్‌ పంపించండి. మీ వివరాలను నేను ఎక్కడా రివీల్ చెయ్య‌ను. తెలుగు సామాజిక మాధ్య‌మాల‌ మీమ్స్‌ పేజీలను ఎక్కువగా నేను అనుస‌రించ‌ను. దీనితో పాటు ఇత‌ర‌ నటీమణుల గురించి ఏమైనా ఇబ్బందిక‌ర‌ సమాచారం చూస్తే అది కూడా పంపించండి. థ్యాంక్స్” అని చిన్మయి పేర్కొంది. దీంతో పలువురు నెటిజన్లు ఆమెకు కొన్ని స్క్రీన్​షార్ట్స్​ తీసి‌ పంపిస్తుండ‌గా… వాటిని ఆమె ఇన్‌స్టా స్టోరీస్‌లో పోస్ట్‌ చేస్తున్నారు.

ఎన్నో చిత్రాల్లో విన‌సొంపైన‌ పాటలు పాడి చిన్మయి శ్రోత‌ల‌ను అలరించారు. గాయనిగానే కాకుండా సమంత నటించిన చాలా సినిమాల‌కు ఆమె డబ్బింగ్‌ చెప్పారు. సమంత హీరోయిన్ గా ఇంట్ర‌డ్యూస్ అయిన‌ ‘ఏ మాయ చేసావె’ చిత్రానికి గాను 2010లో బెస్ట్‌ ఫిమేల్‌ డబ్బింగ్‌ ఆర్టిస్ట్‌గా నంది అవార్డు అందుకున్నారు చిన్మయి.