Sai Pallavi: అందుకే మేకప్ వేసుకోను.. అసలు రీజన్ రివీల్ చేసిన సాయి పల్లవి
లేడీ పవర్ స్టార్ సాయి పల్లవి గురించి చెప్పేది ఏముంది. ఆమె అద్భుతమైన నటి. అందానికి అందం. ఇక డ్యాన్స్ విషయంలో అయితే చెప్పాల్సిన పనిలేదు. నెమలి మాదిరిగా నాట్యం చేస్తుంది.
Updated on: Apr 02, 2023 | 3:02 PM
సాయి పల్లవి.. తెలుగు నాట సారీ.. సారీ సౌత్ ఇండియాలో భారీ ఫ్యాన్ ఫాలోయింగ్ ఉన్న నటి. తమిళ అమ్మాయి అయినప్పటికీ.. మనవాళ్లు బాగా ఓన్ చేసుకున్నారు. ఎంతలా అంటే లేడీ పవర్ స్టార్ అని బిరుదు ఇచ్చేలా. మన భాష నేర్చుకోవడం కాదు.. మాండళికాలు కూడా నేర్చుకుని అందర్నీ ఆశ్చర్యపరచడం ఈమె స్టైల్. ఇక డ్యాన్స్ గురించి చెప్పేది ఏముంది. ఇండియాలో ఒకానొక ఫైనెస్ట్ డ్యాన్సర్. పాత్ర నచ్చితే ప్రాణం పెడుతుంది సాయి పల్లవి. నచ్చుకుంటే అది సూపర్ స్టార్ సినిమా అయినా, పవర్ స్టార్ సినిమా అయినా నో చెప్పేస్తుంది. తెలుగులో ఆమె నటించిన ఫిదా, మిడిల్ క్లాస్ అబ్బాయ్, శ్యామ్ సింగరాయ్ సినిమాలు మంచి విజయాలు సాధించాయి.
కాగా సాయి పల్లవిని జనాలు అంతగా ఓన్ చేసుకోడానికి మరో కారణం.. తన పక్కింటి పిల్లలా అనిపించడం. అవును అస్సలు ఓవరాక్షన్ చెయ్యదు. ఆమె ధరించే దుస్తులు కూడా చాలా సాధాసీదాగా ఉంటాయి. ఇక మేకప్ అంటే ఏమిటో కూడా ఈ అమ్మడుకు తెలీదు. ఆఫ్ స్క్రీన్ మాత్రమే కాదు.. ఆన్ స్క్రీన్‌పై కూడా ఆమె మేకప్ వేసుకోదు. అయితే తాను మేకప్ ఎందుకు వేసుకోదో తాజాగా రివీల్ చేసింది సాయి పల్లవి.
‘నేను చిన్నప్పటి నుంచి చాలా ఇబ్బందిగా ఫీల్‌ అయ్యేదాన్ని. నా వాయిస్‌ బాగోదు, మొహంపై మొటిమలు ఇలా చాలా విషయాలు నన్ను భయపెట్టేవి. ఫస్ట్ నుంచి నేను పెద్దగా మేకప్ వాడలేదు. నా ఫస్ట్ మూవీ ప్రేమమ్‌లో కూడామేకప్‌ లేకుండా నటించా. ఆడియెన్స్ ఎలా రిసీవ్‌ చేసుకుంటారో అని చాలా ఆందోళన చెందా. కానీ చిత్రం విడుదల తర్వాత నన్ను నన్నుగా అందరూ లైక్ చేశారు. నాపై జనం చూపించిన ప్రేమను చూసి మరింత ఆత్మవిశ్వాసం వచ్చింది. అందుకే అప్పట్నుంచి మూవీస్‌లో మేకప్ లేకుండానే నటించాలనుకున్నా. దర్శకులు కూడా ఆ విషయంలో నన్ను ఎప్పుడూ మేకప్ వేసుకోవాలని ఇబ్బంది పెట్టలేదు’ అంటూ చెప్పుకొచ్చింది.
మరిన్ని సినిమా వార్తల కోసం ఇక్కడ క్లిక్ చేయండి.
