Rajinikanth: ‘అంత ప్రేమ ఉంటే ఫ్యాన్స్‌ను ఇంట్లోకి పిలిపించుకోండి’.. రజనీపై వృద్ధురాలి ఫైర్.. వీడియో
పుట్టిన రోజు, పండగలు, ప్రత్యేక సందర్భాల్లో అభిమానులు రజనీ ఇంటి ముందు సందడి చేస్తుంటారు. తమ హీరోను ఒక్కసారైనా చూసి వెళ్లిపోవాలని ఉవ్విళ్లూరుతుంటారు. తలైవా కూడా అభిమానులను నిరాశపర్చకుండా ఇంటి బయటకు వచ్చి అందరికీ అభివారం చేసి మాట్లాడుతుంటారు.
Updated on: Jan 17, 2024 | 9:39 AM
సూపర్‌ స్టార్‌కు రజనీకాంత్ కు దేశవ్యాప్తంగా అభిమానులు ఉన్నారు. ముఖ్యంగా తమిళనాట అయితే తలైవాకు మిలియన్ల కొద్దీ ఫ్యాన్స్ ఉన్నారు. పుట్టిన రోజు, పండగలు, ప్రత్యేక సందర్భాల్లో అభిమానులు రజనీ ఇంటి ముందు సందడి చేస్తుంటారు. తమ హీరోను ఒక్కసారైనా చూసి వెళ్లిపోవాలని ఉవ్విళ్లూరుతుంటారు. తలైవా కూడా అభిమానులను నిరాశపర్చకుండా ఇంటి బయటకు వచ్చి అందరికీ అభివారం చేసేసి వెళ్లిపోతారు. సంక్రాంతి సందర్భంగా సోమవారం (జనవరి 15) కూడా రజనీ ఇంటి వద్ద ఇలాంటి పరిస్థితే నెలకొంది. చెన్నైలోని పోయెస్‌ గార్డ్‌లో సూపర్‌ స్టార్‌ ఇంటి ముంగిట ఉదయాన్నే వేలాది మంది అభిమానులు బారులు తీరారు. దీంతో ఎప్పటిలాగానే రజనీ బయటకు వచ్చి అభివాదం చేశారు. అందరికీ సంక్రాంతి శుభాకాంక్షలు తెలిపారు. అందరూ ఆరోగ్యంగా, సంతోషంగా ఉండాలని దేవుడిని కోరుకుంటున్నానన్నారు. నిబద్ధత, నిజాయతీతో నడుచుకోవాలని, అప్పుడే జీవితం ప్రశాంతంగా సాగుతుందని అభిమానులకు సూచించారు.
తమ అభిమాన హీరో బయటకు రావడం, తమల్ని పలకరించడంతో రజనీ ఫ్యాన్స్ పులకించిపోయారు. ‘ తలైవా తలైవా’ అంటూ గట్టిగా నినాదాలు చేశారు. దీంతో రజనీ ఇంటి చుట్టుపక్కల వాతావరణం సందడి సందడిగా మారిపోయింది. ఇదే రజనీకాంత్ పక్కింట్లో ఉండే ఒక ముసలావిడకు ఆగ్రహం తెప్పించింది. ‘ ఇదేం లొల్లి.. ప్రశాంతంగా పండగను కూడా సెలబ్రేట్‌ చేసుకోనివ్వరా’ అంటూ ఫైర్ అయ్యారు. అక్కడ ఉండే సెక్యూరిటీ సిబ్బంది, అభిమానులతో వాగ్వాదానికి దిగారు. ‘ఏం మీ (రజనీకాంత్) ఇంటి ద్వారాలు తెరిచి వారిని లోనికి పిలిపించుకోవచ్చుగా. మేం కూడా ఇంటి పన్ను కడుతున్నాం. అయినా ఎలాంటి ప్రయోజనం లేకుండా పోయింది. అభిమానులు ఇలా మా ఇంటి ముందు నిలబడి కేకలు వేసి మమ్మల్ని ఇబ్బందులకు గురి చేస్తున్నారు. ప్రశాంతంగా దేవుడిని కూడా ప్రార్థించలేకపోతున్నాం’ అంటూ మండిపడ్డారామె. దీనికి సంబంధించిన వీడియో ప్రస్తుతం సామాజిక మాధ్యమాల్లో వైరల్‌ అవుతోంది.
ரஜினி வீட்டின் முன் குவிந்த ரசிகர்களிடம் வாக்குவாதம் செய்த பக்கத்து வீட்டுக்காரர் #Rajinikanth pic.twitter.com/MuslZRaqlC
— Ananth Vijay (@Ananth_Vijay01) January 15, 2024
అయోధ్య నుంచి రజనీకి అందిన ఆహ్వానం..
எனது வாழ்நாளில் கிடைத்த அரும்பாக்கியமாக இன்றைய நிகழ்வு அமைந்தது!
நம் அன்பு தலைவர் திரு. @rajinikanth அவர்களை அவரது இல்லத்தில் சென்று அயோத்தி, ராம ஜன்மபூமி தீர்த்த க்ஷேத்ரா சார்பில் அவரது குடும்பத்தினரையும் ஜனவரி 22 ம்தேதி அயோத்தி கும்பாபிஷேக நிகழ்வுக்கு வரவேண்டி ஆர்.எஸ்.எஸ்… pic.twitter.com/UcHakkRdLW
— Ra.Arjunamurthy | ரா.அர்ஜூனமூர்த்தி (@RaArjunamurthy) January 2, 2024
అమితాబ్ తో రజనీకాంత్..
After 33 years, I am working again with my mentor, the phenomenon, Shri Amitabh Bachchan in the upcoming Lyca’s “Thalaivar 170” directed by T.J Gnanavel. My heart is thumping with joy!@SrBachchan @LycaProductions @tjgnan#Thalaivar170 pic.twitter.com/RwzI7NXK4y
— Rajinikanth (@rajinikanth) October 25, 2023
మరిన్ని సినిమా వార్తల కోసం ఇక్కడ క్లిక్ చేయండి
