Jailer: జైలర్ సినిమా హిట్ అయ్యిందంటే అందుకు కారణం అతడే.. సూపర్ స్టార్ ఇంట్రెస్టింగ్ కామెంట్స్

సూపర్ స్టార్ రజినీకాంత్ నటించిన జైలర్ సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. చాలా కాలంగా సక్సెస్ లేక సతమతం అవుతున్న సూపర్ స్టార్ జైలర్ సినిమాతో భారీ విజయాన్ని అందుకున్నారు. నెల్సన్ దిలీప్ దర్శకత్వంలో తెరకెక్కిన ఈ సినిమా బాక్సాఫీస్ దగ్గర భారీ విజయాన్ని సొంతం చేసుకోవడంతో పాటు కలెక్షన్స్ కూడా అదే రేంజులో సాధించింది ఈ సినిమా. జైలర్ సినిమా బాక్సాఫీస్ వద్ద700 కోట్లకు పైగా సొంతం చేసుకుంది. ఇక జైలర్ సినిమా ఓటీటీలోనూ దుమ్మురేపుతోంది. ఇటీవల అమెజాన్ ప్రైమ్ వీడియోలో జైలర్ సినిమా విడుదలైంది.  అక్కడ కూడా రికార్డులు క్రియేట్ చేస్తోంది జైలర్ . ఇక ఈ సినిమా సక్సెస్ అవ్వడంతో చిత్ర నిర్మాత కళానిధి మారన్ రజినీకాంత్, నెల్సన్, అనిరుధ్ కు కాస్ట్లీ గిఫ్ట్స్ ను అందించారు. తాజాగా జైలర్  సినిమా సక్సెస్ మీట్ ను ఏర్పాటు చేశారు మేకర్స్. ఈ ఈ ఈవెంట్ లో సూపర్ స్టార్ రజినీ మాట్లాడుతూ ఆసక్తికర కామెంట్స్ చేశారు.

తాజాగా ‘జైలర్’ సినిమా సక్సెస్ మీట్ జరిగింది. ఈ సందర్భంగా రజనీకాంత్ మాట్లాడుతూ.. సంగీత దర్శకుడు అనిరుధ్ పై ప్రశంసలు కురిపించారు. సినిమా విజయానికి సంగీత దర్శకుడు అనిరుధ్ రవిచందర్ కారణమని ఆయన అన్నారు. సినిమా సూపర్ హిట్ అవ్వడానికి అనిరుధ్ ఇచ్చిన బీజీఎం కారణమని అన్నారు సూపర్ స్టార్. నేనే కాదుసినిమా చుసిన ప్రేక్షకులు కూడా ఇదే అభిప్రాయాన్ని వ్యక్తం చేశారు. ‘నిజం చెప్పాలంటే రీరికార్డింగ్‌కి ముందు సినిమా చూసినప్పుడు అంతగా నిపించలేదు. యావరేజ్‌గా ఉందనిపించింది. మ్యూజిక్ యాడ్ అయిన తర్వాత సినిమా నెక్స్ట్ లెవల్ కు వెళ్ళింది అన్నారు. తన మ్యూజిక్ తో అనిరుధ్ సినిమాను ఉన్నత స్థాయికి తీసుకెళ్లాడు. దీన్ని సవాల్‌గా తీసుకున్నాడు. నా సినిమా హిట్ అవ్వాలన్నదే అతని కోరిక’ అని రజనీకాంత్ అన్నారు.

ప్రస్తుతం రజనీకాంత్‌ వయసు 72.  జైలర్ సినిమాలో యాక్షన్ సీన్స్ అదిరిపోతాయి కానీ రజినీకాంత్ ఫైట్ చేయరు.  అయితే అనిరుధ్ ఇచ్చిన బీజీఎం సినిమాకి కొత్త ఎనర్జీని ఇచ్చింది. జైలర్ సినిమా భారీ విజయానికి అనిరుధ్ సంగీతమే కారణం అని ప్రేక్షకులంతా అభిప్రాయం వ్యక్తం చేశారు. ఇప్పుడు రజనీకాంత్ కూడా ఇదే మాట చెప్పారు. అంతే కాదు అనిరుధ్‌ని రజనీ నా కొడుకు అని అన్నారు. ఇక జైలర్ సినిమాలో శివరాజ్‌కుమార్, మోహన్‌లాల్, జాకీష్రాఫ్ , సునీల్ అతిథి పాత్రల్లో కనిపించారు. తమన్నా స్పెషల్ రోల్ తో పాటు ఓ స్పెషల్ సాంగ్ కూడా చేసింది.

View this post on Instagram

A post shared by Sun Pictures (@sunpictures)

మరిన్ని సినిమా వార్తల కోసం ఇక్కడ క్లిక్ చేయండి.