Game Changer: చరణ్ కోసం రంగంలోకి ఆ స్టార్ డైరెక్టర్.. గేమ్ ఛేంజర్ ప్రీ రిలీజ్ ఈవెంట్‌కు గెస్ట్ ఫిక్స్..
మెగా పవర్ స్టార్ రామ్ చరణ్ ప్రస్తుతం గేమ్ ఛేంజర్ చిత్రంలో నటిస్తోన్న సంగతి తెలిసిందే. డైరెక్టర్ శంకర్ దర్శకత్వం వహిస్తున్న ఈ చిత్రంలో కియారా అద్వానీ, అంజలి, శ్రీకాంత్ కీలకపాత్రలు పోషించారు. ఇప్పటికే రిలీజ్ అయిన టీజర్, సాంగ్స్ ఆకట్టుకున్నాయి. త్వరలోనే ఈ మూవీ అడియన్స్ ముందుకు రానుంది.
సంచనాలకు కేరాఫ్‌గా మారిన గ్లోబ‌ల్ స్టార్ రామ్ చరణ్ క‌థానాయ‌కుడిగా స్టార్ డైరెక్టర్ శంకర్ దర్శకత్వం వహించిన సినిమా గేమ్ ఛేంజర్. భారీ బడ్జెట్తో ఈ సినిమాను శ్రీమ‌తి అనిత స‌మ‌ర్పణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ అన్‌కాంప్రమైజ్డ్‌గా నిర్మిస్తున్నారు. తెలుగు, త‌మిళ, హిందీ భాష‌ల్లో ఈ మూవీ జ‌న‌వ‌రి 10న ప్రపంచ వ్యాప్తంగా రిలీజ్ అవుతోంది. ఓ వైపు అభిమానులు, మ‌రోవైపు సినీ ప్రేక్షకులు ఈ సినిమా కోసం ఎంతో ఆతృత‌గా ఎదురు చూస్తోన్నారు. ఈ సినిమా పై అంచ‌నాలు రోజు రోజుకీ పెరుగుతున్నాయి. ఈ ఎక్స్‌పెక్టేష‌న్స్‌కు నెక్ట్స్ రేంజ్‌లో తీసుకెళ్లేలా ప్రమోష‌న‌ల్ స్ట్రాట‌జీతో మేక‌ర్స్ ప్లానింగ్ చేస్తూ అడుగులు వేస్తున్నారు.
ఈ క్రమంలో ‘గేమ్ ఛేంజర్’ ఇండియ‌న్ సినీ హిస్టరీలో ఇప్పటి వ‌ర‌కు మ‌రే సినిమా చేయ‌ని అద్భుతాన్ని ఆవిష్కరించ‌నుంది. డిసెంబ‌ర్ 21న అమెరికాలో ‘గేమ్ ఛేంజర్’ ప్రీ రిలీజ్ ఈవెంట్ అత్యంత భారీగా జ‌ర‌గ‌నుంది. డ‌ల్లాస్‌లోని క‌ర్టిస్ క‌ల్‌వెల్ సెంట‌ర్‌, 4999 నామ‌న్ ఫారెస్ట్‌, గార్‌లాండ్ టి.ఎక్స్ 75040 వేదిక‌గా జ‌ర‌గ‌నున్న ఈ ఈ ప్రీ రిలీజ్ ఈవెంట్‌కు బ్లాక్ బ‌స్ట‌ర్ డైరెక్టర్ సుకుమార్ ముఖ్య అతిథిగా హాజ‌ర‌వుతున్నారు. రంగ‌స్థలం వంటి ఇండ‌స్ట్రీ హిట్ త‌ర్వాత రామ్ చరణ్, సుకుమార్ కాంబోలో RC17 రూపొంద‌నుంది. ఈ నేప‌థ్యంలో ఛరిష్మా డ్రీమ్స్‌ రాజేష్ కల్లెపల్లి ఆధ్వర్యంలో ..డ‌ల్లాస్‌లో జ‌ర‌గ‌బోతున్న గేమ్ ఛేంజర్ మూవీ ప్రీ రిలీజ్ ఈవెంట్‌కు సుకుమార్ ముఖ్య అతిథిగా హాజ‌ర‌వుతుండ‌టం విశేషం. యు.ఎస్‌లో ఓ తెలుగు సినిమాకు ఇప్పటి వ‌ర‌కు జ‌ర‌గ‌లేదు..జ‌ర‌గ‌బోదు అనేంత భారీ స్థాయిలో గేమ్ ఛేంజర్ ప్రీ రిలీజ్ వేడుక‌ను నిర్వహించ‌బోతుండ‌టం ఇప్పుడు ఇండ‌స్ట్రీ వ‌ర్గాల్లో హాట్ టాపిక్‌గా మారింది.
ఇప్పటి వ‌ర‌కు సినిమా నుంచి విడుద‌లైన పోస్టర్స్‌, ‘జరగండి జరగండి.. ’, ‘రా మచ్చా రా..’, ‘నా నా హైరానా’ సాంగ్స్‌కు, టీజ‌ర్‌కు ఎక్స్‌ట్రార్డిన‌రీ రెస్పాన్స్ వ‌చ్చింది. లార్జ‌ర్ దేన్ లైఫ్ సినిమాల‌ను తెర‌కెక్కించే డైరెక్టర్ శంకర్ ద‌ర్శక‌త్వంలో రూపొందుతోన్న ‘గేమ్ ఛేంజర్’ మూవీని ఎప్పుడెప్పుడు చూద్దామా అని అభిమానులు, సినీ ప్రేక్షకులు ఎంతో ఆస‌క్తిగా ఎదురు చూస్తున్నారు. రామ్ చరణ్ ఈ చిత్రంలో రెండు ప‌వ‌ర్‌ఫుల్ పాత్రల్లో మెప్పించ‌నున్నారు. కార్తీక్ సుబ్బరాజ్ కథను అందించారు. ఎస్‌.యు.వెంక‌టేశ‌న్‌, వివేక్ రైట‌ర్స్‌గా వ‌ర్క్ చేశారు.
Vijay Sethupathi: విజయ్ సేతుపతి ఇన్ స్టాలో ఫాలో అవుతున్న ఏకైక హీరోయిన్.. ఎవరో తెలుసా..?
Tollywood : గ్యాంగ్‌స్టర్‌తో ప్రేమలో పడి కెరీర్ నాశనం చేసుకున్న హీరోయిన్.. ఇండస్ట్రీకి దూరం..
Actress Gajala: వాసి వాడి తస్సాదియ్యా.. అందాలతో హార్ట్ ఎటాక్ తెప్పిస్తోన్న ఎన్టీఆర్ హీరోయిన్..
మరిన్ని సినిమా వార్తల కోసం ఇక్కడ క్లిక్ చేయండి.