Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Hi Nanna: నా సినిమాను కాపీ కొట్టారు.. నాని హాయ్ నాన్న పై నిర్మాత షాకింగ్ కామెంట్స్

దసరా వంటి బ్లాక్‌ బస్టర్‌ హిట్‌ తర్వాత న్యాచురల్ స్టార్‌ నాని నటించిన చిత్రం హాయ్‌ నాన్న. డైరెక్టర్ శౌర్యువ్ తెరకెక్కించిన ఈ ఫీల్ గుడ్ ఎంటర్‌టైనర్‌లో సీతారామం బ్యూటీ మృణాళ్‌ ఠాకూర్‌ హీరోయిన్‌గా నటించింది. శ్రుతి హాసన్‌ మరో కీలక పాత్రలో మెరిసింది. 2023 డిసెంబర్‌ 7న థియేటర్లలో విడుదలైన హాయ్‌ నాన్న సినిమా సూపర్‌ హిట్‌గా నిలిచింది.

Hi Nanna: నా సినిమాను కాపీ కొట్టారు.. నాని హాయ్ నాన్న పై నిర్మాత షాకింగ్ కామెంట్స్
Hi Nanna
Follow us
Rajeev Rayala

|

Updated on: Jan 31, 2025 | 10:18 AM

నేచురల్ స్టార్ నాని.. ప్రస్తుతం వరుస సినిమాలతో ఫుల్ బిజీగా ఉన్నారు. రీసెంట్ డేస్ లో నాని నటించిన మూడు సినిమాలు బ్లాక్ బస్టర్స్ గా నిలిచాయి. దసరా సినిమాతో మొదలు పెడితే మొన్నీమధ్య వచ్చిన సరిపోదా శనివారం వరకు బ్యాక్ టు బ్యాక్ హిట్స్ అందుకున్నారు. ఇక ఇప్పుడు హిట్ 3 సినిమాతో ప్రేక్షకుల ముందుకు రానున్నాడు. ఇదిలా ఉంటే నాని నటించిన హాయ్ నాన్న సినిమా దాదాపు ఏడాది తర్వాత వివాదంలో చిక్కుకుంది. నాని నటించిన హాయ్ నాన్న సినిమా ఎమోషనల్ ఎంటర్టైనర్ గా వచ్చి సూపర్ హిట్ అయ్యింది. శౌర్యవ్ దర్శకత్వంలో తెరకెక్కిన ఈ సినిమా ప్రేక్షకులను అలరించింది. మృణాల్ ఠాకూర్ హీరోయిన్ గా నటించిన ఈ సినిమా ఎమోషనల్ డ్రామాగా తెరకెక్కింది. ఈ సినిమాలో నాని మరోసారి తన నటనతో ప్రేక్షకులను అలరించాడు.

థియేటర్స్ లో మంచి విజయాన్ని అందుకున్న ఈ సినిమా ఓటీటీలోనూ మంచి ఆదరణ లభించింది. నాని కెరీర్ లో 30వ సినిమాగా వచ్చిన హాయ్ నాన్న సినిమా పాన్ ఇండియా మూవీగా తెరకెక్కింది. విడుదలైన అన్ని భాషల్లో హాయ్ నాన్న సినిమా మంచి టాక్ ను సొంతం చేసుకుంది. అయితే ఈ సినిమా ఇప్పుడు వివాదంలో చిక్కుకుంది. ఈ సినిమా కథ కాపీ అంటూ ఓ నిర్మాత ఆరోపణలు  చేశారు.

కథను కాపీ కొట్టి ‘హాయ్‌ నాన్న’ సినిమాని రూపొందించారని కన్నడ నిర్మాత పుష్కర మల్లికార్జునయ్య షాకింగ్ కామెంట్స్ చేశారు. తాను నిర్మించిన భీమ సేన నలమహారాజు కథను కాపీకొట్టి హాయ్ నాన్న సినిమా చేశారని కన్నడ నిర్మాత ఆరోపించారు. రీమేక్ హక్కులు కొనుగోలు చేయకుండానే ఇలా తన సినిమాను కాపీ చేసి ఎలా సినిమా చేస్తారు అంటూ ఆయన సోషల్ మీడియాలో పోస్ట్ చేశారు. ఇంత నీచమైన పనులు ఎలా చేస్తారో అర్థం కాదని సోషల్ మీడియాలో ఆరోపిస్తూ.. హీరో నానిని ట్యాగ్ చేశారు నిర్మాత పుష్కర మల్లికార్జునయ్య. దీని పై హాయ్ నాన్న టీమ్ ఎలా స్పందిస్తుందో చూడాలి. కాగా ఈ ఆరోపణల పై నాని అభిమానులు రకరకాల కామెంట్స్ చేస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి