నేను గనుక నోరు విప్పితే.. దర్శకుడికి ప్రియా వార్నింగ్

మలయాళ చిత్రం ఒరు ఆధార్ లవ్‌కు విడుదలకు ముందే క్రేజ్ రావడానికి కారణం ప్రియా ప్రకాశ్ వారియర్. ఈ మూవీ నుంచి విడుదలైన ఓ పాటలో కన్నుగీటే సన్నివేశం అందరినీ ఆకట్టుకోవడంతో ఆ సినిమాపై అంచనాలు భారీగా పెరిగాయి. అయితే విడుదల తరువాత సినిమా పరాజయాన్ని మూటగట్టుకుంది. దీంతో ప్రియ వలనే ఇలా జరిగిందంటూ దర్శకుడు ఒమర్ లులూ ఆరోపణలు చేశాడు. ఆమె వీడియో వైరల్ అవ్వడం వల్లే సినిమా స్క్రిప్ట్‌లో మార్పులు చేయాల్సి వచ్చిందని, అందుకే తన మూవీ పరాజయం పాలైందని ఒమర్ అన్నాడు. అంతేకాకుండా క్రేజ్ వచ్చిన తరువాత ప్రియ తనకు కనీస మర్యాద కూడా ఇవ్వలేదని పేర్కొన్నాడు.

దీంతో ఈ వ్యాఖ్యలపై ప్రియా తీవ్రస్థాయిలో స్పందించింది. తాను గనుక నోర్పు విప్పితే విమర్శలు చేసేవారి పరువు ఏమవుతుందో ఆలోచించుకోవాలని హెచ్చరించింది. అసలేం జరిగిందో బయటపెడితో ఎవరికీ పేరు ప్రతిష్టలు మిగలవని స్పష్టం చేసింది. తాను కర్మ సిద్ధాంతాన్ని నమ్ముతానని తనపై వస్తున్న విమర్శలన్నింటికీ కాలమే సమాధానం చెబుతుందని పేర్కొంది.