Mangalavaram: ఓటీటీలోకి వచ్చేసిన ‘మంగళవారం’.. ఎక్కడ స్ట్రీమింగ్ అవుతుందో తెలుసా ?..

తొలి సినిమాతోనే నెగిటివ్ షేడ్స్ ఉన్న పాత్రలో నటించి అదరగొట్టేసింది హీరోయిన్ పాయల్ రాజ్ పుత్. ఆర్ఎక్స్ 100 సినిమాతో ఓవర్ నైట్ స్టార్ అయిపోయింది. గ్లామర్, నటనతో మెప్పించింది. కానీ ఆ తర్వాత తెలుగులో అంతంగా అవకాశాలు రాలేదు. ఈ ముద్దుగుమ్మ నటించిన సినిమాలు బాక్సాఫీస్ వద్ద ప్రేక్షకులను అలరించలేకపోయాయి. ఇక ఇటీవలే మంగళవారం సినిమాలో సరికొత్త ప్రయోగం చేసింది. ఇన్నాళ్లు కథానాయికగా గ్లామరస్ పాత్రలే ఎంచుకున్న పాయల్.. ఇప్పుడు హారర్, థ్రిల్లర్ కంటెంట్‏తో అడియన్స్ ముందుకు వచ్చింది. ఇటీవల పాయల్ ప్రధాన పాత్రలో నటించిన సినిమా ‘మంగళవారం’. ఆర్ఎక్స్ 100 సినిమాతో సెన్సేషన్ క్రియేట్ చేసిన డైరెక్టర్ అజయ్ భూపతి ఈ చిత్రానికి దర్శకత్వం వహించారు. ఈ సినిమా థియేటర్లలో నవంబర్ 17న విడుదలైంది. కానీ అదే సమయంలో క్రికెట్ వరల్డ్ కప్ ఫైనల్ ఉండడంతో ఈ చిత్రానికి అంతగా రెస్పాన్స్ రాలేదు. అయితే ఈ సినిమాను చూసిన కొందరు అడియన్స్ మాత్రం పాజిటివ్ రివ్యూస్ ఇచ్చారు. ఇక ఇప్పుడు ఈసినిమా ఓటీటీలోకి వచ్చేసింది.

ప్రముఖ ఓటీటీ ప్లాట్ ఫాం డిస్నీ ప్లస్ హాట్ స్టార్‎లో ఈ సినిమా స్ట్రీమింగ్ అవుతుంది. ఇక థియేటర్లలో ఈ సినిమా మిస్ అయినవారు ఇప్పుడు ఇంట్లోనే ఈ హారర్ థ్రిల్లర్ మూవీని చూసేయ్యోచ్చు. తెలుగుతోపాటు తమిళం, కన్నడ, మలయాళం భాషలలోనూ ఈ సినిమా స్ట్రీమింగ్ అవుతుంది. విలేజ్ బ్యాక్ డ్రాప్ కి తోడు హారర్ థ్రిల్లర్ కాన్సెప్ట్ కావడంతో ఈ సినిమా థియేటర్లలో మాత్రం హిట్ అయ్యింది. ఇందులో మరోసారి తన నటనతో విమర్శకుల ప్రశంసలు అందుకుంది పాయల్.

సినిమా కథ విషయానికి వస్తే..

ఓ గ్రామంలో వరుసగా మరణాలు సంభవిస్తుంటాయి. అవి కూడా కేవలం మంగళవారం మాత్రమే జరుగుతుంటాయి. ఆ మరణాలకు కారణం అక్రమ సంబంధం అని ఊరి ప్రజలు అనుకుంటారు. కానీ అవి ఆత్మహత్యలు కాదు హత్యలు అని పోలీసులకు అనుమానం కలుగుతుంది. ఈ హత్యలకు హీరోయిన్ పాయల్ రాజ్ పుత్ కు ఉన్న సంబంధమేంటీ అనేది మంగళవారం సినిమా కథ. ఇందులో నందిత శ్వేత, అజ్మల్ అమీర్, దివ్య పిళ్లై, రవీంద్ర విజయ్ కీలకపాత్రలు పోషించారు. ఈ చిత్రానికి అజ్నీష్ లోక్ నాథ్ సంగీతం అందించారు.

🔥 Streaming Alert !!

🎃 #Mangalavaaram (2023) – An Indian Multilingual Psychological Horror Mystery Thriller Drama Film 🤩

💫 IMDb Rating :- 7.1/10

🌟 Now Streaming On Disney+ Hotstar In #Telugu, #Tamil, #Kannada & #Malayalam !!

Follow: @Webseries0 pic.twitter.com/9TGTNn32wK

— Webseries Lovers 2.0 (@Webseries0) December 26, 2023

మరిన్ని సినిమా వార్తల కోసం ఇక్కడ క్లిక్ చేయండి.