Pawan Kalyan: అమ్మబాబోయ్ అన్ని లక్షలా..! పవన్ కళ్యాణ్ వాచ్ ధర తెలిస్తే నోరెళ్లబెట్టాల్సిందే..

పవర్ స్టార్ పవన్ కళ్యాణ్ సినిమా కోసం ఆయన అభిమానులు వేయి కళ్ళతో ఎదురుచూస్తున్నారు. కొంతకాలం సినిమాలకు చిన్న గ్యాప్ ఇచ్చిన పవన్.. ఆ తర్వాత సినిమాలతో బిజీ అయ్యారు. వకీల్ సాబ్, భీమ్లానాయక్ సినిమాలతో ప్రేక్షకులను అలరించిన పవన్.. ఇప్పుడు వరుస సినిమాలతో ప్రేక్షకులను అలరించడానికి రెడీ అవుతున్నారు. క్రిష్ దర్శకత్వంలో హరిహరవీరమల్లు సినిమాలో నటిస్తున్నాడు పవన్.. ప్రస్తుతం ఈ మూవీ షూటింగ్ చివరిదశలో ఉంది. ఈ సినిమా ప్రిరియాడికల్ డ్రామాగా రూపొందుతోంది. ఈ సినిమాలో పవన్ బందిపోటుగా కనిపించనున్నాడు. ఇక ఈ సినిమాతో పాటు రీసెంట్ గా సుజిత్ దర్శకత్వంలో ఓజి అనే సినిమాను ఓకే చేశారు పవర్ స్టార్. సాహో సినిమాతో ప్రేక్షకులను అలరించిన సుజిత్.. ఇప్పుడు పవన్ తో సినిమా చేస్తుండటంతో ఈ సినిమా పై భారీ అంచనాలు నెలకొన్నాయి.

నిన్న హైదరాబాద్ తో పవన్ సుజిత్, పవన్ సినిమా ప్రారంభొత్సహవం గ్రాండ్ గా జరిగింది. ఈ కార్యక్రమానికి థమన్‌ హాజరుకావడంతో ఈ చిత్రానికి సంగీత దర్శకుడు థమన్‌ అని తెలుస్తోంది. ఇక చిత్ర నిర్మాత డివివి దానయ్యతో పాటు అల్లు అరవింద్‌, దిల్‌రాజు, సురేశ్‌ బాబు ఈ కార్యక్రమానికి ముఖ్య అతిథులుగా హాజరయ్యారు.

ఈ కార్యక్రమానికి పవన్ కళ్యాణ్ బ్లాక్ కలర్ డ్రస్ లో సూపర్ స్టైలిష్ గా హాజరయ్యారు. ఈ సందర్భంగా పవన్ పెట్టుకున్న వాచ్ .. ఇప్పుడు సోషల్ మీడియాలో హాట్ టాపిక్ గా మారింది. పవన్ వాచ్ ధర తెలిస్తే అందరు షాక్ అవ్వాల్సిందే. ‘పనేరాయ్’ అనే ప్రముఖ కంపెనీకి చెందిన ఈ వాచ్ ధర రూ. 13.52 లక్షలు అని  తెలుస్తోంది. పవర్ స్టార్ అభిమానులు ఈ స్టైలిష్ వాచ్ గురించి నెట్లో సర్చ్ చేయగా దీని ధర తెలిసి షాక్ తింటున్నారు. ఇదిలా ఉంటే పవన్ సినిమాకు ‘ఓజీ’ వర్కింగ్ టైటిల్ తో తెరకెక్కిస్తున్నారు.ఓజీ అంటే ఒరిజినల్ గ్యంగ్ స్టర్ అని అంటున్నారు. ఇప్పుడు ఈ వర్కింగ్ టైటిల్ ఆసక్తి రేకెత్తిస్తోంది. ఈ సినిమాలో పవన్ గ్యాంగ్ స్టర్ పాత్రలో నటించనున్నారన్న వార్తలకు బలం చేకూరుతోంది.

Pawan Kalyan