చిరంజీవి మృగరాజు సినిమాలో ముందుగా ఆ స్టార్ హీరోను అనుకున్నారట..కానీ

మెగాస్టార్ చిరంజీవి ఎన్నో వైవిధ్యమైన సినిమాలు చేసి ప్రేక్షకులను మెప్పించారు. చిరంజీవి చేయాని పాత్ర లేదు అంటే అతిశయోక్తి కాదేమో.. చిరంజీవి ఎన్నో సూపర్ హిట్ సినిమాల్లో నటించడమే కాదు విభిన్న పాత్రలను పోషించి ఆకట్టుకున్నారు. అలాగే చాలా ఫ్లాప్ లను కూడా చూసారు. మెగా స్టార్ చిరంజీవి నటించిన మృగరాజు సినిమా కూడా అదే కోవలోకి వస్తుంది. ఈ సినిమా భారీ అంచనాల మధ్య విడుదలైనప్పటికి ఆశించిన స్థాయిలో ఆకట్టుకోలేకపోయింది. గుణశేఖర్ దర్శకత్వంలో వచ్చిన ఈ సినిమా మెగాస్టార్ అభిమానులను నిరాశపరిచింది. మృగరాజు సినిమా హాలీవుడ్ సినిమాకు రీమేక్ గా తెరకెక్కింది. అయితే ఈ సినిమాకు ముందుగా మరో హీరోను అనుకున్నారట.

హాలీవుడ్ మూవీకి రీమేక్ గా తెరకెక్కిన ఈ సినిమాలో చిరంజీవి హీరోగా నటించారు. చిరంజీవికి జోడిగా సిమ్రాన్ హీరోయిన్ గా నటించింది. సింహం నేపథ్యంలో తెరకెక్కిన ఈ సినిమాకు ముందుగా మరో స్టార్ హీరోను అనుకున్నారట. ఆయన ఎవరో కాదు మలయాళ స్టార్ మోహన్ లాల్. ముందుగా గుణశేఖర్ ఈ సినిమాలో మోహన్ లాల్ ను హీరోగా అనుకున్నారట.

ఆ తర్వాత ఈ సినిమా లైన్ లోకి చిరంజీవి వచ్చారట.. మృగరాజు 2001లో వచ్చిన యాక్షన్ అడ్వెంచర్ చిత్రం ఇది. ఈ సినిమాలో సిమ్రాన్ తో పాటు సంఘవి, నాగేంద్ర బాబు సహాయక పాత్రలు చేశారు. ఈ చిత్రానికి మణి శర్మ సంగీతం సమకూర్చాడు. ఇదే సినిమాను వెట్టక్కారన్ పేరుతో తమిళంలోకి రీమేక్ చేశారు. దీని హిందీ వెర్షన్‌కు రక్షక్ అనే టైటిల్ తో రీమేక్ చేశారు.  ఈ చిత్రాన్ని దేవి పుత్రుడు, నరసింహ నాయుడు లతో పాటు ఒకే రోజున విడుదల చేశారు. భారీ అంచనాల మధ్య, భారీ బడ్జెట్ తో వచ్చిన ఈ సినిమా బాక్స్ ఆఫీస్ దగ్గర డిజాస్టర్ గా నిలిచింది.

మరిన్ని సినిమా వార్తల కోసం ఇక్కడ క్లిక్ చేయండి.