Nikhil: ఆకట్టుకుంటున్న క్లాస్ మెలోడీ.. ‘నన్నయ రాసిన’ సాంగ్ మీరు విన్నారా ?..

Nikhil, Anupama

ఇటీవల కార్తీకేయ 2 చిత్రంతో బ్లాక్ బస్టర్ హిట్ అందుకున్నారు యంగ్ హీరో నిఖిల్ సిద్ధార్థ్. ఈ మూవీతో పాన్ ఇండియా ఇమేజ్ సొంతం చేసుకున్నారు. డైరెక్టర్ చందు మోండేటీ తెరకెక్కించిన ఈ మూవీలో అనుపమ పరమేశ్వరనే కథానాయికగా నటించింది. చిన్నసినిమాగా విడుదలైన కార్తికేయ 2 ఉత్తరాదిలో మంచి రెస్పాన్స్ వచ్చింది. కృష్ణ తత్వాన్ని, కృష్ణ సారాంశాన్ని చెప్పిన ఈ చిత్రం ప్రపంచవ్యాప్తంగా అద్భుతమైన కలక్షన్స్ సాధించింది. అంతటి ఘనవిజయం సాధించిన కార్తికేయ- 2 తరువాత అనుపమ పరమేశ్వరన్, నిఖిల్ జంటగా చేస్తున్న చిత్రం కావడంతో ఈ “18 పేజిస్” సినిమాపై మంచి అంచనాలు ఉన్నాయి. వరుస హిట్ సినిమాలను నిర్మిస్తున్న “జీఏ 2” పిక్చర్స్, సుకుమార్ రైటింగ్స్ లో ఈ సినిమాను నిర్మిస్తున్నారు. మెగా నిర్మాత అల్లు అరవింద్ సమర్పిస్తున్నారు. ఇదివరకే రిలీజైన ఈ చిత్ర టీజర్ సినిమాపై మరిన్ని అంచనాలను పెంచేసింది.

తాజాగా ఈ చిత్రం నుంచి “నన్నయ్య రాసిన” అనే లిరికల్ వీడియో సాంగ్ ను విడుదల చేసారు. ఈ పాటను లిరిసిస్ట్ శ్రీమణి రచించారు.

“ఏ కన్నుకి ఏ స్వప్నమో ఏ రెప్పెలైన తెలిపేనా.. ఏ నడకది ఏ పయనమో ఏ పాదమైన చూపేనా.. నీలో స్వరాలకే నేనే సంగీతమై.. నువ్వే వదిలేసిన పాటై సాగేనా.. నన్నయ్య రాసిన కావ్యమగితే, తిక్కన తీర్చేనుగా.. రాధమ్మ ఆపిన పాట మధురిమా కృష్ణుడు పాడెనుగా“.. అని శ్రీమణి రచించిన లైన్స్ మంచి ఫీల్ ను క్రియేట్ చేస్తున్నాయి. ఈ చిత్రానికి గోపి సుందర్ సంగీతం అందిస్తున్నారు. “నన్నయ్య రాసిన” పాటను పృథ్వి చంద్ర, సితార కృష్ణ కుమార్ ఆలపించారు. ఈ పాట వినసొంపుగా ఉంది. ఖచ్చితంగా ఈ పాట మంచి మెలోడీ హిట్ అవుతుంది అనడంలో ఎటువంటి సందేహం లేదు.

ఈ నాస్టాల్జిక్ రొమాన్స్‌ని పుష్ప దర్శకుడు సుకుమార్ రాశారు. ఇదివరకే గతంలో కుమారి 21 ఎఫ్ చిత్రంతో హిట్ అందుకున్న పల్నాటి సూర్య ప్రతాప్ ఈ చిత్రానికి దర్శకత్వం వహిస్తున్నారు.నవీన్ నూలి ఈ చిత్రానికి ఎడిటర్ గా వర్క్ చేస్తున్నారు. ఈ చిత్రాన్ని ప్రపంచ వ్యాప్తంగా డిసెంబర్ 23న క్రిస్టమస్ కానుకగా విడుదల చేయనున్నారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.