హైదరాబాద్‌‌‌లో షూటింగ్ జరుపుకుంటున్న మణిరత్నం డ్రీమ్‌‌‌‌ప్రాజెక్ట్.. రెండు వందలమంది డ్యాన్సర్లతో..

మణిరత్నం డ్రీమ్ ప్రాజెక్ట్ పొన్నియన్ సెల్వన్ సినిమా షూటింగ్ శరవేగంగా జరుగుతుంది. ఇందులో చియాన్ విక్రమ్..

Ps1

Updated on: Aug 07, 2021 | 3:56 PM

Ponniyin Selvan : మణిరత్నం డ్రీమ్ ప్రాజెక్ట్ పొన్నియన్ సెల్వన్ సినిమా షూటింగ్ శరవేగంగా జరుగుతుంది. ఇందులో చియాన్ విక్రమ్, కార్తీ, జయం రవి, త్రిష, ప్రకాశ్ రాజ్, శోభితా ధూళిపాళ్ల ,ఐశ్వర్య లక్ష్మి నటిస్తుండగా బాలీవుడ్ బ్యూటీ ఐశ్వర్య రాయ్ ద్విపాత్రాభినయం చేయనున్నారని టాక్. పొన్నియన్ సెల్వన్ అనే నవల ఆధారంగా ఈ సినిమాను తెరకెక్కిస్తున్నారు మణిరత్నం. ఈ సినిమాను లైకా ప్రొడక్షన్స్ మద్రాస్ టాకీస్ బ్యానర్స్ సంయుక్తంగా నిర్మిస్తున్నాయి. కరోనా కారణంగా వాయిదా పడుతూ వస్తున్న ఈ సినిమా షూటింగ్ ఇటీవలే తిరిగి ప్రారంభం అయ్యింది. కరోనా సెకండ్ వేవ్ తర్వాత పుదుచ్చేరిలో కీలకమైన షెడ్యూల్ షూటింగ్ పూర్తి చేశారు. ప్రస్తుతం హైదరాబాద్‌‌‌లో ఈ సినిమా షూటింగ్ జరుపుకుంటుంది. రామోజీ ఫిలిం సిటీలో ప్రస్తుతం ఈ సినిమా షూటింగ్ జరుగుతున్నట్లు సమాచారం. ఈ షెడ్యూల్‌‌లో ఓ పాటను చిత్రీకరించనున్నారట.త్రిష, కార్తీ , శోభితా ధూళిపాళ్ల పై పాటను షూట్ చేస్తున్నారని సమాచారం. బృంద మాస్టర్ కొరియోగ్రఫీ చేసిన ఈ పాటను రెండు వందలమంది డ్యాన్సర్లపై తెరకెక్కిస్తున్నారని తెలుస్తోంది. ఈ సినిమాకు ఎ.ఆర్. రెహమాన్ సంగీతం సమకూరుస్తున్నారు. పొన్నియన్ సెల్వన్’ ఫస్ట్ పార్ట్‌‌‌ని ”పీఎస్ 1” పేరుతో వచ్చే ఏడాది విడుదల చేయనున్నట్లు మేకర్స్ ప్రకటించారు. మరోవైపు ‘నవరస’ అనే ఆంతాలజీ సిరీస్ ను రూపొందించారు మణిరత్నం. తొమ్మిది మంది దర్శకులతో ఈ సిరీస్‌‌‌ను తెరకెక్కించారు. మనిషి జీవితంలోని తొమ్మిది భావోద్వేగాలు ఈ సిరీస్ లో చూపించారు. ఈ వెబ్ సిరీస్ శుక్రవారం నుంచి ఓటీటీ వేదికగా అందుబాటులోకి వచ్చింది.