Mohan Babu Home Tour: మోహన్ బాబు ఇంటిని చూశారా ?.. అచ్చం ఇంద్రభవనంలా ఉందిగా.. వాటే ట్విస్ట్..

Name: Mohan Babu Home Tour: మోహన్ బాబు ఇంటిని చూశారా ?.. అచ్చం ఇంద్రభవనంలా ఉందిగా.. వాటే ట్విస్ట్..
Uploaded: 2021-12-27T16:50:47+05:30
Duration: 5 min 2 s
Description: మంచు లక్ష్మీ గురించి ప్రత్యేకంగా చెప్పాల్సిన పనిలేదు. మంచు వారమ్మాయిగా సినీ పరిశ్రమలోకి ఎంట్రీ ఇచ్చిన మంచు లక్ష్మీ.. ఆ తర్వాత

మంచు లక్ష్మీ గురించి ప్రత్యేకంగా చెప్పాల్సిన పనిలేదు. మంచు వారమ్మాయిగా సినీ పరిశ్రమలోకి ఎంట్రీ ఇచ్చిన మంచు లక్ష్మీ.. ఆ తర్వాత

Manchu Lakshmi

Rajitha Chanti | Edited By: Anil kumar poka

Updated on: Dec 27, 2021 | 6:58 PM

మంచు లక్ష్మీ గురించి ప్రత్యేకంగా చెప్పాల్సిన పనిలేదు. మంచు వారమ్మాయిగా సినీ పరిశ్రమలోకి ఎంట్రీ ఇచ్చిన మంచు లక్ష్మీ.. ఆ తర్వాత తన నటనతో గుర్తింపు తెచ్చుకున్నారు. నటిగా.. వ్యాఖ్యతగా.. నిర్మాతగా.. సినీ రంగంలో తనకంటూ ప్రత్యేక గుర్తింపు తెచ్చుకున్నారు. బుల్లితెరపై పలు షోలను చేస్తూ ప్రేక్షకులకు మరింత చేరువయ్యారు మంచు లక్ష్మీ. ఓ వైపు సినిమాలు చేస్తూనే.. మరోవైపు సామాజిక సేవలు చేస్తుంటారు మంచు లక్ష్మీ. అటు సినిమాలు చేస్తున్న సోషల్ మీడియాలో ఫుల్ యాక్టివ్ గా ఉంటారు. ఎప్పటికప్పుడు తన పర్సనల్ విషయాలు.. లేటేస్ట్ ఫోటోస్ షేర్ చేస్తూ అభిమానులకు టచ్ లో ఉంటారు. ఇక ఇటీవల యూట్యూబ్‏లోకి అడుగుపెట్టింది మంచు లక్ష్మీ.. తనకంటూ ప్రత్యేక ఛానల్ ఓపెన్ చేసి వివిధ వీడియోస్ షేర్ చేస్తూ అభిమానులను అలరిస్తుంటుంది. ప్రస్తుతం ఈమె ఛానల్‏కు 60 వేలకు పైగా సబ్‏స్క్రైబర్స్ ఉన్నారు. ఈమె షేర్ చేసిన వీడియోలను క్షణాల్లో ట్రెండ్ అవుతుంటాయి. తన ఛానల్ ద్వారా బ్యూటీ, ఫిట్ నెస్, ఫ్యాషన్‏కు సంబంధించిన వీడియోస్ షేర్ చేస్తుంటుంది. గతంలో తన హోమ్ టూర్ కూడా చేసింది.

తాజాగా తన తండ్రి మంచు మోహన్ బాబు ఇంటిని నెటిజన్లకు పరిచయం చేసింది మంచు లక్ష్మీ. ఇందుకు సంబంధించిన ప్రోమోను తన ఛానల్లో విడుదల చేసింది లక్ష్మీ. ఇది తన తండ్రి 6వ ఇల్లు అని తెలిపింది. అందులో కిచెన్, హాల్, బాల్కనీ, టెర్రస్, హోమ్ థియేటర్స్ సహా అన్నింటి వివరించేందుకు ప్రయత్నించింది. అయితే టెర్రస్ పై ఉండి తన తండ్రి ఇంటిని వివరిస్తుండగా.. మోహన్ బాబు ఎంట్రీ ఇచ్చారు. ఏంటీ ఇల్లు మొత్తం చూపిస్తున్నావా ? అని అడగ్గా.. వాళ్లు చూశారు కదా నాన్న అని ఆన్సర్ ఇచ్చింది మంచు లక్ష్మీ. దీంతో ఫోటోలు, వీడియోస్ తీయకూడదని చెప్పాను కదా అంటూ సీరియస్ అయ్యారు మోహన్ బాబు. అంతేకాకుండా.. మంచు లక్ష్మీ పై చేయి చేసుకోబోయారు. ఆ తర్వాత తన మనవరాలితో ఫన్నీగా ఆడుకున్నారు. ఇందుకు సంబంధించిన ప్రోమో ఇప్పుడు సోషల్ మీడియాలో తెగ వైరల్ అవుతుంది. త్వరలోనే ఇందుకు సంబంధించిన ఫుల్ వీడియోను అప్లోడ్ చేయనున్నారు. ఆ వీడియో మీరు చేసేయ్యండి..