Sarkaru Vaari Paata : మహేష్ సినిమాపై క్లారిటీ ఇచ్చిన మేకర్స్.. ఫ్యాన్స్ ఖుషి..

లెటజ్‌గో అండ్ రాక్‌.. అనే నూతనోత్సాహమే ఎటు చూసినా. చిన్నాపెద్ద అన్ని సినిమాల్లోనూ ఎప్పుడూ లేనంత జోష్ కనిపిస్తోంది. రోజుకో కొత్త సినిమా రిలీజ్ డేట్ ప్రకటిస్తూ..

Mahesh Babu

Rajeev Rayala |
Updated on: Apr 06, 2022 | 9:00 PM

నూతనోత్సాహమే ఎటు చూసినా.. చిన్నా..పెద్ద అన్ని సినిమాల్లోనూ ఎప్పుడూ లేనంత జోష్ కనిపిస్తోంది. రోజుకో కొత్త సినిమా రిలీజ్ డేట్ ప్రకటిస్తూ.. ఇండస్ట్రీని టాప్‌గేర్‌లో నడిపిస్తున్నాయి. కట్‌చేస్తే.. రిలీజ్ డేట్ మార్చుకోబోతున్న ఒక భారీ సినిమా అనే హెడ్‌లైన్ వార్త.. నెట్లో హల్‌చల్ చేస్తోందిప్పుడు. బట్.. అదంతా బేస్‌లెస్.. అనేది మేకర్స్ ఇస్తున్న క్లారిటీ. ప్రొడక్షన్‌ వర్క్ స్టార్టవకముందునుంచే స్ట్రగుల్స్ ఫేస్ చేస్తూ, ఆగుతూ సాగుతూ వస్తోంది సర్కారువారి పాట(Sarkaru Vaari Paata). ఒకటికి మూడు సార్లు రిలీజ్ డేట్స్ మార్చుకున్నా, ఫైనల్‌గా సేఫెస్ట్ గ్యాప్‌ చూసుకుని మే12ను లాక్ చేసుకుంది. కాకపోతే.. ఆ ఫ్యాన్సీ డేట్ కూడా చేజారిపోతోందా అనేది సూపర్‌స్టార్ ఫ్యాన్స్‌కొస్తున్న మిలియన్ డాలర్ల డౌట్. మరో నాలుగువారాల్లో సినిమా రిలీజ్ కాబోతోందనగా, ఇప్పుడు సర్కారువారి పాట రిలీజ్ మీద మళ్లీ సందేహాలు పుట్టేశాయి. సినిమా ప్రొడక్షన్ వర్క్ డిలే అవుతోందని, ప్రమోషన్స్‌కి అవసరమైనంత గ్యాప్ దొరకడం లేదని, అందుకే మేకర్స్ ప్లాన్‌బీ వైపు చూస్తున్నారని సోషల్ మీడియాలో జోరుగా క్యాంపెయిన్‌ జరుగుతోంది. బట్.. ఇదంతా ట్రాష్ అని కొట్టిపారేస్తోంది మైత్రీ సంస్థ.

అప్‌డేట్ల జాతర మొదలుపెట్టి.. ఒక టీజర్‌తో పాటు రెండు పాటల్ని గిఫ్టుగా ఇచ్చేసింది సర్కారువారి టీమ్‌. ఆ పాటలు కూడా పాపులారిటీలో దూసుకుపోతున్నాయి. ఒకేఒక్క పాట మినహా షూట్ పార్ట్ మొత్తం కంప్లీటైందంటున్నారు కెప్టెన్ పరశురామ్. ప్రస్తుతం యాడ్ షూటింగ్స్‌తో బిజీగా వున్న సూపర్‌స్టార్.. వారంరోజుల తర్వాత సర్కారు వారి నెక్స్ట్ పాట కోసం సెట్స్‌ మీదికొస్తారట. ఏప్రిల్ లాస్ట్ వీకెండ్‌లో రిలీజయ్యే ఆచార్య సినిమా రిజల్ట్‌ మీద స్పెషల్‌గా దృష్టి పెట్టబోతోంది మైత్రీ సంస్థ. మెగా మూవీకి బిగ్‌ ఎప్లాజ్ దొరికి.. రెండువారాలకు మించి రన్నింగ్‌ కావల్సి వస్తే.. అప్పుడు ప్లాన్‌బీ విషయం ఆలోచిస్తామని, అంతవరకూ తమ డేట్ మే పన్నెండేనని పూర్తి కాన్ఫిడెన్స్‌తో వుంది టీమ్ ఆఫ్‌ సర్కారువారి పాట సో.. సంక్రాంతినైతే మిస్సయ్యాం.. సమ్మర్‌ సీజన్‌ని మాత్రం వదిలేదే లేదంటోంది ఘట్టమనేని క్యాంప్.

మరిన్ని ఇక్కడ చదవండి :