Sarkaru Vaari Paata: సోషల్ మీడియా షేక్.. సరికొత్త రికార్డ్స్ క్రియేట్ చేస్తున్న మహేష్ మూవీ పోస్టర్..
సూపర్ స్టార్ మహేష్ బాబు త్వరలో సర్కారు వారి పాట సినిమాతో ప్రేక్షకుల ముందుకు రాబోతున్నారు. గీత గోవిందం సినిమాతో మంచి హిట్ అందుకున్న..
Sarkaru Vaari Paata: సూపర్ స్టార్ మహేష్ బాబు త్వరలో సర్కారు వారి పాట సినిమాతో ప్రేక్షకుల ముందుకు రాబోతున్నారు. గీత గోవిందం సినిమాతో మంచి హిట్ అందుకున్న పరశురామ్ దర్శకత్వంలో ఈ సినిమా తెరకెక్కుతోంది. ఈ సినిమాకోసం మహేష్ అభిమానులంతా ఎంతో ఆసక్తిగా ఎదురుచూస్తున్నారు. ఈ సినిమాలో మహేష్ కు జోడీగా అందాల భామ కీర్తిసురేష్ నటిస్తుంది. ఈ సినిమా షూటింగ్ హైదరాబాద్ లో ప్రస్తుతం శరవేగంగా జరుగుతోంది. తాజాగా ఈ సినిమాను ఫస్ట్ లుక్ పోస్టర్ ను విడుదల చేశారు చిత్రయూనిట్. ఫస్టు నోటీస్ అంటూ మహేశ్ లుక్ ను ప్రేక్షకులకు పరిచయం చేశారు. ఈ పోస్టర్ అభిమానులను విపరీతంగా ఆకట్టుకుంటుంది. ఈ సినిమాలో సూపర్ స్టైలిష్ గా కనిపించనున్నాడు మహేష్. యాక్షన్ ఎంటర్టైనర్ గా ఈ సినిమా రూపొందుతోంది. బ్యాంకింగ్ రంగంలో జరిగే మోసాల నేపథ్యంలో ఈ సినిమా ఉండనుందని తెలుస్తుంది.
పోస్టర్ తోనే రికార్డుల వేట మొదలు పెట్టాడు మహేష్ సోషల్ మీడియాలో మహేష్ పోస్టర్ దూసుకుపోతుంది. 24 గంటల్లోనే 95.6 కే లైక్స్ ను, 49.1కే రీ ట్వీట్ లను సాధించిన ఈ పోస్టర్, సరికొత్త రికార్డులను సృష్టించింది. అలాగే అత్యంత వేగంగా 100 కే లైక్స్ ను సాధించిన పోస్టర్ గా కూడా కొత్త రికార్డును నమోదు చేసింది. ఇక ఆగస్టు 9న మహేష్ బాబు పుట్టిన రోజు సందర్భంగా ఈ సర్కారు వారి పాట సినిమానుంచి టీజర్ ను విడుదల చేయాలనీ చూస్తున్నారు చిత్రయూనిట్. పోస్టరే ఈ రేంజ్ రికార్డ్ క్రియేట్ చేస్తే మరి టీజర్ ఇంకే రేంజ్ లో ఉంటుందో చూడాలి.
మరిన్ని ఇక్కడ చదవండి :
కరెంట్ కుక్కర్‌లో వండిన అన్నం తింటున్నారా.. అయితే ఈ షాకింగ్ విషయాలు తెలుసుకోండి..
Exams In Telangana: తెలంగాణలో మొదలైన పరీక్షల సందడి.. ఈ నెలంతా ఎంట్రెన్స్‌ ఎగ్జామ్స్‌తో బిజీ బిజీ..