Lokesh Kanagaraj: శ్రుతిహాసన్‏తో లోకేష్ కనగరాజ్ సినిమా.. ఆసక్తిని పెంచేస్తోన్న పోస్టర్..

కమల్ హాసన్ ప్రధాన పాత్రలో లోకేష్ రూపొందించిన సినిమా విక్రమ్ ఏ రేంజ్ హిట్ అయ్యిందో చెప్పక్కర్లేదు. ఇందులో కమల్ ను చూపించిన తీరు అభిమానులను కట్టిపడేసింది. తమ అభిమాన హీరోను బీస్ట్ మోడ్ లో చూపించి అదరగొట్టేశాడు. ఇక ఇటీవలే విజయ్ దళపతితో లియో సినిమాను రూపొందించి మరోసారి భారీ విజయాన్ని అందుకున్నాడు. తాను కేవలం పది సినిమాలు మాత్రమే తెరకెక్కిస్తానని గతంలోనే అనౌన్స్ చేశాడు లోకేష్. ఇటీవలే నిర్మాణ రంగంలోకి అడుగుపెట్టాడు.

Shruti Haasan, Lokesh Kanag

Rajitha Chanti |
Updated on: Feb 08, 2024 | 11:33 AM

లోకేష్ కనగరాజ్.. ఇప్పటివరకు అపజయమెరుగని దర్శకుడు. కోలీవుడ్ ఇండస్ట్రీలో వన్ ఆఫ్ ది టాప్ సక్సెస్ డైరెక్టర్. ఆయన తెరకెక్కించిన సినిమాలన్ని బాక్సాఫీస్ వద్ద బ్లాక్ బస్టర్ హిట్ అయ్యాయి. అటు తెలుగులోనూ ఆయనకు మంచి ఫాలోయింగ్ ఉంది. టాలీవుడ్ ప్రేక్షకులకు లోకేష్ సుపరిచితమే. కమల్ హాసన్ ప్రధాన పాత్రలో లోకేష్ రూపొందించిన సినిమా విక్రమ్ ఏ రేంజ్ హిట్ అయ్యిందో చెప్పక్కర్లేదు. ఇందులో కమల్ ను చూపించిన తీరు అభిమానులను కట్టిపడేసింది. తమ అభిమాన హీరోను బీస్ట్ మోడ్ లో చూపించి అదరగొట్టేశాడు. ఇక ఇటీవలే విజయ్ దళపతితో లియో సినిమాను రూపొందించి మరోసారి భారీ విజయాన్ని అందుకున్నాడు. తాను కేవలం పది సినిమాలు మాత్రమే తెరకెక్కిస్తానని గతంలోనే అనౌన్స్ చేశాడు లోకేష్. ఇటీవలే నిర్మాణ రంగంలోకి అడుగుపెట్టాడు. టాలెంట్ ఉన్న యంగ్ డైరెక్టర్లను ప్రోత్సాహించి తన సొంత బ్యానర్ పై చిత్రాలు నిర్మించనున్నట్లు తెలిపారు. ఇదిలా ఉంటే.. ఇప్పుడు ఆయన నటుడిగా మారినట్లు తెలుస్తోంది.

కమల్ హాసన్ సొంత నిర్మాణ సంస్థ ‘రాజ్ కమల్ ఫిల్మ్స్ ఇంటర్నేషనల్’ ద్వారా ఎన్నో సినిమాలను నిర్మించారు. ఆయన నిర్మించిన ‘విక్రమ్’ సినిమా పెద్ద విజయం సాధించింది. ఇక ఇప్పుడు ఆయన నిర్మాణంలో తన కూతురి చిత్రాన్ని ప్రకటించారు కమల్. శ్రుతిహాసన్ తో లోకేష్ సినిమా చేస్తున్నట్లుగా తెలుస్తోంది. అయితే ఈ ప్రాజెక్ట్ గురించి ఇంకా స్పష్టమైన వివరాలు తెలియాల్సి ఉంది. ఈ సినిమా కూడా లోకేష్ సినిమాటిక్ యూనివర్స్‌లో రెడీ అవుతుందా అనేది ఆసక్తిగా ఉంది. కొన్ని వర్గాల సమాచారం ప్రకారం ఇది సెపరేట్ మూవీ అని అంటున్నారు.

అయితే ఇది మహిళా ప్రధాన చిత్రం అవుతుందని తెలుస్తోంది. శృతి హాసన్ కథానాయికగా నటిస్తోంది. ప్రస్తుతం బడూరు పోస్టర్‌లో శృతి హాసన్, లోకేష్ కనగరాజ్‌లు ఉన్నారు. ఈ మూవీలో ఎవరెవరు నటిస్తారు అనే ఆసక్తి నెలకొంది. కమల్ తన కూతురు కోసం సినిమా నిర్మించడం ఇదే తొలిసారి. శృతి హాసన్ నటించిన సలార్ చిత్రం గతేడాది చివర్లో విడుదలైంది. సినిమాకు భారీ హైప్ వచ్చింది. ప్రభాస్ ప్రధాన పాత్రలో కనిపించగా, ప్రశాంత్ నీల్ ఈ చిత్రానికి దర్శకత్వం వహించాడు. ఈ చిత్రం బాక్సాఫీస్ వద్ద 700 కోట్ల రూపాయల వసూళ్లు సాధించింది.