Actress Tabu: హీరోయిన్ టబు లైఫ్ స్టైల్ చూశారా.. ? హైదరాబాద్‏లో బంగ్లా నుంచి కాంప్లెక్స్ వరకు..

టాలీవుడ్ ఇండస్ట్రీలో ఒకప్పుడు టాప్ హీరోయిన్ టబు. అక్కినేని నాగార్జున నటించిన నిన్నే పెళ్లడతా సినిమాతో తెలుగులో ఆమెకు మంచి గుర్తింపు వచ్చింది. ఈసినిమా తర్వాత తెలుగులో వరుస ఆఫర్స్ అందుకుంది. ప్రస్తుతం హిందీలో వరుస సినిమాలు చేస్తుంది.

Tabu

Rajitha Chanti |
Updated on: Oct 22, 2024 | 1:20 PM

తెలుగు ప్రేక్షకులకు హీరోయిన్ టబు సుపరిచితమే. అందం, అసాధారణమైన నటనకు పేరుగాంచిన ఈ హీరోయిన్ దాదాపు నాలుగు దశాబ్దాలుగా వెండితెరను శాసిస్తుంది. తెలుగు, తమిళం, హిందీలో అనేక చిత్రాల్లో నటించి టాప్ హీరోయిన్ గా ఓ వెలుగు వెలిగింది. ఇప్పుడు క్యారెక్టర్ రోల్స్ పోషిస్తూ ప్రేక్షకులను అలరిస్తుంది. నాగార్జున సరసన నిన్నే పెళ్లాడతా సినిమాతో తెలుగులో మంచి క్రేజ్ సంపాదించుకుంది. ఆ తర్వాత అనేక చిత్రాల్లో నటించి మెప్పించిన ఈ బ్యూటీకి ఓ రేంజ్ ఫాలోయింగ్ ఉంది. ప్రస్తుతం బాలీవుడ్ ఇండస్ట్రీలో బ్యాక్ టూ బ్యూక్ చిత్రాలతో దూసుకుపోతుంది. హిందీలో హమ్ సాథ్ సాథ్ హై, హేరా ఫేరీ, అంధాదున్ వంటి చిత్రాలతో పాపులారిటీని సొంతం చేసుకుంది. హైదరాబాద్‌తో టబు ప్రత్యేక బంధం ఉంది. తన బాల్యం, టీనేజ్ హైదరాబాద్‌లో గడిపినట్లు అనేకసార్లు గుర్తుచేసుకుంది. ఆమె తన పాఠశాల విద్యను సెయింట్ ఆన్స్ హైస్కూల్, విజయనగర్ కాలనీలో పూర్తి చేసింది.

కొన్నేళ్లుగా హైదరాబాద్ ప్రాంతంతో తనకున్న అనుబంధాన్ని గుర్తుచేసుకుంటుంది టబు. తాజాగా టబు హైదరాబాద్‌లో తన రియల్ ఎస్టేట్ వెంచర్స్ గురించి చర్చిస్తున్న వీడియో ఇన్‌స్టాగ్రామ్‌లో వైరల్‌గా మారింది. వీడియోలో సదరు యాంకర్ మాట్లాడుతూ.. “మీకు హైదరాబాద్ లో కమర్షియల్ కాంప్లెక్స్, బంగ్లాలు ఉన్నాయి ? ” అని అడగ్గా.. నవ్వుతూనే ఆన్సర్ ఇచ్చింది టబు. అవి నా అత్త నుంచి వచ్చాయి ఉన్నాయి అంటూ చెప్పుకొచ్చింది. తన ఆస్తుల గురించి బహిరంగంగా మాట్లాడినందుకు టబు పై ప్రశంసలు కురిపిస్తున్నారు.

View this post on Instagram

A post shared by Tabu (@tabutiful)

టబు హైదరాబాద్‌లోని జూబ్లీహిల్స్ ప్రాంతంలో విలాసవంతమైన బంగ్లాను కలిగి ఉంది, దీనిని ఆమె 2000లలో కొనుగోలు చేసింది. ప్రస్తుతం టబు ప్రీక్వెల్ సిరీస్ డూన్: ప్రొఫెసీలో నటిస్తుంది. ఇందులో ఆమె సిస్టర్ ఫ్రాన్సిస్క్ పాత్రను పోషిస్తుంది.