Trisha : 20 ఏళ్లుగా ఇండస్ట్రీలో తోపు హీరోయిన్.. త్రిష ఆస్తులు తెలిస్తే దిమ్మతిరిగిపోద్ది గురూ..

మోడలింగ్ రంగం నుంచి నటిగా కెరీర్ ప్రారంభించిన త్రిష.. అప్పట్లో మిస్ మద్రాస్ కిరీటాన్ని గెలుచుకుంది. మొదట్లో సినిమాల్లో చిన్న చిన్న పాత్రలు, ప్రైవేట్ ఆల్బమ్స్ చేసిన త్రిష.. నటిగా తక్కువ సమయంలోనే క్రేజ్ సొంతం చేసుకుంది. దాదాపు 20 ఏళ్లుగా సినీరంగంలో చక్రం తిప్పుతుంది ఈ ముద్దుగుమ్మ. ఇంతకీ త్రిష ఆస్తులు ఎంతో తెలుసా.. ?

Trisha

Rajitha Chanti |
Updated on: Apr 27, 2025 | 2:55 PM

సౌత్ ఇండస్ట్రీలో తోపు హీరోయిన్. దాదాపు రెండు దశాబ్దాలకు పైగా అందం, అభినయంతో సినీ పరిశ్రమను ఏలేస్తోంది. తెలుగుతోపాటు తమిళం, మలయాళం భాషలలో బ్యాక్ టూ బ్యాక్ హిట్స్ అందుకుంటూ ఇప్పటికీ టాప్ హీరోయిన్ గా దూసుకుపోతుంది. ఓవైపు ఆమె నటించిన చిత్రాన్ని భారీ విజయాన్ని అందుకుంటున్నా.. పలు కారణాలతో నిత్యం వార్తలలో ఉంటుంది త్రిష. ఇటీవలే పొన్నియిన్ సెల్వన్, లియో వంటి హిట్స్ తర్వాత త్రిష క్రేజ్ మరింత పెరిగింది. ఇప్పుడు అజిత్ సరసన విడాముయార్చి, గుడ్ బ్యాడ్ అగ్లీ చిత్రాలతో మరిన్ని హిట్స్ ఖాతాలో వేసుకుంది. ‘జోడి’ సినిమాలో చిన్న పాత్రలో కనిపించిన తర్వాత మౌనం పెసియాదే మూవీతో హీరోయిన్‌గా గుర్తింపు పొందింది. తక్కువ సమయంలోనే పాన్ ఇండియా లెవల్లో తనదైన ముద్ర వేసింది. ఇప్పుడు దక్షిణ భారతదేశంలో అత్యంత డిమాండ్ ఉన్న నటిగా, అత్యధిక పారితోషికం తీసుకునే హీరోయిన్ గా మారింది.

నివేదికల ప్రకారం త్రిష ఆస్తులు రూ.85 కోట్ల నుంచి రూ.100 కోట్ల వరకు ఉంటుందని అంచనా. ప్రస్తుతం ఒక్కో సినిమాకు రూ.5 కోట్ల వరకు పారితోషికం తీసుకుంటుందట. అలాగే బ్రాండ్ ఎండార్సమెంట్స్, ప్రమోషన్స్ ద్వారా త్రిష సంపాదిస్తుంది. త్రిష చెన్నైలోని ప్రతిష్టాత్మక ప్రాంతంలో ఒక అందమైన, విలాసవంతమైన బంగ్లాను కలిగి ఉంది. అన్ని ఆధునిక సౌకర్యాలతో ఉన్న ఈ ఇంట్లో తన కుటుంబంతో కలిసి నివసిస్తుంది. హైదరాబాద్‌లోని కూడా ఆస్తి ఉందని సమాచారం.

ఇక త్రిష వద్ద మెర్సిడెస్-బెంజ్ ఎస్-క్లాస్, BMW 5 సిరీస్, రేంజ్ రోవర్ ఎవోక్ వంటి అధునాతన ఖరీదైన కార్లు ఉన్నాయి. ఈ కార్లు వారి స్టార్‌డమ్, ఆర్థిక స్థితిని మరింత హైలైట్ చేస్తాయి. త్రిష చేతిలో ప్రస్తుతం అనేక భారీ బడ్జెట్ సినిమాలు ఉన్నాయి. ప్రస్తుతం ఆమె చిరంజీవి జోడిగా విశ్వంభర, కమల్ హాసన్ థగ్ లైఫ్ చిత్రాల్లో నటిస్తుంది.