Ketika Sharma: పవన్ కళ్యాణ్ సినిమాపైనే ఆశలు పెట్టుకున్న బబ్లీ బ్యూటీ..
తొలి సినిమాతోనే అందంతో ఆకట్టుకుంది. ఈ అమ్మడి గ్లామర్ కు కుర్రకారంతా ఫిదా అయ్యారు. చెక్కిన శిల్పం లాంటి ఈ చిన్నది చేసింది తక్కువ సినిమాలే అయినా విపరీతమైన క్రేజ్ సొంతం చేసుకుంది.
Updated on: Mar 04, 2023 | 11:57 AM
టాలీవుడ్ లో పరిచయమైన అందాల భామల్లో కేతిక శర్మ ఒకరు. డైనమిక్ డైరెక్టర్ పూరిజగన్నాథ్ తనయుడి ఆకాష్ పూరి హీరోగా వచ్చిన రొమాంటిక్ సినిమాతో తెలుగు ప్రేక్షకులకు పరిచయం అయ్యింది ఈ చిన్నది. తొలి సినిమాతోనే అందంతో ఆకట్టుకుంది. ఈ అమ్మడి గ్లామర్ కు కుర్రకారంతా ఫిదా అయ్యారు. చెక్కిన శిల్పం లాంటి ఈ చిన్నది చేసింది తక్కువ సినిమాలే అయినా విపరీతమైన క్రేజ్ సొంతం చేసుకుంది. వరుసగా సినిమాలు చేస్తున్నప్పటికీ సక్సెస్ మాత్రం అందుకోలేకపోతోంది కేతిక శర్మ. ఈ సినిమా తర్వాత యంగ్ హీరో నాగ శౌర్య సరసన లక్ష్య అనే సినిమా చేసింది. ఈ సినిమా కూడా ఆశించిన స్థాయిలో ప్రేక్షకులను ఆకట్టుకోలేకపోయింది.
ఆ తర్వాత మెగా హీరో వైష్ణవ్ తేజ్ హీరోగా నటించిన ఫ్యామిలీ ఎంటర్టైనర్ రంగరంగ వైభవంగా సినిమాలో చేసింది. భారీ అంచనాల మధ్య విడుదలైన ఈ సినిమా కూడా బాక్సాఫీస్ దగ్గర బోల్తా కొట్టింది. ఇక ఇప్పుడు ఈ చిన్నది మరో బంపర్ ఆఫర్ అందుకుంది.
పవర్ స్టార్ పవన్ కళ్యాణ్, మెగా మేనల్లు సాయి ధరమ్ తేజ్ నటిస్తోన్న సినిమాలో కేతిక ఛాన్స్ దక్కించుకుంది. పవన్ , తేజ్ కలిసి తమిళ్ మూవీ అయిన వినోదయ సిత్తం సినిమాను రీమేక్ చేస్తోన్న విషయం తెలిసిందే. ఈ సినిమాలో కేతికతో పాటు మరో బ్యూటీ ప్రియా ప్రకాష్ వారియర్ కూడా నటిస్తోంది. ఈ సినిమాతో కేతిక దశతిరుగుతుందని బోలెడన్ని ఆశలతో ఉంది. ఈ సినిమాలో తేజ్ కు జోడీగా కనిపించనుందట కేతిక. చూడాలి మరి ఈ సినిమా అమ్మడి కెరీర్ కు ఎంతవరకు కలిసొస్తుందో.
