Kajal Aggarwal: దేవుడా.. బాలయ్య సినిమా కోసం చందమామకు అంత రెమ్యునరేషన్ ఇస్తున్నారా..!!

చాలా కాలం అయ్యింది చందమామ కెమెరా ముందుకు వచ్చి.. అప్పుడప్పుడే ఆచార్య సినిమా షూటింగ్ లో సందడి చేసింది కాజల్. ఆ తర్వాత బిడ్డకు జన్మనించి ఫుల్ టైం కొడుకుతో గడిపేస్తోంది. అయితే ఇప్పుడు ఈ బ్యూటీ రీ ఎంట్రీకి రెడీ అయ్యింది. అది కూడా టాలీవుడ్ బడా స్టార్ హీరో సినిమాతో.. అప్పట్లో కుర్రకారు మోస్ట్ ఫెవరెట్ హీరోయిన్ గా ఓ వెలుగు వెలిగింది కాజల్ అగర్వాల్. స్టార్ హీరోల సినిమాల్లో నటిస్తూ.. టాప్ ప్లేస్ లో దూసుకుపోయింది. కెరీర్ పీక్ స్టేజ్ లో ఉండగానే సడన్ గా పెళ్లి చేసుకొని ఫ్యాన్స్ కు షాక్ ఇచ్చింది. అంతే కాదు ఇటీవల పండంటి మెగా బిడ్డకు జన్మనిచ్చింది ఈ బ్యూటీ. అయితే బిడ్డ పుట్టిన తర్వాత వరుస ఫోటో షూట్స్ తో అభిమానులను అలరించిన ఈ చిన్నది. ఇప్పుడు మరోసారి తెర పై అలరించడానికి రెడీ అయ్యింది.

నటసింహం నందమూరి బాలకృష్ణ హీరోగా సక్సెస్ ఫుల్ డైరెక్టర్ అనిల్ రావిపూడి దర్శకత్వంలో సినిమా వస్తోన్న విషయం తెలిసిందే. ఇప్పటికే ఈ సినిమాకు సంబంధించిన పనులు చకచకా జరుగుతున్నాయి. ఈ సినిమాలో యంగ్ సెన్సేషన్ శ్రీలీల కూడా నటిస్తోంది. ఇటీవలే ఈ భామ బాలయ్య సినిమా షూటింగ్ లో జాయిన్ అయ్యింది.

ఇక ఇప్పుడు ఈ సినిమాలో లీడ్ రోల్ గా కాజల్ అగర్వాల్ కూడా ఎంపిక అయ్యింది. తాజాగా ఈ భామ షూటింగ్ లో జాయిన్ అయ్యింది ఈ విషయాన్ని చిత్రయూనిట్ అధికారికంగా ప్రకటించారు. అయితే ఈ సినిమా కోసం కాజల్ అగర్వాల్ అందుకుంటున్న రెమ్యునరేషన్ గురించి ఆసక్తికర చర్చ జరుగుతోంది. ఈ సినిమాలో కాజల్ కేవలం 40 నిముషాలు మాత్రమే కనిపిస్తుందట. ఈ 40 నిమిషాల కోసం ఆమె ఏకంగా రూ. 4 కోట్లు పారితోషికం అందుకుంటుందని తెలుస్తోంది. గతంలో బాలయ్య నటించిన లయన్ సినిమాలో కూడా కాజల్ కు ఛాన్స్ వచ్చింది కానీ ఆ సమయంలో వరుస సినిమాలు కమిట్ అవ్వడంతో ఆమె ఆ సినిమాలో నటించలేదు.