‘అవతార్ 2’ పై కీలక అప్డేట్

'అవతార్'..ఈ సినిమాకు ప్రపంచ సినిమా చరిత్రలో ప్రత్యేక పేజీ ఉంది. విజువల్ వండర్ గా ఈ సినిమాను అభివర్ణిస్తారు.

Ram Naramaneni |

Updated on: Sep 28, 2020 | 7:27 PM

‘అవతార్’..ఈ సినిమాకు ప్రపంచ సినిమా చరిత్రలో ప్రత్యేక పేజీ ఉంది. విజువల్ వండర్ గా ఈ సినిమాను అభివర్ణిస్తారు. ‘అవతార్ 2’ కోసం ప్రపంచ వ్యాప్తంగా అభిమానులు ఆశగా ఎదురుచూస్తున్నారు. ఈ మూవీకి సంబంధించి తాజాగా అప్డేట్ ఇచ్చారు ఆ చిత్ర దర్శకుడు జేమ్స్ కామెరూన్. ‘అవతార్ 2’ చిత్రీకరణ పూర్తయ్యిందని స్పష్టం చేశారు. ‘అవతార్ 3’ షూటింగ్ మరో 5 శాతం మిగిలి ఉందని తెలిపారు. ఇటీవలే జరిగిన ఆస్ట్రేలియా వరల్డ్ సమ్మిట్-2020లో హాలీవుడ్ యాక్టర్ ఆర్నాల్డ్ ష్క్వార్జ్నెగ్గర్తో జూమ్ ఇంటర్వ్యూలో ఈ విషయాన్ని వెల్లడించారు.

“కరోనా వైరస్ ప్రపంచంలోని ప్రతి రంగాన్ని ఎఫెక్ట్ చేసింది. ముఖ్యంగా సినిమా రంగానికి ఇది భారీ దెబ్బ. దీనివల్ల మా సినిమా విడుదలను మరో ఏడాది పాటు అంటే 2022కు వాయిదా వేశాం. ప్రస్తుతం న్యూజిలాండ్లో అవతార్ షూటింగ్ జరుగుతోంది. ఇప్పటికే ‘అవతార్ 2’ షూటింగ్ కంప్లీట్ అయ్యింది.. ‘అవతార్ 3’ షూటింగ్ మరో 5 శాతం మిగిలి ఉంది ” అని జేమ్స్ కామెరూన్ పేర్కొన్నారు.